Musulman qadınlarnıñ özidare baquvında nasıl qaydeleri bar ve toydan evel kelinler nasıl  urf-adetlerini riayet eteler Suspilne Qırımnıñ mühbiri Anastasiya Raşko bildi.

İslam qaydelri ile meykapta ve özidare baquvda namuslıq ve ananeviyliq qyımetlidır.  Bu sebepten musulman qadınları çoqsı tabiy baquv ve dekorativ kosmetikanen qulanalar. Misal olaraq, adiy tonik yerine musulman qadın-qızları gül suvını seçip alalar. Dekorativ kosmetikanıñ terkibine spirt ve ayvan qalımtılar olması mümkün degil.

Vizajist Reyhan Galazade musulman qadınlarnıñ hicab kiymesinin qaydelerini añlata.

"Köy yerlerde yaşağan musulman  qadın-qızlar içün hicab kiymesi mecburiydir. Olar şallar kiyeler. Çoq urbalar almaq çareleri yoq, tibbiy dülberliginden keylenmege de çareleri yoq, bu sebepten bet dülberligine ve makiyajğa çoq diqqa eteler", - ayta vizajist.

Galazade ayta ki, Avropağa kelgen musulman qızlarnıñ makiyajları yengil ve nazik, çünki Avropa yanında böyle diniy sınırlavlar yoq.

"Ukrainağa kellyegende men  Avropalı musulman qızlarını körem. Olarnı hicab kiymege mecburlamaylar, olar saçlarına ve urbalarına çoq diqat eteler. Avropağa kelgen musulman qızlarnıñ makiyajları yengil ve nazik, çünki Avropa yanında böyle diniy sınırlavlar yoq." - ayta.

İslam qaydeleri ile aqaylarğ ve qadınlarğa sürmenen qullanmaq mümkün. Sürme - bu tozge ezilgen qara taş, oña kastor yağınını qoşıp,  közler  boyalaması ile qulanalar. Şimdiki vaqıtace sürme şarqıiy devletlerde populâr qala. Musulmanlar inanalar, sürme köz körgenlerini yahşılata. Vizajist Reyhan  mecburiy hicab kigen devletlerine nasıl boyalanalar körstetti. 

"Feridenin terisinin tusı parlaq, makiyajnıñ temeli yerine praymernen qullanmaq kerek. Köz qalemi adetınce qaverenki ola, köz çetini qara qalemlen boyalaylar. Parlaq renklerininen köz ortasını boyalacamız", - ayta.

Elmaz Selimşah, mehendi ustası ayta ki, evelki islam adeti üzre, musulman qadınları toydan evel  anane hına gecesini kesireler. Hına gecesi devamında biri-birine hınalı örneklerini resim yapalar.

"Hına gecesi - bu qızlar toplaşuvı, anda  kelinnin evli olmağan dostlarını ve qız qardaşlarını davet eteler. Kiyev tarafından kelgen qız qardaşları hına ketirmek mecburlar. Ürmetli qadın ya enge davet etile. Evelsi slaq çullarnen sarılğan tayyaqçiqlarnen sade resimlerini yapa ediler, meselâ dertköşeni ya da başqa timsallerini çizgen ediler. Saçlarını hınanen yuoyala ediler, hınanı kiyevge yollay edile ve qlağan hınanen evli olmağan qızlarnın  tece evlesinler dep ellerini boyalağan ediler", - ayta.

Anna Rimarenko, mehendi ustası ve ocası aytqanına köre, şimdiki vaqıtında  yahşı tibbiy hınanı tapmaq qıyın.

“Muqayt olmaq kerek, çünki suniy boyasız yahşı tibbiy hınanı tapmaq qıyın. Keyfiyetsiz hınanıñ zarar etmek havfı bar. Renkli hına bazı kere havflı ola  ve terinin himik yanğınlarını, soñ ise yaralar yapmaq telükesi bar. Ukrain qızlarına mehendi resimleri 5-7 kün tutula, şarqiy qızlarda ise 7-10 künden eki aftağace tutula”, - ayttı Rimarenko.

Musulman qadın-qızlarnıñ makiyaj ve özidare baquv vacip qaydeliri aqında Ukraina musulmanlar ruhiy idarenin vekili Katerina Yürçenko malümat berdi. 

Aytqanına köre, musulman içün  öz-özlerini ağılavını saqlap,  başqalarını de aldatmamaq.

“Biz qaş şekilini deniştirmeyıq. Qaşlar arasında artıq olğanını almaq mümkün, lâkin qaşını tiymek olmay.Evli qadınlar boyalağanda ömür aqadaşnıñ fikirine diqat olmaq kerek. Ondan ğayrı o ömür arqdaşı içün evde boyalana ya da tışqa çıqanda boyalana mı müim sualdir. Evli olmağan qızlar ana-babalarnıñ fikirlerine diqat olmaq kerek”, - ayttı Yürçenko.

Evli olmağan qızlarğa tek özleri içün boyalanmaq mümkün, lâkin aqaylarnıñ birisine begenmek niyet etse -  bu haramdır.