AQŞ ve ittifaqdaşları baarde Ukrainağa qarşı ücümini başlamağa yardım eterler - Ostin
AQŞ mudafaa naziri Lloyd Ostin haber etkeni kibi, Ukraina Silâlı Quvetleriniñ baardeki qarşı ücümine qadar Ştatlar ve ittifaqdaşlar bunıñ içün kerek olğan er şeyni alıp bererler. Ukrainağa ücüm etmege yardım etecekler.
Bunıñ aqqında o, “Ramştayn-9” oturışında uvut aynıñ 14 bildirdi.
“Bütün dünyadaki ülkeler quvetlerni arttırıp yañı qararlar üzerinde tüşünmege devam eteler. Kontakt gruppası, serbestlik oğrunda Ukrainanıñ küreşine uzun müddet içinde qol tutacağımıznı ve Ukrainağa yardım etip baar qarşı ücümi vaqtında ücüm etmege yardım etecegimizni añlattı”, - qayd etti Ostin.
Pentagon başı da şunı qayd etti ki, sekiz ülke, Ukrainağa Leopard tanklarını teslim etecek: Almaniya, Poloniya, Kanada, Portugaliya, İspaniya, Norvegiya, Danimarka, Felemenk. Bunen beraber AQŞ, Poloniya ve Çehiya endi yollanılğan tanklarınen beraber başqa soylarını da teslim etecekler.
Tafsilâtlıca oquñız: AQŞ, Ukrainağa 2,2 mlrd dollar miqdarında arbiy yardım paketiniñ alıp berilmesi aqqında ilân ettiler
Patriot AQM sistemalarını AQŞ, Almaniya ve Felemenk teslim etecekler, SAMP/T ise - Frenkistan ve İtaliya. Daa bir qaç ülke, arbiy yedeklerniñ teslim etilmsei boyunca iş keçireler.
Bundan da ğayrı, ortaq olğan ülkeler Ukraina, vade etilgen bütün yardımını alsıñ dep er şeyini yapacaqları aqqında sözleştiler.
Ukraina mudafaa meseleler boyunca Kontakt gruppasınıñ Brükseldeki oturışından evel Lloyd Ostin, Ukraina mudafaa naziri Oleksiy Reznikov ve Felemenk mudafaa naziri Kaysa Ollongrennen eki taraflama körüşüvlerni keçirdi. Ukraina Mudafaa naziri, USQ fırsatlarınıñ arttırılması içün ortaqlarnen elverişli işine ümüt besley.
“Maqsadımız deñişmez - halqara seviyesinde qabul etilgen sıñırlarında bütün territoriyalarımıznıñ serbest etüvi, Ukrainanıñ suverenitet ve territorial bütünlüginiñ kefaletleri”, - ilân etti Reznikov.
Belli olğanı
- Büyük Britaniya, Ukrainağa gemiler qarşı uzun mesafeli raketalarnı alıp berer, olarnı USQ, işğal etilgen Qırımda duşman nişanlarnıñ yoq etilmesi içün qullanscaqlar. Şimdi USQ içün paketine gemiler qarşı Harpoon raketalarnıñ qoşulması aqqında söz kete.
- Avropada AQŞ ordularınıñ reberi Ben Goces tahmin etkeni kibi, 150 kilometr mesafede urabilgen AQŞ’dan GLSDB raketalar sebebinden vaqtınca işğal etilgen Qırımdaki rusiye bahriyesi, aviatsıya ve arbiy yedeklerniñ yükleyicilerine pek qıyın olacaq.
- Mudafaa nazirliginiñ İBİ baş muavini Vadim Skibitskiy ilân etkeni kibi, rusiye reberligi, işğal etilgen Qırımda mudafaağa azırlana.
Bizni Telegram’da oquñız
