Bunı Aqyarnıñ işğal gubernatorı Mihayil Razvojayev öz Telegram-kanalında bildirdi. 

“Kene de ukrain pilotsız aletlerniñ ücümi. Şimdiki vaziyet: deñiz üzerinde 2 PUA yoq etilgen. Quvetlerimiz ve AQM ücümine qarşı çalışmağa devam eteler”, - yazdı Razvojayev. 

O, işğal etilgen şeeriniñ sakinlerini tınçlıqnı saqlamağa çağıra. 

Biraz soñra “gubernator”, PUA ücüminiñ neticelerini yapqan. 

“Geceden başlap yarımadağa ücümi başlanğan. Aqyar zonasında AQM ve Qara deñiz bahriyesi, deñiz üzerinde 2 ukrain pilotsızlığından 2 soyunı yoq ettiler. Daa bir qaç PUA’ni Qırım Cumhuriyeti zonasında yoq ettiler. Şeerniñ vaziyeti tınç”, - qayd etti o. 

Aqyar bahriyesinden reydi, yolcu gemiler içün qapatılğan edi. Yolcularnı avtobuslar alıp ketirecekler, bu sebepten şeerdeki maşna vokzalında büyük tapası peyda olğan. Nevbetnen uyğun videonı Telegram’da “Qırım yeli” kanalı yayınlanğan. 

Tafsilâtlıca oquñız: İşğal etilgen Qırımda “terroristik telükesizliginiñ rejimini” kirsettiler

Belli olğanı 

• Uvut aynıñ 10 saat 09:38 yerli vaqıtqa köre, işğal etilgen Aqmescitniñ merkeziy qısımında rusiye arbiyleriniñ azırlanuvı vaqtında top atışlarına oşağan patlavlar eşitilgen edi. 
• Avropada AQŞ ordusunıñ sabıq başı general Ben Goces ilân etkeni kibi, Kreml, öz özek silânı qullanmaycağında emindir, buna köre, Vaşıngton, vaqtınca işğal etilgen Qırımda rusiye obyektleri boyunca uruşlarına qarşı çıqmay. 

Bizni Telegram’da oquñız