Bunı o, Forbes.ua’nıñ intervyüsinde tarif etti. 

“Silâlaştıruv yedeklerine dair, olar şimdi top techizatlarnıñ kütleviy işlep çıqarılması üzerinde çalışalar. Arbiy techizatlar yetmegenini daa bir kere tasdıq ete. Bizde areket etken rusiye taqımları endi eki ay içinde arbiy techizatlarnıñ tutumlıq rejiminde yaşaylar. Tek Bahmut ve Liman yönelişlerinde cenk yedeklerni yahşı qullanalar. Vugledarnı bir qaç sefer ücüm etmege tırışqan ediler, ileride de tırışacaqlar. Bütün başqa yerlerde - cenk yedeklerniñ ekonomiya rejimi oluna”, - tarif etti Budanov. 

Şunı qoştı ki, bu cenk techizatlarnı Şimaliy Koreyada tapmağa Rusiyeniñ fırsatı bar, amma şimdi KHDC’nen rusiye ordusı içün cenk techizatlarnıñ tasdıq etilgen alıp berüv vaqiaları yoq. 

“İrandan sınav partiyası ketirilgen edi, şimdi daa bir soyunı ketirmege tırışalar, sınav soyunı degil, tahminen 20 000 cenk techizatı. Qullanılğan raqamlarnen qıyaslasaq, bunıñ iç bir manası yoq”, - haber etti UMN İBİ başı. 

Budanov qayd etkeni kibi, Ukraina ve onıñ ortaqlarında da cenk techizatlarnıñ qıtlığı oluna, çünki “suvuq cenki vaqtında olğan şiddetlerni Şuralar Birligindeki, bizim ve Ğarp ülkelerniñ mudafaa kompleksini qıyaslamaq mümkün degil”. 

İstihbaratınıñ başı aytqanı kibi, top techizatlarnıñ qıtlığı, cenk areketinde körüne. Ayrıca, esas uruşlar şarqta keçirilgende şimdiki devirinde başqa usulına keçüvi aqqında aytmaq mümkün.

“Başqa usulına keçüvini Bahmutta er kes köre. Vugledar bunıñ parlaq bir misali edi. Bahmutta bitmeyip pihotası ketebere. Olarğa tek top atışlar yardım ete, zırhlı tehnikası asılda yoq. Vugledarda zırhlı tehnikasınıñ qullanuvı olunğan, amma ilk saatler içinde yoq etilgen, böyleliknen er şey atış uruşlarına çevirilgen”, - qayd etti Budanov. 

UMN İBİ başı, baarniñ ortasından soñuna qadar keçirilecek olğan uruşlar cenkniñ qarar berici ani olacağını qaçıncı sefer qayd etti. 

Bizni Telegram’da oquñız