Bunıñ aqqında Aqyarnıñ işğal gubernatorı Mihail Razvojayev öz Telegram kanalında bildirdi. 

Baştan “yoq etilecek olğan olğan küçük gemisinde batareyanıñ kerginligine dayanmağan rozetkası” sebebinden yaşayış yanğın olğanını yazdı.

“Şimdi yanğın bütünle toqtatılğan, tuman qalğan. Zarar körgenleri yoq. Yanğınnıñ evelki sebepleri - batareyanıñ kerginligine dayanmağan rozetkasıdır”, - yazdı Razvojayev. 

Keççe işğalcı, sabadan “ukrain dronlarınıñ ücüminen” bağlı patlavlar olğanını bildirdi. Qırmda Balıqlava TES’niñ yanında PUA’ni yoq etkenler eken. 

“Bugün saba erte Balıqlava TES’niñ yanında PUA’ni yoq ettiler. TES zarar körmegen, adiy rejiminde çalışa”, - dep qoştı şeerniñ işğal gubernatorı. 

Bunen beraber yerli sakinler qayd etkenleri kibi, patlavlar rusiye arbiy bölgelerniñ yerleştirüvinen yanında olğan ediler. 

“Aqyarda saat 03:58 Lukomskaya soqağınıñ yanında şiddetli patlav eşitilgen. Yanında rusiye arbiy bölgesi buluna”, - deyler Aqyarnıñ sakinleri. 

Şaatlardan biri, Balıqlavadaki patlavı saba saat 4 eşitilgenini “Qırım yeli” Telegram-kanalına bildirdi. Onıñ şiddetinden “pencereler qıbırday edi. 

“Eki patlav edi, saat 03:58 ve 04:00 arasında. Olarnı Gen. Ostrâkov caddesi ve Kamış buhtasında eşitken ediler”, - dep qoştılar beyanatta. 

Belli olğanı 

• Cumaaqşamı, uvut aynıñ 16, Aqyarnıñ işğal etilgen akimiyeti, nevbetteki ücüminden soñ deñiz üzerinde eki pilotsız uçaq aletlerniñ ayartuvı aqqında bildirdi.
• Cuma akşamı künü, uvut aynıñ 16 Qırımnıñ şimaliy qısımında patlavlar oldı. Daa rusiyelilernen vaqtınca işğal etilgen Herson vilâyetiniñ Kalançak rayonında da gürültüli edi.

Bizni Telegram’da oquñız