İşğalcılar FTH hadimlerinen öldürilgen Nabi Rahimovnı olarnıñ ayatına qast etüvinde qabaatlı dep tanıdılar
2021 senesi mayıs aynıñ 11 Aqmescitte tutıp aluvı vaqtında “quvetçilernen” öldürilgen “Hizb ut-Tahrir al-İslami” azası, Uzbekistan vatandaşı Nabi (Ayüb) Rahimovnı rusiye şeeri Rostov-na-Donudaki cenübiu arbiy bölge makemesi, “Qırım FTH hadimleriniñ” ayatına qast etüvi ve “ekstremist yönelişinde cinayetlerinde” ölümden soñ qabaatlı dep tanıdı.
Bunı Qırımnıñ tahqiqiy işğal komiteti bildire.
“Onı RF CK 205.5 m. 2 q. (RF qanunlarına köre, terroristik kibi sayılğan teşkilâtınıñ faaliyetinde iştirağı), RF CK 205.1 m. 1.1 q. (cinayetniñ eda etilmesine celp etüvi), RF CK 205 m. 1 q., 30 m. 1 q. (terroristik areketine azırlanuvı), RF CK 222.1 m. 1 q. (patlayıcı aletlerniñ satın aluvı, saqlanuvı ve taşıması), RF CK 317 m. (qanun qoruyıcı organdaki hadiminiñ ayatına qast etüvi)” köre cinayetlerniñ yapılmasında qabaatlı dep tanıdılar”, - denile beyanatta.
İşğalcılarnıñ malümatına köre, erkek, 1990 senesinden beri Rusiyede terroristik sayılıp yasaq etilgen “Hizb ut-Tahrir al-İslami” teşkilâtınıñ faal azası edi.
“2017 senesinde yarımadağa köçip 2021 senesine qadar Sovetskiy rayonında ve Aqmescitte insanlarnı bu teşkilâtqa celp etken edi. 2021 senesi mayıs ayında erkek, terraktnı yapmağa istey edi ve bunı yapmaq içün eki oatlav cihazını ve silânı satın alğan. Lâkin öz istegini kerçekleştirip olamadı, çünki onıñ cinayet faaliyeti, Rusiye FT hadimlerinen toqtatılğan edi. Cinayetçi, olarğa qarşı çıqqan vaqtında elâk oldı”, - yaza Qırımnıñ tahqiqiy işğal komiteti.
2021 senesi mayıs aynıñ 11 Aqmescitte “quvetçilernen” öldürilgen Nabi (Ayüb) Rahimov aqqında söz kete. Onıñ ömür arqadaşı Sohiba Burhanıva Qırımdan sürgün etilgen. O, 2021 senesi mayıs aynıñ 13 beri Krasnodarsk ülkesindeki ecnebiy vatandaşlarnıñ vaqtınca tutuv merkezinde bulunmaqtadır.
Belli olğanı
- Mayıs aynıñ 12 işğal makemeci İgor Brajnik, Sohiba Burhanovağa 2000 ruble miqdarında - qararnen 1000 grn cöreme ödetti ve Rusiyeden sürgün etti. Onı Rusiyege kitğv ya da bulunuv qaidelerniñ bozuluvında qabaatladılar. İnsan aqları boyunca Avropalı makemesi, Makeme Reglamentiniñ 39 qaidesini qullanıp, qadınnıñ Uzbekistanğa sürgün etüvinden vazgeçmege çağırdı.
- Rahimovnıñ öldürüvinden soñ yüzlerce insan taziye bildirip onıñ ailesine qol tutmaq içün Qırımdaki Zavetnoye köyüne keldi.
- Qırım MC prokuraturası, işğal etilgen Qırımda Özbekistan vatandaşınıñ öldürüvi aqqında malümatnı toplay.
Bizni Telegram’da oquñız
