Bunı “Qırım birdemligine” advokat Emil Kurbedinov tarif etti. 

Faali Enver Kroş, grajdan jurnalisti Vilen Temeryanov, Rinat Aliyev, Murat Mustafayev, Seyityağya Abbozov ve Edem Bekirov aqqında söz kete. 

Advokat qayd etkeni kibi, mahsus hızmetler Cankoydaki qırımtatarlarnıñ davasını Ukrainadaki vaqialarına mahsus etip bağladılar.

“Siyasetçilernen, kütleviy haber vastalarında ve öz mahsus hızmetlernen sanki dersin Ukrainadan idare etilgen “terroristik taqımı” yoq etilgeni bildirilgen edi. 2022 senesi uvut ayından soñ keçirilgen vaqialarınen bağlı, bu vaqıt ile yazdırılğan ümdesidir”, - dedi Kurbedinov. 

Onıñ sözlerine köre, “Terrorizmge qarşı tirenüv aqqında” federal qabunına binaen, Hizb ut-Tahrir, qabaatlandırılğam maddesine dair terroristik teşkilâtı olaraq tanılmağan edi. 

Ayrıca, CK 205.5 maddesi, qanunğa köre, terroristik olaraq tanılğan teşkilâtlarda iştirak alğan şahıslarnıñ mesüliyetke celp etilmesini talap ete. Onıñ qabul etüv vaqtına 2013 senesinden beri şimdiki vaqıtqa qadar ameldeki qanunına köre, Hizb ut-Tahrir, terroristik kibi tanılmağan edi. 

“O, insanlarnı bu diniy gruppasınıñ faaliyetiniñ teşkil etilmesinde ve iştirağında qabaatlandıruvı ile tasdıq etile, amma bunen beraber terrorizmnen bağlı muayyen areketlerinde qabaatlamaylar, yani terrorizmsiz olğan terrorizm”, - añlattı qoruyıcı. 

Belli olğanı

• Qırımtatarlarnı Rusiyede yasaq etilgen islam siyasiy Hizb ut-Tahrir fırqasınen bağlarda şübelep Cankoyda 2022 senesi arman ayında apis ettiler. “İlk Cankoy gruppasınıñ” cinaiy davasındaki qabaatlavnıñ esasında 2015 senesi camide yapılğan müzakere audio yazısı keçe. 
• Mahkeme tahqiqatı vaqtında advokatlar ve imaye astında olğanlarına “mahkeme” ile ekspertizağa yollanılğan  malümatlarnen tanışmağa bermediler. İmaye tarafınıñ fikirine köre, audio yazıluvlarnı FTH arhivlerinden 8 yıl soñra çıqardılar, çünki bütün bu yıllar içinde dava iştirakçıları taqip etilmeyip cemiyet içün iç bir havf ketirmegen ediler. 
• Daa mahkeme tahqiqatı içinde işğalcılar terroristik areketi ya da başqa tecavuziy areketlerniñ yapılmasına dair iç bir planını tayin etmediler. 
• Uquq qoruyıcılar, teşkilât iştirakçılarnı terrorizm içün degil, Qırımda siyasiy basqılarına qarşı fırqa tarafdarlarınıñ halq ögünde yapılğan tedbirler, rusiye işğal akimiyetiniñ sistemalı tenqiti ve 2014 senedeki vaqialarına cevap olaraq qırımtatarlarnıñ arasında kütleviy qabul etmemezligi içün taqip etkenlerini dep tüşüneler.

Bizni Telegram’da oquñız