Bunıñ aqqında Reintegratsıya nazirliginiñ matbuat hızmeti bildire. 

Vereşçükniñ sözlerine köre, “yarımadasınıñ reintegratsıyasınen bağlı bütün meseleler pek ağır. Buna köre, olarnı mıtlaqqa endi şimdi aytmaq kerek”. 

Tafsilâtlıca oquñız: Qırımnıñ diplomatik azat etüvi, arbiy soyunı tamamlaybile - İgor Jovkva

“Qırımnıñ reintegratsıyası ağır olacağını añlaymız. İnsanlar işğal astında 9 yıl yaşay ediler. Onıñ içün ukrain devletçiligini tap başından qurmaq kerek olacaq. Amma nasıl olsa da, bunı yaparmız”, - inandırdı memur. 

“Ukraina prezidentindeki yerli ve vilâyet akimiyetlerniñ kongressiniñ prezidiya oturışı olıp keçti. Tedbir, Prezident ofisiniñ reberi Andriy Yermaknıñ idaresi astında keçken edi. Meselelerden biri, Qırımnen beraber kadr yedeginiñ teşkil etilmesi olğanını” haber etti. 

Tafsilâtlıca oquñız: “Er kes bir dayın sayılmaz”: Vereşçük, Qırımda işğalcılarnıñ tarafdarlarınıñ cezası aqqında tarif etti

“İş gruppasını yarattıq. Saban aynıñ ortasına qadar Kongressniñ nevbetteki oturışında o, kadr yedeklerniñ teşkil etüv strategiyasını taqdim etmek kerek. Veteranlar, Qırımdaki tamır ealisi ve halqlarnıñ sayısından ve 2014 senesinde çıqmağa mecbur olğanlarnıñ azırlanuvı aqqında söz kete. Böyle vatandaşlarnıñ tahminen 50 biñ sayısı bar. Tuvğan ukrain Qırımnı ğayrıdan tiklemek içün olardan kerek olğan kadr yedegini teşkil etemiz”, - yekün çekti Vereşçük. 

Belli olğanı

• Qırım MC’de Ukraina prezidentiniñ daimiy vekili Tamila Taşeva ilân etkeni kibi, Qırım yarımadasınıñ qaytaruvından soñ vaziyetini idare etebilmek içün Ukrainadan farqlı saadaki 50 biñ hadimi kerek olır.
• Qırım MC’de Ukraina prezidentiniñ daimiy vekili Tamila Taşeva ilân etkeni kibi, vaqtınca işğal etilgen Qırımnıñ sakinleri işğalge imkân yaratmağan olsalar ve Ukrainağa qarşı Rusiyeniñ cenkine qol tutmağan olsalar “memuriyetlernen” işdeşligi içün cinaiy mesüliyetligini çekmemeliler.
• Daa şunı qayd etti ki, Ukraina, Qırımnıñ deokupatsıyasından soñ rusiyelilerni nasıl quvmaq mehanizmi üzerinde çalışa.

Bizni Telegram’da oquñız