Olimpiada küreşine ruhiy tarafından  nasıl  azırlanasız?

- Er bir sportçinıñ eycanını nasıl yoq etmege öz sırları bar.  Men, misal olaraq, meşur azırlıq körem, çoq idmanlar keçirem ve olğan tecribeme köre , şimdiki zamanında azırlığım yüksek derecedir, bu sebepten men eycanlanmayım.

Siz Ukrainanı Olimpik oyunlarına endi ekinci kere taqdim etken birinci qırımtatar sportçisı olasız. Bu sebepten duyğularıñız nasıl?

 - Men öz halqımı halqara sanada, yani Olimpik oyunlarına, taqdim etmege pek memnünim.  İnanam, niyetimi yerine keterip,  aqrabalarımı, halqımı ve episi maña imdat etkenlerini quvandırmağa olacam.

Siz endi bir kere Olimpiadada iştiraq ete ediñız. Nasıl neticeler çıqardıñız?

- Şimdiki vaqıtında idmanlarda olğan farqını körem. Men bellesem, tecribenin büyük manası bar.

Menba: Suspilne Qırım 

Olimpik ihtiyat bazasına kününiz nasıl keçe?

- Saat 8 toplaşamız ve almızğa köre ya da saba gimnastikanı, ya da kezinteni keçeremiz. Esas idman ceryanları saat 11 başlanalar, misal olaraq saat 11 kilim ( kilimge küreş - red.) başlana. Aqşamda ise umumiy bedeniy idman keçerile. Oñıñ devamı bir-bir buçuq saat ola. Ya da başqa, misal  olaraq saat 11 men 5-6 km çaptım, soñ ise  başqa meşğuliyetlerini yapacam. 

Bu grafik Qırımdaki grafikten farqlı mı?

- Esas farqı böyle - evdeki reşim sadece ola, demek şekilnin  saqlaması. Esas yükunı toplaşuvlarda alam. Evde künde eki imdmanım, kezinte ya da gimnastika yapıla.  Bazı kere üç dane idman ola - yarışlar ve toplaşuvlarnıñ arası balaban olsa.  Qırımda umumiy bedeniy idmanlarını kesirmege çarem bar,  çünki anda dağlar, deñvz bar. Ondan ğayrı daa sportzalda başqa küreşçilernen sparingler keçiremiz.  Demek, idmanlarmıznı toqtatmayıq, lâkin özeligi farqlıdır. 

Yunan-roma küreşnen ne zamandan oğaraşasız?

- Küreşke qatnamağa 6 yaşınlan başladım.  Sportzalğa men büyük qardaşım keterdi. Babamız er vaqıt ayta edi ki,  şekiliñ ve sağlığıñ yahşı olmasını istesen,  sportnen oğraşmaq kerek.  Sport insannıı terbiya ete. Qardaşım 4 yıl devamında oğraştı,  soñ orduğa hızmet etmege ketti. Ordudan soñ sportqa endi qaytmadı. Men ise o zamandan sportnı taşlamadım. Bu tek hobbi degil, bu zenaatım.  Men  sport ile er kün çalışam.  Men bunı pek begenem.

Menba: Suspilne Qırım

- Men 31 yaşında, demek 25 yıl devamında sportnen oğraşam.  Bu vaqıt devamında men tek 3 devamında halqara sanaağa çıqmadım. Lâkin episi bir sportnı taşlamağa niyetim yoq edi,  men  imdan etmege devam ete edim.  Sportnı taşlasa edim, ömür boyu peşman ete edim.  O zamanda men kelecek ömür arqadaşımnen tanış oldım.  Şimdi mende eki balam bar - oğlumnen qızım.  2018 senesi Dünya Çempionatından medelnen qayttım, üçünci yer qazandım. Men bellesem sprotnen oğraşqanlar oñı taşlamağa istemeyler, çünki olar içün sport pek müimdir. 

Oğluñız siznin yoluñıznı tekrarlap, küreşçi olğnını isteysiz mı?

- Men içün eñ müimdir, oğlum öz yoluñı tapsa ve begengen şeynen oğraşsa, istegen zenaatını seçip alsı.  Elbette, yunan-roma küreşi aqqında öz bilgilerimi bermege isteyim, lâkin o öz yoluñı tapsa, öz arzularını yerine ketirse men daa de çoq quvanacam.

Qoranta imdaatı siz içün ne qadar müim?

- Qorantam Qırımda olsa de, episi bir öz imdatını bildirte,  qıyın zamanlarda, meşur çıqışlarda yardım ete. Olar  maña qol tutalar. Olarnıñ resimleri er vaqıt yanımda,  biz er kün laf etemiz. İşnen ketsen, sağınmağa başlayım,  beraberlikte keçken künlerini aqılıma ketirem. Bu hatıralar yüregimi isiteler.

Menba: Suspilne Qırım

Siz içün idman kim ola? Ayatnınzda nasıl vazifesa nasıl?

- Eñ birinci idmanım - İsmet Saliyev,  o maña babam kibi.  O ruhlandarmaq içün er zaman kerekli sözlerini taayu  Tabiyatınıñ eñ müim çizgisi - israrlıq!  Qıyın olsa, men qatlanmağa olmacam tuşünsem,  o er vaqıt yardım ete, “Senin daa 10-15 % küçün bar. Ğalibege soñki adım yapmaq içün yeter”, - aytı. 

Yunan-roma küreşinin inkişafı soñki 5 yıl devamında denişti mı?

- Men bellesem, tek küreşte degil, lâkin başqa sport çeşitlerine de inkişaf bar. Elbette meni bu pek quvandırta.  Sportçilar arasında meşur reqabet peyda ola, bu sebebpten episi özüni şekilde tutmağa tırışalar. Ondan ğayrı qoşmağa isteyim ki, şimdiki vaqıtında sportnıñ rağbeti öse, yunan-roma küreşi de bu sebebinden inkişaf etile,  derecesi yahşılaşa. 

Menba: Suspilne Qırım

Qırım yarımadanıñ işğal etüvinden soñ işğalciler sizge Rusiyeni yarışlarğa taqdim etmege teklif ettiler mı? Tanışlarıñız arasında böyle tekliflerini qabul etken sportçilar bar mı?

- Men Ukrainanı taqdim etmege devam ettim, bu sebepten maña böyle teklifler yapılmadı. O zamanda, menim sport karyeram ukrain taqımına qabul etildim, a zamandan anda de bulunam. 

Dostlarım arasında Rusiye halqara sanaada taqdim etkenler bar, lâkin biz bir-birimiznen qonuşmağa devam etemiz.  Men aslında sportnı siyasetnen qaraştırmağa sevmeyim. Sortçilar - bu balaban bir millet, sportçi olsan, onnen de ömür boyu qalasın. Bu menim fikirim, başqalarnıñ de öz fikirleri ve öz aqları bar.  Birisini maküm etmege istemeyim.

Siz Qırımdaki yunan-roma küreşnıñ inkişafına maliyeviy tarafından yardım etesiz mı?

- Çarem olsa, elbette  aqrabalarıma ve  dostlarıma yardım etem.  Biz er vaqıt beraberlikte yarışlarğa, toplaşuvlarğa baramız, böyle maqsadlarğa elbette  para kerek. Birisinin para meselesi peyda olsa, idmanci özü  yardım ete.   Men de,  büyük qardaş olaraq, yardım etmege tırışam, çünki maliyeviy qıyıncilaqlar peyda olğanında sport karyeranı devam etmege ya da taşlamağa ve başqa zenaatını aramağa  tüşünceler peyda olalar.

Karyeranız bitkende nenen oğraşmağa isteysiz? İcmancılıq etmege niyetiniz bar mı?

- Men yaşlı sportçi sayılam, lâkin kelecek aqqında planlar azırlamağa istegim yoq. Elbette,  idmancilıq yoluna turmağa niyetim bar. Yaş  nesilge öz bilgilerimi bermege isteyim, lâkin bu vaqıt ne zaman kelse soñ yaş sport nesilinden  belli olur. 

Menba: Suspilne Qırım