İşğal etilgen Qırımda ve Rusiyede 4 aylıq yaşından başlap ukrain balalarnıñ eñ azdan 43 “terbiyelev” merkezini taptılar
Ukrainağa miqyaslı rusiye ücüminden beri işğalcılar 4 aydan 17 yaşına qadar eñ azdan 6 biñ ukrain balanı işğal etilgen Qırımda ve RF territoriyasında “terbiyelev ve vasiylik merkezlerniñ” ağına yerleştirdiler.
Bunı Yelsk sağlıq qoruv mektebiniñ gumanitar tetqiqler laboratotiya esabatındaki malümatlar isbatlay.
Umumen eñ azdan böyle 43 “merkezini” taptılar. Olardan 41, evelden Qırımda ve Rusiyede yaz lageri edi. 12 Qara deñiz yalısında yerleştirgen, 7 - işğal etilgen Qırımda, 10 - Moskvanıñ yanında, Kazanda ve Yekaterinburg, daa 11 - RF’nen Ukraina sıñırından 804 km’den ziyadesinde, ayrıca eki lageri, Sibirde ve Uzaq Şarqta.
“Obyektlerniñ doğru miqdarı, belki de, 43’tan ziyade ola. Yale HR, öksüzlerniñ sürgünliginen bağlı eki obyektini tayin etti: ruhiyat hastanesi ve aile merkezini. Eñ uzaq lageri, Rusiyeniñ uzaq şarqında Magadan vilâyetinde Tınç okeannıñ yanında, Rusiye Federatsıyasınıñ Ukrainanen sıñırından 6 276 km mesafesinde bulunmaqtadır. Magadandaki lageri, Ukrainanen qıyaslasaq AQŞ’na daa yaqın”, - bildireler tedqiqçiler.
Olarnıñ esas maqsadı - RF akimiyetiniñ bütün seviyelerinde nezaret etilgen siyasiy terbiyelevidir. Olardan eñ azdan 32, rusiye akademik, medeniy, vatanperveplik ve/ya da arbiy tasiline yöneliş tutıp terbiyelevnen oğraşa.
Tafsilâtlıca oquñız: Ukraina, işğalcılarnen RF ve Qırımğa mecburiy tarzda alıp ketirilgen 16 balanı qaytarğan
“Bu neticeler, lagerlerniñ çoqusı, rusiye tarafdarı olıp onıñ tarzında terbiyelevnen oğraşqanı, bazıları ise - ya balalarnıñ arbiy azırlanuvını ya da Ukrainağa ana-babalarına balalarnıñ qaytaruvını toqtatqanını köstereler”, - qayd etile esabatında.
Bunen beraber lagerlerni ziyaret etilmesine ana-babalarnıñ razılığı, basqı astında alınıp ep bozula edi.
“Vaziyetlerniñ çoqusında yahşı tüşünilgen razılığını bermege ana-babalarnıñ qabiliyeti, şübeli olaraq qabul etilebile, çünki işğal quvetlerniñ tarafından gizli telükesi, mecburiyet şartlatını köz ögünde tuta”, - qayd etile beyanatta.
Balalarnıñ böyle soñki köçüvleri 2023 senesi qara qış ayında olunğanlar.
Tafsilâtlıca oquñız: İşğalcılar balalarnı Herson vilâyetinden Qırımğa sürgün eteler - ISW
Belli olğanı
- Bala aqları ve bala reabilitatsıyası boyunca Ukraina prezidentiniñ vekili Darya Gerasimçuk bildirgeni kibi, Ukrainanıñ işğalcılarnen tahminen 14 biñ balanıñ hırsızlavı aqqında haberi bar.
- Evelden, qırım ekimleri Kavkaznıñ şimaliy-ğarbiy qısımında yerleştirilgen Adıgeya Cumhuriyetteki ekimlerinen beraber Herson vilâyetiniñ işğal etilgen qısımında balalarnıñ tibbiy baquvlarını yanıdan başladılar.
Bizni Telegram’da oquñız.
