USQ, baarde qarşı ücümine keçmege azır olacaqlar - İBİ
Ukraina Mudafaa nazirligindeki istihbaratınıñ baş idaresiniñ vekili Vadim Skibitskiy, baarde ukrain ordusı, baarde qarşı ücümge, em de Qırım ve RF territoriyası arasında rusiye cebesinde zarar etmege azır olacağını ilân etti.
Bunıñ aqqında o, DW tefsirinde bildirdi.
“Menimce, baarde qarşı ücümge azır olacaqmız”, - qayd etti Skibitskiy.
İBİ vekili qoşqanı kibi, ücümniñ muayyen vaqtı, Ğarptan silânıñ teslim etüvinen beraber ceetlerniñ sırasına bağlı.
Onıñ sözlerine köre, qarşı ücüminiñ strategik maqsatlardan biri, işğal etilgen Qırım ve Rusiye territoriyası arasında cenüpte rusiye cebesine zarar ketirmege ıntıluvı olacaq.
“Qarşı ücüminiñ maqsadı - Qırımnen beraber Ukrainanıñ bütün işğal etilgen territoriyalarını azat etmem. Ülkeni 1991 senedeki sıñırlarında qaytarğanda toqtatırmız”, - qayd etti Skibitskiy.
Tafsilâtlıca oquñız: Ahlâqiy tarzda azırmız ve Qırımnıñ deokupatsıyasına tehnikiy ceetinden azırlanamız - Zelenskiy
Belli olğanı
- Ukraina prezidenti Vladimir Zelenskiy, Qırımnıñ qaytaruvından soñ tınçlıq olacağında emin.
- Ukraina prezidentiñ ofisiniñ reberi Andrey Yermak ilân etkeni kibi, Ukraina, Rusiyenen vaqtınca işğal etilgen Qırımğa mıtlaqqa qaytacaq.
- Mudafaa nazirliginiñ İBİ baş muavini general Vadim Skibitskiy ikân etkeni kibi, rusiye reberligi, işğal etilgen Qırımda mudafaasına azırlana.
- PO başınıñ mesleatçısı Mıhaylo Podolâknıñ fikrine köre, USQ, vaqtınca işğal etilgen Qırımnı Donetsk ve Lugansk vilâyetlerden evel serbest etebileler.
- UMN İBİ başı Kırılo Budanov, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti.
- Ukraina prezident ofisiniñ baş muavini İgor Jovkva ilân etkeni kibi, şimdi işğal etilgen Qırımnıñ serbest etüv yollarınıñ episini diqqatqa alalar, diplomatik yolı, arbiy soyunı tamamlaybile.
Bizni Telegram’da oquñız
