UA:Qırımnıñ mühbirleri, Kalançak territorial cemiyetinde bulunıp, sıñırdaki köylerniñ sakinlerni neni seyir eteler körip oldılar. 

Aleksandrovka köyündeki bazı evlerde yoldaş antenalar tiklenilgen. Lübov Gedzniñ antenası yoq. Qadın bir özü yaşay. Onıñ sözlerine köre, Ukraina aqqında haberlerni qomşulardan ala, çünki evinde tek rusiye telekanalları bar.

Ukraina kanallarımıznıñ menim kibi pensionerler içün ücretsiz olaraq köstermesini isteyim. Eñ azından er kes içün kanallarımıznı bedava kösterse ediler. Ömürimiz içinde qazanmadıqmı?",-qayd ete Lübov Gedz.

Qadın emekli maaşınıñ küçük olğanını, bu sebepten yoldaş antenanı satın alacaq parası olmağanını ayta..

"Ocaqnı qullanğanıma köre, gaz içün  ayda 500-600 UAH, elektrik içün 700 UAH olğanı belli ola. Maña subsidiya bereler, lâkin bir süre içün yeterli degil. Evim büyük.  Çoq para masraf etem. Körgeniñiz kibi yaşayım. Ötmek almaq içün yete",-yekün çeke Aleksandrovka sakini.

Vaqtınca işgal etilgen Qırımnen memuriy sıñırına 15-20 km. Köy sakini Olga Serhiyçuk, Oleksandrivka'da 850 insannıñ yaşağanını ve olarnıñ üçte biriniñ pensioner olğanını dep ayta.

"Ukraina kanalları yaqalanıla, amma onıñ içün yarım yılda tahminen 6.000 grn ödemeñiz kerek ola. T2 set üstü qutularda Ukraina TV kanalları kösterilmey",- tarif etti Sergiyçuk.

Kalançak köyünde yaşağan Mykola Glushkovnıñ  Ukrayna TV kanalları bar, çünki 3 yıl evel böyle bir set üstü qutunı satın aldı. Lâkin bağ meseleleri bar olğanını dep ayttı.

"Kimerde  bağ ğayip ola. İşte öyle yırtıla. Aqşam yel ola bile. Ekinci seferde sebebi ne olğanını bilmey, çünki ava güzel, amma sefererden biri  kesildi. Bir süre soñra kene de çalışmağa başlay.", — qayd etti Mıkola Gluşkov.

Herson vilâyetiniñ devlet idaresi baş muavini Mıkola Yakimenkoğa köre, yılnıñ sonuna qadar, Herson vilâyetteki köylerde yaşağanlarnıñ internet ile bağlanmaq içün yardım alması lâzim.

"Artıq bölgemizde zaten mevcut olğan nazirlikten kelgen  subsidiya sayesinde vilâyetimizniñ ealisi alacaq, köylerde fiber optik ağlar peyda olacaq.  2-3 ay içinde merkeziy akimiyet organlarından, imaye etilmegen ealisiniñ bu ağğa bağlanuvı içün bir subsidiya ya da subsidiya içün olarğa nasıl işana bilecegimizni alırmız dep tüşünem. Bunı yılnıñ soñuna  qadar yapmamız lâzim"", — qayd etti vilâyet devlet memuriyetiniñ başı.

Qırım insan aqları gruppasınıñ tetqiqatçısı Irina Sedova, Kırımğa, memuriy sınırınıñ  o bir tarafındaki ruslarnıñ, Ukraina qıtaiy qısmınıñ  8 mesken yerinde  signalnı qapatqan  şiddetli bir qulle qurulğanını dep ayttı.

"O, tek  Milliy Telükesizlik ve Mudafaa Şurası ve Silâlı  Quvetlerniñ yardımı ile çezilebile, çünki barışıqlıq zamanınıñ qanunlarına köre, bu mesele çezilmez, çünki ruslar  öz Mudafaa nazirligini bağalay bileler.",— yekün çekti İrina Sedova..

Belli olğanı

• Ukraina, Herson vilâyetinde 9 bericini tayin eter. Şimdi ise  ulusal bir dijital televizion temincisi azırlanmaqtadır. Devletke ait bir işhanesi olmaq kerek- Radio Yayınlanuvı, Radio ve Telekorüv..
• Vaqtınca işğal etilgen reintegratsiya meseleler boyunca nazirligi, Qırım ve Aqyar territoriyasına yayıncılar içün ilk tenderini ilân etti. 
• Böyle tenderniñ maqsadı- medeniy, malümat ihtiyaclarnıñ qanaatlendirüvi ve Ukrainada, Reintegratsiya nazirliginiñ salâhiyetine uyğan meseleleri boyunca müim olğan malümatnıñ tarqaluvıdır.
• Maqsatlarğa uyğan kütlesi- vaqtınca işğal etilgen Qırım MC ve Aqyar ş. sakinleridir.