İşğal etilgen Qırımda radioda İBİ başı Kirill Budanovnıñ muracaatını yayındırğanlar eken
İşğal etilgen Qırımda radioda Mudafaa nazirliginiñ istihbarat idaresiniñ başı Kirill Budanovnıñ sesine oşağan muracaatını yayındırğan ediler.
Bunı RİA “Haberler” bildire.
“Ukraina vatandaşları, sizge Kırılo Budanov muracaat ete. Ukraina bütün zapt etilgen territoriyalarnı qaytara. Donbas, Qırım Muhtar Cumhuriyeti ve Ukrainanıñ bütün cenübi, ebediyen evge qaytacaqlar. Ukrainağa hainlik yapqan er satqınnı taparmız. Ne yerde saqlanılğan olsalar, olarnıñ episi yoq etilecek. Vatanperverlerniñ areket etici vaqtı keldi. Bekleñiz, sizlerge yol tutamız. Ukrainağa şan şuret!”, - dediler radioda.
“ “Qırımdaki yoldaşı” ve “Vira” radiostantsıyalarnıñ yayınları, qırım rayonlarınıñ sırasında viran etilgenler, programmalarnıñ yerine Ukraina arbiy istihbaratınıñ başı Kiril Budanovnıñ adından qorqutuvlarnen yazılğan qısımını yayındırğan ediler, Aqmescitte ve Aqyarda yayınnı söndürip olamadılar”, - denile rusiye KHV beyanatında.
Daa şusı qayd etile ki, “Qırımdaki yoldaşı”nda vaqia aqqında alınğan malümatnı yarımadanıñ işğal akimiyeti tasdıq etti. Yayınlavnı toqtattılar, keççe kene de qaytardılar.
Belli olğanı
- Qara qış aynıñ 23 Vladimir Zelenskiy prezidentiniñ muracaatı, Belgorod ve işğal etilgen Qırımda rusiye telekanallarında kösterilgen edi.
Bizni Telegram’da oquñız