Bu yıldaki kirüv kampaniyası nasıl ötkerilecegini İçtimaiy Qırımnıñ mühbiri Anastasiya Tereşçuk sorıp bildi. 

DLVAR’dan studenti, Tavriya milliy universitetini ne içün seçip alğanını tarif etti.

“Bu universitette menecment zenaatında Donbass-Ukraina programması bar”,-tarif ete universitetniñ seçüvi aqqında DLVAR’dan abituriyent. 

İşğal etilgen Aqyardan studenti degeni kibi, TMU’de oqumağa istegen boyunca zenaatı bar. 

“Bu institutını, meni celp etken zenaatı mında bar olğanı sebebinden seçip aldım ve kelecekte bu zenaatı boyunca çalışmağa ister edim-sport reabilitolog kibi”.

Abituriyentlerniñ biriniñ babası, memuriy sıñırınıñ keçüvinen olarnıñ meselesi peyda oldı mı dep tarif etti. 

“Şimdi iç bir mesele yoq, çünki işğal akimiyeti, Qırımdan çıquv yasaqlarnı lâğu etti”.

“Qırım-Ukraina” ve “Donbass-Ukraina” tasil merkezlerniñ reberi Yuliya Köbilina, işğal etilgen territoriyalarından abituriyentnen ketirilmek kerek olğan vesiqalar aqqında tarif etti.

“Abituriyentler, bizge böyle vesiqalarnı ketirmek kerekler: bizde yazılacaq olğan ariza, 2018-2021 qadar mustaqil qıymetlendirüviniñ sertifikatları, eger bar olsalar. Soñ, köçürilgen şahıslar esabına aluvı aqqında malümatname.  ¾ 4 fotoresmi ve tasil aqqında vesiqası. Biz, işğal etilgen territoriyalarından gençlerni bekleymiz”.

“Qırım-Ukraina” tasil merkeziniñ müdiri Aleskandr Besarab, tasil merkezine ne qadar abituriyenti muracaat etkeni aqqında tarif etti.

“Tek ekinci künü çalışqanımızğa köre, Donbasstan üç, Qırım territoriyasından beş insan keldi. Kelecek abituriyentler, malümatnı toplaylar, yani ihtisaslardan angisi açıq, angisi qapalı, bazılarına mektepni eksternen bitirgen abiturentler vesiqalarnı alıp ketire ediler”.

Tasil merkezine tek abituriyentler degil, 10 sınıftaki talebeler de kele.

İşğal etilgen Aqyardan kelgen abituriyentiniñ babası, olar TMQ nasıl usulı ile tapşırmağa planlaştırğanını tarif etti.

“Biz evelden keldik, çünki balamız 10-cı sınıfını bitirgen, daa bir yıl oquycaq. Aliy oquv yurtlarnıñ mütehassıslarnıñ yardımı ile angi algoritmi boyunca areket etmelimiz dep bilmege isteymiz. Yani, nezaret etilgen territoriyasında 11-ci sınıfqa kirip TMQ tapşırmaq, ya da işğal etilgen territoriyalardaki balalarnıñ aliy oquv yurtlarına imtiyazlı kirüv programmasını qullanmaq. Belki, imtiyazlı programmasını qullanacağımız”.

Daa babası, ne içün aynı TMU seçip alğanları aqqında tarif etti.

“Vernadskiy adına universiteti, Qırımdan köçüp kelgen ilk başından berli çoqusınen Qırımdaki abituriyentlerine yöneliş tuta edi. Balalarğa dair raqabetliknen meselelerimiz bar olğanına köre, Vernadskiy adına qırım aliy oquv yurtuna muracaat etmege qarar berdik”.