Köçüciler içün şahsiy evine kredit. Yañı programması aqqında belli olğanı
3% şahsiy evine kredit: mayıs aynıñ 17 itibaren Yaşlar devlet meskeni, köçüciler içün ev aluvı boyunca destek programmasında iştirağına resmiyleştirüvini başlar. 2 ay evel qura taşlanuvı ile kreditke ilk namzetlerni seçip alacaqlar. İmtiyazlı kredit programmalar içün paralarnı Almaniya akimiyeti bere. Fırsatnı angi şaraitlerde qullanmaq mümkün olğanını ve şahsiy evine köçip kelmege imtiyazlı kredit kimge yardım etip olamaycağını İçtimaiy Qırım soraştırıp bildi.
Sergey ve Oksana Vikarçuklarnıñ ailesi Kezlevden Kiyevge 2014 senesi köçip keldi. Qırım işğal etilgende, rusiye akimiyetiniñ bulunuvı ile anda yaşamaycaqlarını dep qarar berdiler.
Sergey Vikarçuk- icretçi, rusiye-ukrain cenkniñ veteranı.
“Ukrain pasportlarnı bizden alacaqlarını dep ayttılar ve biz qarar berip işsiz, bir şeysiz alıp kettik. Hostelde yaşay edik”,-tarif ete Sergey.
Kezlevde Vikarçuklar şahsiy daireni qaldırdılar, Kiyevde ise mesken yerni kiralaylar. Mesken evniñ aluvına devlet programmalarnı qullanıp olamadılar.
“Devlet programması olsa, şimdi beş insanmız ve mesken yerniñ meydanlığı, 100 metr kvadrattan ziyade olıp buna uymalı. Biz kriteriylerge ep uymaymız”,-dep qayd ete Oksana.
İmtiyaz kreditlerniñ yañı devlet programmasında, Ukraina nezareti astında şahsiy evsiz ve istiqrarlı kelirinen olğan er icretçi iştirak ete bile. Kredit özü,mesken evniñ fiyatından 6% közde tuta. İleride - faiz derecesi 3%. Satın alacaq olğan ev ya da daireniñ müddeti 35 yıldan ziyade olmamalı. İcretçi ailesiniñ er azası içün eñ azdan 21+10 umumiy metr kvadrat olmaq kerek.
Yani, Vikarçuklarnıñ ailesi 5 şahıstan ibaret olsa, daireniñ meydanlığı eñ azdan 115 metr kvadrat olmaq kerek. Azca, şaraitlerge köre, alıp olamazsıñ. Ailenen kiralanğan Sofiyevskaya Borşçagovka paytaht rayonındaki uyğun daireni 100 biñ dollardan başlap satın almaq mümkün. Böyle parası, Vikarçuklarda yoq. Köçüvden soñ başlanılğan biznes, pandemiya vaqtında zarar körgen.
“Turistik şirketimiz evelden olğanı kibi, 200 ya da 100 faizge çalışmay, oña köre, bizim maliyeviy stabilligimiz yoq, bunı 3% derecesine bile yapıp olamaz edik”,-dey Sergey.
Bundan evel Ukrainada köçüciler içün “Elverişli mesken” programması bar edi. Bu programmasına binayen, olarğa bu evniñ yarısını ivaz etken edi, lâkin soñki 2 yıl devamında bu leyha devlet tarafından paranen temin etilmey.
3% derecesinde ödünçini közde tutqan kredit programması da bar. Lâkin onı da bütünle paranen temin etmegenler. Yañı leyhanıñ şaraitlernen farqlanmay, onı Almaniya akimiyeti paranen temin ete.
Yaşlarğa meskeniniñ qurucılığına yardım etken devlet fondınıñ başı Sergey Komnatnıy yañı programmasınıñ imtiyazları aqqında tarif etti.
“İlk nevbetten, oña endi 25,5 mln yevro bar olğanı ile daa yahşıdır. Devlet soyları içün 2019 senesi 200 mln, ilerideki 2020-2021 seneleri 17 mln grn bar edi, yani farqımız malüm”,-dep qayd ete Devlet fondınıñ başı.
Amma, genç ve işke yarağan insanlarnıñ alçaq faiz derecesi ile şahsiy evni almağa fırsatı olsa, muacir pensionerler içün şahsiy evinde yaşamağa iç bir fırsatı yoq.
Ömür arqadaşınen Mihail Pıştoy ve icretçilerniñ daa 200 10-12 metr kvadrat odalarında yaşay.
“O, Kiyevpastransnıñ sabıq sanatoriyi ola. Bizni 2014 senesi saban aynıñ 26 yerleştirdiler ve mında endi 8 yıl içinde yaşaymız. Vaqtınca, bu “vaqtınca degeni endi 8 yıl süre”,-tarif ete Mihail.
Reintegratsiya meseleler boyunca nazir muavini inna Dragançuk dey ki, böyle kibi vaqialar yerli akimiyetiniñ nezaretinde olmaq kerekler.
“Erli akimiyetini, paranı bu meselelerniñ çezilüvine yollamağa isteklendirmek içün ellerimizden kelgenini yapamız. Böyle meseleniñ çezilüvi içün devletniñ kompleks yanaşuvı yoq”,-qayd ete İnna.
