Bunıñ aqqında Ukrinformdaki matbuat konferentsıyası vaqtında QRM meneceri Tetâna Podvornâk bildirdi. 

“Kampaniya çerçivelerinde milliy ruhunıñ destegine yöneliş tutqan “O vaqıt küreştik, şimdi de ğalebe qazanırmız” adlı “furtunasını” başlaymız. Bunıñ içün “O vaqıt küreştik, şimdi de ğalebe qazanırmız”, “Qırımnı qaytarıp adaletni qaytarırmız”, “Qırım içün ticaret etmeymiz - bizim toprağımızdır”, Qırım - Alâska degil, özünkimizni satmamız”, “Evge yolunıñ devamı bar” ve başqa mevzuiy plakatlarnı işlep çıqardılar. Bu plakatlar içtimaiy ağlarda, Qırımtatar resurs merkeziniñ saytında bar ve olardan birini paylaşıp “furtunamızğa” qatnamağa rica etemiz”, - tarif etti Podvornâk. 

Menecerniñ sözlerine köre, işğalge qarşılıq kününe “Qırımnıñ işğal etüv künü aqqında ne haberiñ bar” testi işlep çıqarılğan. Daa “Uvut aynıñ 26 ne içün Qırım işğaline qarşılı künüdir”, miting iştirakçıları nasıl neticelerine iriştiler, aqibetleri nasıl olğan edi suallerine cavaplarnı bergen malümatnamesi yaratılğan.

2014 senedeki vaqialar, yarımadadaki işkenceler ve Ukrainağa rf’nıñ büyük miqyaslı ücümi aqqında tarif etken küçük videosı yaratılğan. Video, Qırımtatar resurs merkeziniñ içtimaiy ağlarında, onıñ saytında bar, daa “Suspilne” telekörüvinde kösterilecek. 

Bizni Telegram’da oquñız