USQ cesürligi ve ukrainlerniñ birdemligi, bütün bu Qırımnıñ serbest etüvinen biticeginen qırımlılarnı inandırdılar - Çubarov
Qırımtatar halqnıñ Meclis başı Refat Çubarov ilân etkeni kibi, vaqtınca işğal etilgen Qırımdaki rusiyeliler yerli sakinler yarımadanıñ ukrain nezaretine qaytaruvından qorqıp buna qarşı çıqsınlar dep olarğa delillerni tapmağa tırışacaqlar. Bunen beraber, şunı da qayd etti ki, USQ cesürligi ve ukrainlerniñ birdemligi, bütün bu Qırımnıñ serbest etüvinen biticeginen qırımlılarnı inandırdılar, buna köre, işğalcılar bunı yapıp olamaz.
Bunıñ aqqında o, “Qırım. Aqiqat” intervyüsinde bildirdi.
“Ukraina silâlı quvetlerniñ cesürligi, ukrain milletiniñ birdemligi, Qırımda yaşağan insanlarnı bütün bu Qırımnıñ serbest etüvinen biticeginen inandırdılar. İşğal etilgen Qırımda yaşağan bütün insanlarımıznı körüniş kibi qayd etmege isteymiz. Qırımtatarlar ve ukrainlerniñ çoqusı, Ukrain devletine sadıq olıp qala. Bunı saqlap pekittirmek kerek”, - qayd etti Meclis başı.
Onıñ sözlerine köre, işğalcılar qırımlılarnı yarımadasınıñ deokupatsıyasına qarşı çıqtırmağa ıntıluvlardan vazgeçmeseler de, bunı eda etip olamazlar.
Tafsilâtlıca oquñız: USQ, baarde qarşı ücümine keçmege azır olacaqlar - İBİ
“Birinciden, devlet siyasetimiz şusı ki, işğalcılarğa hızmet etip başqa insanlarğa dair cinayet yapqanlarını yahşı körecegimiz, bu insanlar cezasını çekecekler. Amma işğal etilgen territoriyalarında yaşap Ukraina vatandaşları olğanlarnıñ arzusı, niayet kerçekleşir - Qırım serbest olacaq”, - dep añlattı Çubarov.
Meclis başınıñ fikirine köre, keçken yıl, ukrain milletiniñ temiz etüv ceryanını başlatmağa yardım etken.
“Sert cenkniñ zemininde keçken yıl, öldürilgen biñlerce insan, raketalar ile atış etilgen Ukrainanıñ territoriyası - ukrain milletini temizleştire. Menimce, endi temizleştirilgendir: o, etnik ukrainler, qırımtatarlar, yeudiler, özüni ukrainler sayğan başqa milletler. Sınavlar, qan vastası ile eñ esas tecribesidir. Qorqunçlıdır, amma qan ile yañı Ukraina yaratıla”, - qayd etti o.
Tafsilâtlıca oquñız: Ahlâqiy tarzda azırmız ve Qırımnıñ deokupatsıyasına tehnikiy ceetinden azırlanamız - Zelenskiy
Çıbarov qayd etkeni kibi, yarımada ne vaqıt serbest olacağına dair şimdi tahminlerni yapmaq zor.
“Er bir tahminlerni yapmamağa tırışamız, amma qırımtatar halqnıñ Meclisiniñ faaliyetinde bu yılda qaytacağına ümüt besleymiz. Ve bazı tedbirlerni endi planlaştıramız”, - dep qoştı o.
Ukrainanıñ qaytuvından soñ er kesni apis etecekleri aqqında qırımlılarnı qorqutuvları aqqında tışqı işler nazir muavini Emine Ceppar da tarif etti. Ukrainağa işğal etilgen territoriyalarında er kes satqın olmağanını israr etmege teklif ete.
“Uquqiy çerçivesi pek müim olacaq. Ukraina, işğal etilgen territoriyalarına insanlarnı ne bekleycek ceetinden qaytuv aqibetlerni köstermeli. Ayrıca, satqın sayılıp olamağan ocalar ve ekimler”, - qayd etti Ceppar.
Qayd etkeni kibi, 2014 senesinden soñ kelven rusiye ameliyatçıları, ukrainlerni öz toprağında nasıl yaşamaq yerine öz vatanına qaytmaq kerekler.
Belli olğanı
- Ukraina prezidenti Vladimir Zelenskiy, Qırımnıñ qaytaruvından soñ tınçlıq olacağında emin.
- Ukraina prezidentiñ ofisiniñ reberi Andrey Yermak ilân etkeni kibi, Ukraina, Rusiyenen vaqtınca işğal etilgen Qırımğa mıtlaqqa qaytacaq.
- Mudafaa nazirliginiñ İBİ baş muavini general Vadim Skibitskiy ikân etkeni kibi, rusiye reberligi, işğal etilgen Qırımda mudafaasına azırlana.
- PO başınıñ mesleatçısı Mıhaylo Podolâknıñ fikrine köre, USQ, vaqtınca işğal etilgen Qırımnı Donetsk ve Lugansk vilâyetlerden evel serbest etebileler.
- UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
- Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.
Bizni Telegram’da oquñız
