Bunı Suspilne Qırım mühbiri haber etti. 

Yunan-roma küreşinden Ukraina çempionı Lenur Temirov beyan etti ki, ğalebe qazanmağa niyet ete.

“ Tek ğalibe qazanmağa ve altın medalnen qaytmağa niyet etemiz. Azırlığım yüksek derecede.  alım yahşı. Allah qısmet etme, er şey yahşı olacaq”, - ayttı Temirov. 

Şimdiki vaqıtında Lenur yarışlarğa azırlana. Künde üç dane idman keçire. 

"Men bellesem, onıñ alı yahşı. Men ondan meşur neticelerini bekleyim. O psihologik tarafından  azır olmaq kerek. Men  yanında olıp yardım etecem. Episi azırlıqlarımız yahşı neticeler içün yapılğan ediler.  Biz altın medalini qazanmağa ümüt etemiz", - Lenur Temirovnıñ idmancisı İsmet Saliyev ayttı.

Menba: Suspilne Qırım

Sprotçiğa öz imdatlarını bildirtmek içün qırımtatar milliy Meclisnin başı Refat Çubarov,  Ukraina tış işler nazirnin muavini Emine Ceppar ve sabiq siyasiy mabusı İsmail  Ramazanov keldiler.

"Şimdiki zamanında biz Qırımda toplaşmağa olmayıq,  lâkin vatandaşlarmıznen bereber toplanmağa ve bir birine imdatmıznı biltirtmege halqımız içün pek müimdir",- Ukraina tış işler nazirnin muavini Emine Ceppar ayttı.

Meclisnin başı ayttı ki,  Ukraina bayrağını ğalebeci bayraq olaraq yüksekleşüvini körmege istey.

"Qırımda er kez evlerini ğayrıdan qurğanda, İsmet qardaşınen beraber  balalarmıznı ögrete ediler.  Lenur yañı qırımtatar yerleşmelerde ösken balalardan biri ola. Ümüt etem, olar altınını qazanıp qaytacaqlar. Soñ bu altın medal ile Qırımğa qaytıp,  Rusiyenin işğal ükümetine Qırımnıñ Ukraina qısımı olğanını hatırlatacaqlar. Yaşlarımız öz irişmeler ile bunı tasdıqlay.",- ayttı Çubarov.

Malümat olaraq

• 2012 senesi Lenur  Ukraina taqımını Londonda keçken Olimpik oyunlarına taqdim ete edi. Bu yıl Tokio şeyerine keçerilgen Olimpik oyunlarına  yunan-roma küreşte, altmış kiloğace kateogiyada Ukrainanı Lenur Temirov taqdim etecek. Lenur avgustnıñ birine çıqacaq.
•  Bu yıl Tokioda keçken Olimpik oyunları iyülnin yigirim üçüne başlanacaqlar