Bunıñ aqqında Skibitskiy "АрміяInform" intervyüsinde bildirdi. 

“Yañı silânıñ aluvı ve qullanuvı, bütün ukrain topraqlarnıñ, bunen beraber Qırımnen beraber cenübiy rayonlarınıñ qaytaruvına ketirer”, - dedi o. 

Qırımnıñ qaytaruvı, arbiy, iqtisasiy, içtimaiy-gumanitar ve uquqiy ceetlerden ibaret olacaq. 

“Amma, soñki yıllar içinde iç bir sıñırlamalar, iqtisadiy sanktsıyalar, dünya diplomatiyası, halqara uquq ukrain territoriyalarnıñ deokupatsıya meselesini çezilmeyceginde dünyanı inandırdılar. Buna köre, bu ceryanda quvetni qullanmayıp çezip olamamız. O, deokupatsıyasınıñ esası ola. Ukraina, arbiy komponentini nasıl qullanacaq dep başqa bir sualidir”, - qayd etti Skibitskiy. 

Tafsilâtlıca oquñız: Beyaz ev, Qırımdaki rusiye obyektleri boyunca USQ’nıñ uruşlarına endi qarşı çıqmay - Goces

Onıñ sözlerine köre, Kremlde de Qırımnıñ deokupatsıyasınıñ qısmetini añlap oña azırlanalar. İşğalcılar, qırımnıñ şimaline yañı bölüklerni atıp, mudafaa inşaatlarnı quralar. 

“Ukrainanıñ territorial bütünliginiñ yañıdan tiklevinden soñ anda yahşı ve telükesiz ayatınıñ ğayrıdan tiklevi içün kerek olğan programmalarnıñ kompleksi kerçekleştirilecek. Qırım yarımadası, kene de rağbetli ukrain kurortı olacaq”, - qayd etti MN İBİ baş muavini. 

Rusiyelilerniñ qorqutuvlarına baqmadan, USQ, Qırımnıñ deokupatsıyası boyunca faal tedbirlerni başlağan soñ  özek silânıñ qullanuvınıñ fırsatı büyük degil. 

Tafsilâtlıca oquñız: AQŞ ve ittifaqdaşları baarde Ukrainağa qarşı ücümini başlamağa yardım eterler - Ostin

“Özek uruşı, Ukrainağa qarşı cenkni qazanmağa yardım etmez, aksine - Rusiyeniñ tez süretli dağıtuvına ketirir. Moskvada bunı yahşı añlaylar”, - dep qoştı Skibitskiy. 

Bundan da ğayrı, MN İBİ baş muavini qayd etkeni kibi, Qırımda da rusiye işğal rejiminiñ arbiy cinayetlerden soñ oña meyili kün künden azlaşa. 

“Rusiyeniñ ğalebesine inanğanlarına, rusiye Qırımnı “ebediyen” işğal etken eken işanğanlarına şeylerini yoplamağa tevdiye etem. Ameliyatım köstergeni kibi, Keriç köpüri pek küçli degil, demek ebediy degil de”, - qayd etti o. 

Belli olğanı

• Büyük Britaniya, Ukrainağa gemiler qarşı uzun mesafeli raketalarnı alıp berer, olarnı USQ, işğal etilgen Qırımda duşman nişanlarnıñ yoq etilmesi içün qullanscaqlar. Şimdi USQ içün paketine gemiler qarşı Harpoon raketalarnıñ qoşulması aqqında söz kete. 
• Avropada AQŞ ordularınıñ reberi Ben Goces tahmin etkeni kibi, 150 kilometr mesafede urabilgen AQŞ’dan GLSDB raketalar sebebinden vaqtınca işğal etilgen Qırımdaki rusiye bahriyesi, aviatsıya ve arbiy yedeklerniñ yükleyicilerine pek qıyın olacaq. 
• Mudafaa nazirliginiñ İBİ baş muavini general Vadim Skibitskiy ikân etkeni kibi, rusiye reberligi, işğal etilgen Qırımda mudafaasına azırlana. 

Bizni Telegram’da oquñız