Bunıñ aqqında OSCE Daimiy şurasınıñ oturışı vaqtında Avropa Birliginiñ arizasında qayd etile, haber ete “Ukrinform” muhbiri. 

“Keçken afta OSCE’de ve başqa halqara teşkilâtlarınd halqara cemiyeti, Ukrainağa destegini ve birdemligini bildirdi. Akimiyetlerimiz ve halqlarımız şunı añlattılar ki: BMT Statusınıñ 51 maddesine dair halqara aqqına binaen rusiye tecavuzına qarşı mudafaa etilmege öz aqqını eda etken Ukrainanıñ tarafında turamız ve kerek olğanına qadar bunı yapmağa devam etecegimiz”, - denile AB arizasında.

Tafsilâtlıca oquñız: “Ukraina öz başına qarar berer”: Stoltenberg, Qırımnıñ silâlı deokupatsıyasına dair fikirini bildirdi

Daa Avropa birligi, ukrain devletiniñ suverenitetini, territorial bütünligini ve azatlığını imaye etken ukrain halqınıñ cesürligine ve azimkârlığına qıymet kesken.

“Ukrainanıñ, Qırımnen beraber halqara seviyesinde qabul etilgen sıñırlarında rusiyenen vaqtınca işğal etilgen ukrain territoriyalarnı serbest etmege ve olarnıñ üzerinde bütün nezaretini qaytarmağa aqqı bar”, - “Qırım - Ukrainadır” qayd etip dep qoştılar AB’de. 

Tafsilâtlıca oquñız: AQŞ ve ittifaqdaşları baarde Ukrainağa qarşı ücümini başlamağa yardım eterler - Ostin

Belli olğanı

• Avropada AQŞ ordusınıñ sabıq başı general Ben Goces, Qırımnıñ olabilgen deokupatsıya planını köstergen. Arbiy inşaatları ve RF QB bazaları boyunca uzaq mesafelş utuşlarbı uzun vaqıt devamında yapmaq, soñra ise bazı nişanlarnı PUA ile yoq etip tek soñ yarımadanıñ territoriyasına ukrain ordularnı kirsetmek. 
• UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
• Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.

Bizni Telegram’da oquñız