Bunıñ aqqında yerli sakinler Suspilne Qırımnı bildirdiler. 

“Saq rayonında yaşaymız. Gece, tahminen saat ekide patlavlarnı eşitken edik. Öyle patladı ki, zelzele olğanını tüşündik”, - qayd ettiler olar.

Kezlev astında Moloçnoye köyünde eşittik, amma pencereler Saqqa daa yaqın qıbırday ediler. Umumen eñ azdan 3-4 patlavnı saydılar.

Rusiye propagandacı Aleksandr Talipov öz Telegram kanalında qayd etkeni kibi, dronlar radio elektron mudafaasınıñ bölüklerni yoq etkenler eken. 

“Aqiqaten gece dronlar uçqan ediler, olarğa AQM masraf etmediler, REM yardımı ile Saq rayonında temiz tarda tüşürdiler, bundan eki sesli pamuğı”, - yazdı o. 

Daa propagandalı blogeri, yoq etilgen dronlarnıñ sanki dersin qalımtılarnı yayınladı. 

“Saq rayonında tarda tüşken ukrain dronlarnıñ qalımtıları. Qırımda iç bir zararı yoq ve olmaz. Qırım işançlı bir imayesi astında”, - qayd ete Talipov.

Menba: t.me/talipovonline

Belli olğanı

• Avropalı-Aq deñiz seysmologiya merkeziniñ malümatları köstergenleri kibi, uvut aynıñ 27 işğal etilgen Yalta rayonında 3 degil, 4.4 baalı zelzelesi olğan edi. 
• Uvut aynıñ 23 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi. 
• Vaqtınca işğal etilgen Aqyarda yerli sakinler binalarnıñ damında rusiye ordusınıñ avağa qarşı mudafaasınıñ istihbarat mevzimlerini kördiler. 
• Cuma künü, uvut aynıñ 17, vaqtınca işğal etilgen Aqyarda eki patlav eşitilgen. İşğal akimiyeti qayd etkeni kibi, Balıqlava TES rayonında PUA yoq etilgen. 
• Daa uvut aynıñ 17, vaqtınca işğal etilgen Aqyarnıñ Lenin rayonında patlavlar ve müddetli nevbetli atışlarnı eşitken ediler. İşğalcılar aytqanları kibi, o “planlaştırılğan oqutuvlardır”. 

Bizni Telegram’da oquñız