Bunıñ aqqında o, saban aynıñ 1paylaştırılğan LRT litvan intervyüsinde bildirdi. 

NATO baş kâtibine Ukraina halqara seviyesinde qabul etilgen sıñırlarına qaytmaq kerek olğanı aqqında onıñ beyanatlarını hatırlattıp ukrain devleti, Rusiyenen işğal etilgen Qırımnı quvet ile serbest etmek kerekmi manasına kelemi dep sordılar.

“Ayrıca, cenk, müzakere ile bitmek kerek, soñra ise müzakerelerniñ nasıl şartlarını ve neni qabul etebilecegine qarar bermek kerekler. Vazifemiz - Ukrainağa qol tutmaq, çünki müzakere sofrasında olıp keçkeni cenk tarında olunğanından farqlanmay. Ukraina içün barışıq qararını istesek, buna irişmek eñ yahşı yolı - arbiy destegini bermek. Ukraina, onıñ içün nasıl qararlar elverişli olğanını özü qarar berer”, - qayd etti Stoltenberg.

Tafsilatlıca oquñız: AQŞ ve ittifaqdaşları baarde Ukrainağa qarşı ücümini başlamağa yardım eterler - Ostin

Belli olğanı

• Avropada AQŞ ordusınıñ sabıq başı general Ben Goces, Qırımnıñ olabilgen deokupatsıya planını köstergen. Arbiy inşaatları ve RF QB bazaları boyunca uzaq mesafelş utuşlarbı uzun vaqıt devamında yapmaq, soñra ise bazı nişanlarnı PUA ile yoq etip tek soñ yarımadanıñ territoriyasına ukrain ordularnı kirsetmek. 
• UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
• Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.

Bizni Telegram’da oquñız