Eñ kiçik olğanlar içün silâ

Сурган Олександра
·
13:26, 10 Quralay
Eñ kiçik olğanlar içün silâ
Foto menbası: Суспільне Крим

Qırımnıñ işgalinden soñra, topraqlarında bala arbiy idare teşkilâtlarnıñ sayısı arttı. Ayrıca Qırım İnsan Aqları Gruppasınıñ uquq qoruyıcılarınıñ tarafından, Qırımda balalar içün arbiy enişinde olğan tedbirlerniñ keçirilmesi qayd etile.

Qırım insan aqları gruppası, Qırım MC  ve Aqyar şeiriniñ Prokuraturasınen beraber delil toplap işğal etilgen Qırım'da bir Rusiye tecavuz qabaatınıñ bar olmasını isbatlağan bir vesiqalar paketini Halqara Ceza Makemesine alıp berdiler. 

Bu sefer mahkeme, Qırım balalar arasında böyle kibi hizmetiniñ keniş bir propagandası ile Qırım halqını işgalci devletiniñ silâlı quvetlerinde hızmet etmege mecbur etkenleri aqqında malüm oldı. 

Bundan da ğayrı, berüviniñ müellifleri, yarımada sakinleriniñ Rusiye ordusında hızmet etmege red etkenleri sebebinden cezaiy taqip etüvleri aqqında malümat topladılar.

QUQG eksperti İrina Sedova, 2014 senesine qadar Qırım'da arbiy mevzusına bağlı vaqialarnıñ olıp keçirilmesini, lâkin boyle miqdarında olmağanını tarif ete. 

“Kerçekten de, Keriçte er yıl bir meşal yürüşini yapmağa adetimiz bar edi. Yani, böyle küçlü bir arbiy yönelişii olmağan edi. Hatırını saydıq, e, öyle oldı. Amma endiden öyle bir şey yoq. Şimdi tümbutün bularnıñ tehdit etici meyilleri bar”, - qayd etti o.

Menba: UA:Qırım

Sedova, başqa bir ülkeniñ topraqlarınıñ bir qısmını işğal etken bir devlet söz mevzusı olğanda, cemiyetiniñ  askeriyleştirüviniñ etici bir meyili  olğanına işana. Ayrıca, Qırım topraqlarındaki er bir balalar içün askeriy müessisesi endiden Rusiye ordusında bir hızmet propagandası olaraq qabul etilgeninden, Ukraina Qanunınıñ bozuluvı olaraq qabul etilgen edi.

"Bu mevzu insan aqları teşkilâtlarnıñ ve uquq qoruyıcı organlarınıñ diqqatını celp ete, çünki bunı bir arbiy suçu olaraq köremiz. İlk nevbette, bunen devlet müessiseler oğraşa",-dedi o. 

Misaller arasında, ekspert  "KRIMPATRIOTCENTER"ni adlay. Resmiy  saytında, "Arbiy hızmetine ve arbiy-vatanperver terbiyelevine azırlanuvı boyunca Qırım Cumhuriyetteki ilâve tasiliniñ devlet tasil bücet meussisesi ve vilâyet merkezi" olğanını qayd etile.

Ayrıca küçlü devlet müessiselerinden biri de "DOSAAF" ("Ordu, Aviatsiya ve Flotqa Göñüllü Yardım Dernegi" - ed.) ola. Teşkilâtınıñ saytında, "öz maqsadında ülkeniñ imaye etilmege qabiliyetiniñ quvetleştirüvine ve milliy telükesizligine yardım etmesini tutqan umumiyrusiye içtimaiy-devlet teşkilâtı" olğanını qayd etile. 

Bu programmalar, devlet parasını alıp Rusiye Tasil nazirliginen kompleks sistemalarınıñ saipleri olalar. Bu teşkilâtlarnıñ, hadimlerniñ büyük sayısı bar. 

Rusiye Devlet Başı Vladimir Putinniñ fonundan ilâve parasını alğan grajdan arbiy bala teşkilâtları de bar. Grantlarda, derneginiñ temel maqsadı, balalarnıñ Rusiye ordusında hizmetke azırlamaq olğanını qayd etile.

Misaller arasında "SIVAŞ" asker-vatanperverlik merkezi, Sını Oteçestva Sport merkezi, "UNARMİYA" Rusiye umumiy bala ve gençlik dernegi ve ilâhre

Menba: UA:Qırım

" "YUNARMİYANIÑ" maqsadı,dernegi, er qırım mektebinde çalışsıñ dep. Onıñ miqyaslarını tasvir etip olursıñızmı? Er köyge, er evge, er ailesine kelecekler. Elbet de, er bala iştirak etmeycek, amma talebelerniñ qısmı, bunıñ içinde iştirak etecek. Çünki ana-balalar öz balalarnı anda alıp berecekler, çünki o bedavadır. Balalar içün meraqlı, olarğa silânı dağıtıp toplamağa izin bereler. Eger de balalarğa etraf, o, doğru dep rusiye ordusını sevmek kerek olğanını aytsa, olar öyle de öseler",-qayd etti İrina Sedova.

Ayrıca, boyle kibi dernekler arasında insan aqlarınıñ faalleri bir "Ortodoks casus qardaşlığını" taptılar. Aynı zamanda, Rusiye Ortodoks kilsesiniñ Qırım yeparhiyasınıñ esasında  askerileştirilgen bir bala müessisesidir.

"Anda bu balalarğa ormanda saqlanmaq içün helikopter signallarnı almağa öğretile. Yani, istihbarat temellerine. Balalarğa Rusiye ordudaki ve flottaki reberleri olaraq qabul etilgen azizlerge tapınması öğretile. Misal olaraq, Födor Uşakov. Onun kemikleri kilsege ketirile, balalar anda bu kemiklerge ibadet etmek içün baralar. Yani, o qadarlıq. Din vastası ile balalarnıñ başlarına dalalar",-qayd etti Sedova. 

Rusiye bücetiniñ üzleştirüv programmasına binayen, 500 mln rublesi balalar ve gençlerniñ askeriyleştirüviniñ inkişafına kirsetilgen. Bu programma yaqın 5 yıl içinde eda etilmek kerek.  

“Rusiye propagandası pek yahşı tesir ete: Balalar aynı asker üniformasını kiyip, numayışlarğa qatıla ve arbiy işlerdeki muvafaqiyetler içün ihsan eteler. Balalar özüni özgün kibi duya. Ana-babaları, ocaları ve cemiyeti, Rusiye askeri müim ve şerefli olğanını qayd eteler. Lâkin iç kimse böyle kibi  derneklerniñ balalarğa tek eki şeyni ögretkenini qayd etmey: öldürmek ve ölmek”, – yekün çekti ekspert..