Bunıñ aqqında Temsilcilik Facebook’ta bildire. 

Ne yerge muracaat etmek

14 yaşından başlap bütün ukrainlerniñ, Devlet migratsıya hızmetinden ID-varaqası şeklinde pasportnı almağa aqqı bar. Amma qırımlı, ukrain pasportını ilk sefer 18 yaşına kirgen soñ alsa, Ukrainanıñ nezareti astında olğan territoriyalardaki Devlet migratsıya hızmetiniñ er bir territorial organına muracaat etip şahısnıñ tayin etüv ameliyatını keçmek kerek. 

DMH iş cedvelini olarnıñ resmiy saytında bilmek mümkün.

Nasıl vesiqalarnı alıp bermek

• ukrain soylı doğum şeadetnamesi,
• ana-babalarnıñ pasport vesaqaları,
• bergi ödegenniñ şahsiy nomerası olsa,
• şahısnıñ fororesimden ibaret olğan devlet organı, müessise, teşkilât ile alıp berilgen er bir vesiqası.

Bu vesiqalar olmasa, şunu qayd etilgen arizanı DMH’ne alıp bermek kerek:

• yaşağan yerniñ adresini,
• oquğan/çalışqan yerniñ adresini,
• cezalarnı eda etici yerniñ adresini (bar olsa),
• şahısnıñ tayin etüv ameliyatına şaatlar aqqında malümatlarnı,
• bildiricinen şahısnıñ tayin etüvi içün müim sayılğan er bir malümatnı.

Şaat olmağa kimniñ aqqı bar

• aile azalardan biri, sabıq apayı/aqayı da sayılır,
• 14 yaşını toldırğan tuvğan şahıs ya da qomşusı. “Tuvğan şahıslar” ıstılası, “Qabarcılıqqa tirenüv aqqında” UQ 1 maddesiniñ 1 qısmınıñ 4 satır başı ile köz ögünde tutula. 

Şaatlar qabiliyetli olıp olarnı ve olar aile azası ya da tuvğan şahısı olğanlarını tasdıq etken vesiqalarnı köstermek kerekler. Qomşular yaşağan yerniñ resmiyleştirüv aqqında vesiqasını ya da territorial cemiyetiniñ sicilinden malümatnamesini. 

Şahısnıñ onlayn şeklinde tayin etüvi

Cenk vaziyeti vaqtına şahısnıñ tayin etüv ameliyatı, DMH organlarınıñ hadimlerinen keçirile. Bunı onlayn tarzda Skype ya da WebEx vastası ile video konferentsıyası ile yapmaq mümkün.

Lâkin teşkirilgen vatandaşı, DMH hadimi yanında şahsen bulunmaq kerek, onıñ şahısını tasdıq etken şaatlar ise videonıñ qayd etüvi ile video konferentsıyası ile soraştırılabileler. O, qayd etilip anketa arizasına qoşula. 

Şaatlarnıñ onlayn soraştırıluvı vaqtında şahısnı ve aile azası/tuvğan şahısnıñ ukrain vatandaşlığını tasdıq etken vesiqalarnı ve bu şahıs, aile azası ya da tuvğan şahısı olğanını tasdıq etken vesiqalarnı köstermek kerek. Daa bu vesiqalarnıñ kopiyalarnı DMH territorial bölügi/territorial organınıñ elektron poçtasına yollaylar. 

Pasport, qaç vaqıt yapıla

Şahısnıñ tayin etüv ameliyatınıñ keçirilüvinen pasportı, eki ayğa qadar yapıla. 

Vesiqanıñ resmiyleştirüv vaziyeti aqqında DMH resmiy saytında “Vesiqalarnıñ resmiyleştirüv vaziyetiniñ teşkerüvi” servisiniñ yardımı ile haber almaq mümkün.

Bizni Telegram’da oquñız