Qırımda işğalcılar qırımtatar jurnalistlerge “tenbilerni” alıp bergenler

Любезна Катерина
·
13:53, 03 Sabanay
Qırımda işğalcılar qırımtatar jurnalistlerge “tenbilerni” alıp bergenler
Foto menbası: crimean-solidarity.org

Vaqtınca işğal etilgen Qırımdaki Krasnogvardeyskoye rayonınıñ Oktâvrskoye köyünde “polis”, grajdan jurnalistleri okğan qırımtatarlarğa “tenbilerni” bergen. Olarğa “kütleviy qanunsuz tedbirlerde” iştirak etmege yasaq. O ise - söz serbestligini yasaq etip jurnalist faaliyetine keder ete. 

Bunı “Qırım birdemligi” yaza

“Tenbilerni” alğanlarnıñ arasında siyasiy mabusı Rustem Emirüseinov ve Arsen Abhayirovnıñ ana-babaları, “Qırım birdemliginiñ” muhbiri Kulamet İbrayimov, Şadiye Katık, Zera Sativalsiyeva ve Yunus Veliyev. “Qırım birdemliginiñ” malümatına köre, bir qaç kün evel olarnıñ episi, “Krasnogvardeysk gruppasınıñ” üç qırımtatar azasınıñ tutıp aluvınıñ yıllığına bağışlanğan toplaşuvında iştirak etken ediler”, - denile beyanatta. 

Daa böyle “tenbilerni” 17 yılğa azatlıqtan marum etilgen ve işğal makemesiniñ qararı içün cezasını bir qaç yıl içinde çekken siyasiy mabusı Emil Ziyatdinovğa da alıp ketirdiler.

“Polis hadimi, Emil Ziyadinovnen laf etmege istegenini aytqan. Anası, onen laf etip olamağanlarını dep cevap berdi. Sebep aqqında sorğan. Apis etilgenini aytqan ve o, aylanıp ketken”, - bildirdi siyasiy mabusınıñ ömür arqadaşı Elviye Ziyadinova. 

Aynı maqsadınen işğalcılar jurnalist Kulamet İbrayimovnıñ resmiyleştirilgen yerine de kelgenler, amma o başqa adresinde yaşay. Anda “uquq qoruyıcılar” onıñ ağasını qarşılap Oktâbrskoye üzerinde PUA uçmadımı dep sorğan ediler. 

“Bu tenbini Qırımda mustaqil jurnalist faaliyetine basqınıñ nevbetteki ıntıluvı olğanını dep sayam, çünki 2014 seden beri mında olunğan vaqialarnı kösteremiz. Daa menden ğayrı, daa altı ailesine kelgenler. O, meni toqtatılmaz ve jurnalist faaliyetime tesir etmez”, - qayd etti İbrayimov.

“Tenbilerni” daa siyasiy mabusı Rustem Emiruseyinovnıñ ana-babası Reşat ve Zure Emirüseyinovlarına da ketirdiler. İşğal polisiniñ hadimleri olardan da olar Oktâbrsk üzerinde dronlarnı kördilermi sordılar. 

“Uçaqlar, dronlar uçqanını kördiñizmi, uçaqlar uçalar işte, başqa ne uçqanını bilmeyim. Mahsus ameliyatına qarşı sizni teşviq etmege kelelermi soray ediler”, - qayd etti Reşat Emirüseyinov. 

Menba: crimean-solidarity.org

Belli olğanı

  • Böyle “tenbilerni” endi çoqusı qırımtatarına (faaller, uquq qoruyıcılar, qırımtatar halqınıñ Meclis azalarına) alıp berdiler. Uquq qoruyıcılar bunı ruhiyat basqısınıñ usulı dep sayalar, işğal polisi ise bunı “ceryaniy olmağan tedbiri” dep saya. 

Bizni Telegram’da oquñız