Bunıñ aqqında onıñ advokatı, Oleksiy Ladin İçtimaiy Qırımğa bildirdi. 

Qoruyıcı, bu qararnı ve Kiselövğa qarşı qabaatlavlarnı ne içün saçma-sapan sayğanını da tarif etti. 

“Okeksiy Okeksiyoviç Kiselövni “Noman Çelebicihan adına qanunsız batalyonda” faal iştirağında qabaatlaylar. Tahqiqatnıñ versiyasına köre, onıñ faal iştirağı, bir sefer aşayt mallarınıñ alıp ketirilmesinen añlatıla. Başqası ise - Qırımnıñ deñiz blokadasınıñ esasçılarından biri olğanınen”, - dedi Ladın. 

“Tahqiqatnıñ versiyasına köre, deñiz blokadası, “filüga” küçük kateri ile olmaq kerek edi. Kiselöv, Geniçesk limanına bu gemideki “kapitannı” kirmege ve çıqmağa ögrete edi. Bu kapitan, keççe FTH’den qızıştırıcısı olğan eken. 

“Filüga” balıqçılıq gemisi kibi ve kurort sezonında Verblüjıy adasına raatlanğanlarnı alıp ketirilmesi içün qullanıla edi, FTH qızıştırıcısınen reberlik etilgen ekipajı qaçıp ketken. Şimdi bu qızıştırıcı, Kiselövniñ davasında gizli şaiti Petrov Petro Petroviç olaraq keçe.

“Videonı çıqarıp FTH’ne alıp ketirmege vazifesi olğanı belli. Bellegenim kibi, bu “felügasını” RF territorial suvlarına yollamaq kerek edi. Qabaatlavnıñ saçma-sapanlığına dair, bu geminiñ mehanigi, bu geminiñ yaqarlığı, 40 l olğanını añlattı. Yani yaqarlığınıñ masrafına baqsaq, bu gemi, RF territorial suvlarına bile yetiştirip olamaz edi. Em de, RF territorial suvlarınen 90 km keçip Keriç körfezine oğramaz edi. Anda ise tahqiqatnıñ versiyasına köre, Keriç körfeziniñ blokadasını yapıp terroristik areketini yapmaq kerek ediler eken”, - dep añlattı o. 

Taqım, Keriç körfezine keçip yiplerini kesmek kerek olğanı aqqında evelki diñlevinde “gizli şaatı” Petrov tarif etti. Mehanik, katerniñ litr miqdarını aytqan soñ, makemede Petrov, endi başqa malümatnı aytqan, olar yiplerni Azov deñizine atmaq kerek ediler ve bu yipler Keriç körfezine özü kirip onı qapatmaq kerek ediler eken. Sanki dersin, bunı Kiselöv, aqım ve yelniñ şiddetine köre sayğan. 

“Yani, avadan alınğan saçma-sapan versiyalar”, - qayd etti Ladin. 

Advokatnıñ sözlerine köre, yipler suv otı ösken territoriyasınıñ yahşılaştıruvı içün kerek ediler, buna köre, bu yiplerniñ yardımı ile er bir diversiyasını yapıp olamaz ediler, çünki üstünlikte yaldağan iritüvleri bar, gemi vintleri 3-5 metr terenlikte bulunalar. Yani yipler vintlerge baylanıp olamaz ediler. 

“Amma böyle tafsilâtlar ne tahqiqat, ne de mahkemeni meraqlandırmay ediler, buna köre, añlağanım kibi, qabaatlav ükümi çıqarılğan edi”, - yekün çekti o 

Tafsilâtlıca oquñız: Uquq qoruyıcılar Noman Çelebicihan adına batalyonnıñ tevqif etilgen vekilleriniñ miqdarını aytqanlar

Belli olğanı

• Oraq aynıñ 30 işğal etilgen Geniçeskte rusiye quvetçiler Ukraina Deñiz-arbiy quvetlerdeki istihbarat gemisiniñ sabıq başı Oleksiy Kiselövni tutıp aldılar. Bundan soñ işğalcılar onu Qırımğa çıqarıp taqiqat tevqifhanesine yerleştirdiler. 
• Kiselövni Noman Çelebicihan adına batalyonda iştirağında qabaatlaylar - Rusiye CK 208 maddesiniñ qısmı. Bu teşkilât, Rusiyede terroristik soyu kibi sayılmaqtadır. Okeksiy Kiselövına yazdırılğan maddesiniñ sanktsıyası, 15 yıl müddetinde tevqif cezasını köz ögünde tuta. Rusiye prokuraturası,oña 10 yıl müddetine azatlıqtan marum etüvini talap etken edi. 
• Noman Çekebicihan adına batalyonnıñ esasçısı Lenur İslâmov, olarğa Oleksiy Kiselövniñ aitligini red ete. 
• Daa Kiselöv, oña basqılarnıñ qullanuvı aqqında tarif etti. Onıñ sözlerine köre, Herson vilâyetiniñ işğal etilgen qısmında Kiselövni “hırsızlap uzun vaqıt içinde işkencekerge öğrata ediler”. QMC’de Ukraina prezidentiniñ vekilligi, Kiselövni deral azat etmege çağırdı. 
• 2022 senesi orta küz aynıñ 27 Oleksiy Kiselöv, tutıp alınğannıñ ekim ile baquvına takaplarına baqmadan, eki ay devamında tibbiy baquvınıñ yoq oluvı sebebinden açlıqnı ilân etti. O, eñ azdan altı halqara añlaşmasını boza. 
• Müzakereler vaqtında Oleksiy Kiselöv, makeme ce ceryannıñ bütün iştirakçısına onı işkencelerge oğratqan rusiye quvetçilerniñ cinaiy mesuliyetligine celp etilmesini eda etecegini añlattı. 

Bizni Telegram’da oquñız