Bunı “Qırım.Aqiqat” neşriyatınıñ malümat talabına idaresiniñ cevabında tarif ettiler. 

“Han sarayına dair okğan vaziyeti, umumiy milliy faciasınıñ nesnesi ola, ayrıca onıñ saqlanuvına dair, çünki obyektte Ukraina qanunları ve halqara qaidelerinen qabul etilmegen restavratsıya qaidelerine riayet etmemesinen kütleviy qurucılıq işleri keçirile. Olar bu abidesiniñ tarihiy ve medeniy qıymetiniñ yoq etüvine havflı olalar”, - denile MMSN arizasında. 

Tafsilâtlıca oquñız: Qırımdaki işğalcılar restavratsıya vaqtında tarihiy Han sarayınıñ binasına zarar ketirdiler

Bundan da ğayrı, idarede şunı da qayd ettiler ki, RF, silâlı çatışması vaqtında medeniy abidelerniñ saqlanılmasına dair “halqara gumanitar aqqınıñ qaidelerine mahsus köz urmay”.

MMSN’de Ukraina, Rusiyenen yarımadada ukrain medeniy qıymetleriniñ yoq etüvine ve şahsiyleştieüvine izin bermemek içün halqara ve ukrain qanunlarınıñ çerçivelerinde elinden kelgenini yapqanını qayd ettiler. O, halqara aqqı, Gaaga şartnamesinen şunı köz ögünde tuta: “nezaret etüvinden haber etüvine qadar, tahqiqattan mesüliyetke çeküvine qadar, vaqialarnıñ yayınlandıruvından qabaatlı şahıslarnıñ taqip etüvine qadar”. 

Belli olğanı

• Medeniyet ve malümat siyasetiniñ naziri Aleksandr Tkaçenko, YUNESKO’nı vaqtınca işğal etilgen Qırımnıñ Bağçasaraydaki qırımtatar Han saray mimar abidesini viran etken onıñ daimiy azası Rusiyeniñ ümdeleri ve areketlerine diqqatını çekmege çağırğan. 
• Han sarayı - dünyaara manasında tarihiy ve mediniy abidesidir, dünyada qırımtatar saray mimarlığınıñ yekâne nushasıdır. Saray, Bağçasaray tarihiy - medeniy abidesiniñ terkibine kire. 1532 - 1783 ss. - Qırım hanlığındaki Geraylar ükümdarlarnıñ soy ikâmetgâhıdır. 
• Bağçasaraydaki abidesiniñ sabıq müdiri, rusiyelilernen Han sarayınıñ yoq etüvi aqqında tarif etti. 

Bizni Telegram’da oquñız