Qırım ealisi arasında iç bir destegi olmağanını Kremlde añlaylar - MAQ askeri
Rusiyeniñ Ukrainağa büyük miqyaslı ücüminiñ yıllığında, uvut aynıñ 24, vaqtınca işğal etilgen Aqyarda yerli faaller RF QB bulunğan yerinde ukrain bayrağını köterdiler. Şimdi o, Kreml içün büyük baş belâsı oldı. Qırım ealisi arasında, ayrıca, Qırım rusiye askerlerinen hızmet etilmege başlağanda, iç bir destek olmağanını añlaylar.
Bunı Milliy qarşı ücümi merkeziniñ vekili ve Mahsus ameliyatlar quvetlerniñ askeri, TSN tefsirinde bildirdi.
Onıñ sözlerine köre, yarımadada Qırım sakinlerniñ daa çoqusı, rusiye işğali astında olmağa istemeyip onıñ serbest etüvine beklegenine dair deñişmeler qayd etile.
“Keçken yıl Qırımda Moskva, Kremlnen tetqiqlerniñ sırası keçirilgen edi. Qırım oğrunda uruşlar vaqtında Rusiye tarafına kimse turmaycağını añladılar. O, bugünki kününe qadar Moskva içün büyük bir meselesi ola. Bu doquz yıl içinde insanlar Rusiye ve “Rusiye dünyası” nedir añladılar”, - dedi arbiy hızmetçisi.
Qırımda gumanitar buhranı
Büyük miqyaslı ücüminiñ başlanuvından soñ, Qırımda gumanitar buhranı peyda oldı. Şimdi anda Lugansk vilâyetiniñ işğal etilgen qısmında rusiyeliler bütün grajdan inşaatını askerlerniñ talaplarına qullanalar.
“Aqiqaten, malümatınızğa köre, Aksönovğa Qırımdaki vaziyeti başqa olacağını söz bergen ediler. Qırımda gumanitar buhranı olmaz ve içtimaiy-siyasiy baqışlarnı idare etip olacaqsıñız. Amma öyle olmağan. Keçken yılnıñ soñundan, 2022’den, grajdan hastanelerni de arbiy soylarına çevirip çoqusınen rusiye arbiylerini hızmet etmege başladılar.
Böyleliknen, uvut ayına qadar, sakinler içün ilâclarnıñ qıtlığı bar, çünki episini rusiye arbiylerine yollaylar. Daa ilk qış-qara qış ayları içinde COVID’nıñ yañı dalğasınıñ büyük kerhinleşüvi de var ayd etilgen. Barışıq sakinlerni hızmet etip olarnı hastanelerde yerleştirmege ekimlerniñ fırsatı olmağan edi, buna köre, ölüm vaqialarnıñ miqdarı artqan.
“Aqiqaten, bugün Qırımnı rusiye askerleriniñ hızmet etüv yeri okaraq qullanalar”, - qayd etti MAQ askeri.
Demiryolnıñ patlatuvı
Uvut aynıñ 23 Poştove köyü yanında demiryoldaki diversiyasından soñ, işğal akimiyeti, o, yük treni ile bozuluvı olğanını bildirdi. Amma ağda koliyanıñ qısmı olmağanını tasdıq etken fotoresiminiñ petda oluvından soñ, bu versiyasını red ettiler.
“O, demiryolnıñ kesilgen qısmı olğanını endi aytalar, amma o, partizanlıq olğanında diqqatını celp etmeyler. Adiy turmuş cinayeti, ya da birev raqı içün demiryolnıñ qısmını kesip alğan. Amma kim çalışqanı, nasıl çalışqanı ve bunıñ devamı olacağını bilemiz. O, Qırımda inkişaf etilgen bugünki gizliligimizdir”, - qayd etti ukrain qoruyıcı.
Partizanlarğa nasıl yardım etmek
MAQ askeri, qırımlılarnı işğalge qarşı çıqmağa çağırğan.
“Aramaq, öz telefon ya da başqa vastasına VPN’nı qoymaq. Milliy qarşı ücümi merkeziniñ saytına kirip, nasıl usulı ile qatnamaq mümkün olğanını malümatnameni oqumaq. Çünki yüz kere qaytaram ki, er biri, öz yerinde qarşı çıqabile”, - tarif etti o.
Belli olğanı
- Uvut aynıñ 23 ukrainler ve qırımtatarlarnıñ arbiy-partizan areketi “Ateş, vaqtınca işğal etilgen Qırımda Poştove köyü yanında demiryolnıñ qısmını patlağanlarını bildirdi.
- “Ateş”, rusiye ordusı ve Rosgvardiyasını içinden yoq etmek içün olarğa 2 biñ agentini kirsetti.
- Vaqtınca işğal etilgen Aqyarda “Çalışıñız qardaşlar” yazısınen propagandalı “georgiy şeriti” grafitinde belli olmağan faaller 130 biñ “qardaşı” endi “çalıştırılıp” qara paketlerni qaldırğanını yazdılar.
- Qırım ilğaline qarşı çıquv kününde “Sarı şerit” areketiniñ faalleri, “Serbestlik vaqtı yaqınlaşa” müddetsiz tedbiriniñ başlanuvını ilân ettiler. Yarımadadaki şeerlerinde “Z” ariflerini Ukraina devlet keteniniñ renklerinde qum saatına boyalamağa teklif eteler.
Bizni Telegram’da oquñız
