"Ervin qayda?" 58 tedbir. “Yürüşten azap çeküvi”ne 5 yıl
“Yürüşten azap çeküvi” böyle adınen Kiyevdeki Rusiye Federatsiyasınıñ elçihanesi astında temaşa olıp keçti. O, "FindandFree", "Tapıp serbest etmege" kampaniyalar çerçivelerinde işğal etilgen Qırımdaki tecavuziy ğayip oluvlarnıñ qurbanlarına ve olarnıñ soy-soplarına destek olaraq bir tedbiridir.
Krım SOS grajdan teşkilâtınıñ koordinatorı Denis Savçenkonıñ sözlerine köre, olarnıñ taqımı 5 yıl içinde er ay elçihane astına tedbirlerge çıqa.
“Bir şeyni talap etkenimizde, amma bizni körmegen kibi etkenerde yürüşten azap çeküvi kibi körüne bile. Ayrıca, tek elçihanege çıqqanımıznı degil, amma tedbirlerimizniñ çerçivelerinde tecavuziy ğayip oluvlarına dair Kremlge Vladimir Pütinge esabatnı eki kere yollağanımıznı da diqqatqa alsaq. Çünki o, matbuat-konferentsiyaarından birisinde Qırıma ne olıp keçkenini bilmegenini ve er şey yahşı oğanda ukrainler boş yerde bir şeyni uyduralar dep ilân etken edi”,-Denis Savçenko
Denis Savçenko qayd etkeni kibi, temaşanıñ esas maqsadı-Qırımda insanlarnıñ ğayip oluv meselesine lâqaytsız olğanlarnıñ diqqatını çekmek.
“Bu temaşa ile, bir insan çıqqıp oña bir, eki, üç, dört ve daa çoq insan qoşulğanını köstermege istey edik...Miqdarımız arta ve bu meselege diqqatı da ziyadeleşe, yani vaziyetke tesir ete bilgen fırsatınıñ sayısı da çoqlaşa”,-qayd etti Denis Savçenko.
Daa, bugün 7 yıl evel qırımtatar faali Timur Şaymardanov ğayip olğan. Krım SOS GT’nıñ talilcisi Yevgeniy Yaroşenko qayd etkeni kibi, faal, rusiye tecavuzınen qırım yarımadasınıñ işğaliniñ başlanuvından beri küreşe edi.
“Timur Şaymardanov ukrain tarafdarlı faali edi, rusiye işğaliniñ ilk künlerden beri ukrain arbiylerine yardım etip ukrain tarafdarlı tedbirlerine qatnay edi. Rusiye, Qırım üzerinde öz nezaretini tamamınen tayin etken soñ bile teslim olmadı, barışıqlıq tirenüvini devam etken. O, Seyran Zinetdinov ve ukrain tarafdarlı faalleri olğanlarınen “Ukrain halq evi” adlı teşebbüsini teşkil etkenler. Böyle teşebbüsniñ çette kalıp olamağanı, qırım öz mudafaası, FTH ve başka rusiye tarafdar gruppalarnıñ taraflarından diqqatsız qalmaycağı belli edi”,-Yevgeniy Yaroşenko.
Yevgeniy Yaroşenkonıñ sözlerine köre, Timur, 2014 senesi mayıs aynıñ 26 künniñ ilk yarısında ğayip oldı, o vaqıt erkek oğlunı mektepten almağa kete edi.
“Ne qırım, ne de rusiye ukuk koruyıcı organları semereli tahqikatnı keçirip Timurnı tapıp olamadılır, yoqsa istemediler”,-dep qoştı Yevgeniy Yaroşenko.
