Ukraina, Qırımnıñ demilitarizatsıyasız iç bir vaqıt telükesizlikte olmaz - AQŞ devlet kâtip muavini
AQŞ devlet kâtip muavini Viktoriya Nuland, Rusiye, Qırımnı büyük arbiy bazasına çevirgen, buna köre, AQŞ yarımadada rudiye arbiy obyektlerini ücüm etmege Ukrainanıñ qararına qarşı çıqmazlar. Bunen beraber, Ukraina, eñ azdan Qırımnıñ demilitarizatsıyasız iç bir vaqıt telükesizlikte olmaz.
Bunı o, Karnegi Fondınen teşkil etilgen onlayn-müzakeresi vaqtında bildirdi, dep bildire “Ukrinform”.
“Ukrainler ne yerde cenkleşmege ya da qısqa, orta ya da uzun müddetli istiqbalde Qırımğa dair nasıl qarar bereceklerine evelden qıymet kesmem, amma Qırım Ukrainağa ait olğanını qabul etemiz”, - dep añlattı devlet kâtibiniñ muavini.
Tafsilâtlıca oquñız: Qırım, kene de rağbetli ukrain kurortı olacaq - Skibitskiy
Nuland qayd etkeni kibi, rusiyeliler işğalden soñ insan aqlarınıñ kütleviy bozuluvı, qırımtatarlar ve başqalarnıñ taqıp etüvini başladı. İşğalnıñ 9 yıl içinde Rusiye, yarımadanı Ukrainanıñ nezareti astında olğan büyük miqyaslı ücümi içün qullanılğan büyük arbiy bazasına çevirgen. Böylece, onıñ fikrine köre, Qırımda rusiye arbiy bazalarnı USQ içün qabul etilgen nişanlar kibi saymaq mümkün.
Bundan da ğayrı, Nuland şunı qayd etti ki, Qırım, eñ azdan demilitarizatsıyanı keçmese, Ukraina telükesizligine irişmez.
Daa AQŞ, cenkten soñ Rusiyeniñ ilerideki toqtatuvı içün Ukrainağa silânıñ alıp berilmesiniñ fırsatlarını baqa. Bunıñ içün quvetli AQM olmaq kerek. Daa “sıñırlarnıñ daa quvetli mudafaası, daa yahşı radarları ve Rusiye kene de ücüm etip olamaz dep emin olmaq içün evelki tenbiyelevlerniñ sistemaları kerek olacaq”.
Tafsilâtlıca oquñız: Beyaz ev, Qırımdaki rusiye obyektleri boyunca USQ’nıñ uruşlarına endi qarşı çıqmay - Goces
Belli olğanı
- AQŞ mudafaa naziri Lloyd Ostin haber etkeni kibi, Ukraina Silâlı Quvetleriniñ baardeki qarşı ücümine qadar Ştatlar ve ittifaqdaşlar bunıñ içün kerek olğan er şeyni alıp bererler. Ukrainağa ücüm etmege yardım etecekler.
- Avropada AQŞ ordularınıñ reberi Ben Goces tahmin etkeni kibi, 150 kilometr mesafede urabilgen AQŞ’dan GLSDB raketalar sebebinden vaqtınca işğal etilgen Qırımdaki rusiye bahriyesi, aviatsıya ve arbiy yedeklerniñ yükleyicilerine pek qıyın olacaq.
Bizni Telegram’da oquñız