Bunıñ aqqında UA:Qırımğa Mihail Kötsübinskiy müzeyiniñ hadimleri bildirdiler. 

Mihail Kötsübinskiy edebiy-memorial müzeyiniñ ilmiy işi boyunca müdir muavini Mariya Surjikova, Kötsübinskiy Qırım halqnıñ hatırısında ne sebepten yaşağanını tarif etti. 

“Mihail Kötsübinskiy Qırımnı 4 kere ziyaret etken  edi, ilk sefer anda 1895 senesi kelgen. Bessarabiyadan Qırımğa keçirilgen edi. Mihail içün Qırım-romantik bir yer, çünki anda öz kelini Verağa evlenme teklifini yapqan”,-tarif etti Mariya. 

2010 senesi Simeizdeki Mihail Kötsübinskiyniñ müzeyi tamir etilgen.

Simeizdeki M, Kötsübinskiy müzeyiniñ qılavuz-nezaretçisi Nadejda Kostânets, müzeyde nasıl çalışmağa başlanğanını tarif etti (2010-2015).

“Muzey işimniñ başlanuvı edi. Onı pek begene edim, er şeyni eñ yahşı şeklinde yapmağa tırışa edim. Qılavuzlar bedava olğan ediler, çoqusınen taleber, kimerde büyükler kele edi, biletler olmağan edi”,-hatırlay Nadejda. 

2015 senesi Nadejda Kostânets, işğal etilgen Qırımnı şahsiy sebeplerden terk etip Ukrainanıñ nezaret astında olğan territoriyasına ketti. O vaqıttan beri müzeyni Natalya Perminova baqa.

Natalya UA:Qırımğa Kötsübinskiyniñ qırım eserleri ve müzey şimdi nasıl çalışqanı aqqında tarif etti.

“Qılavuzlarğa talebeler kele, çoqusınen ukrain tili ve edebiyatnı ihtiyariy tarzda oqutqan mekteplerniñ talebeleri. 2017 seneden itibaren müzey esasında edebiy aqşamları keçirile. Adamlar şiirlerni oqup çalğı eserlerni icra eteler, bu cümleden, ukrain tilinde de”,-tarif etti müzey hadimi.

Müzeyde ekspozitsiyalarnıñ bütün yazıları, işğalden evel olğanı kibi, ukrain tilinde qalğanlar. Edebiy ve muzıkalı aqşamlar ukrain tilinde ötkerileler. 

Müzey hadimi Natalya Perminovanıñ sözlerine köre, Kötsübinskiy çiftligine kiriş bedavadır. İşğal akimiyeti müzeyniñ işlevine para ayırılmay. Er şey ziyaretçilerniñ ve faallerniñ parası ile areket etile. 

Mihail Kotsübinskiy Qırım ve qırımtatarlar aqqında 4 eser yazğan. O, “Minaretler astında”, “Günahlı dünyağa”, “Taş üstünde” ve “Şeytannıñ tuzağında”. Olarnıñ episi qırımtatar tiline tercime etilgen. Edibiyatşınas Aleksandr Vaşeleni,Qırımda Mihail Kotsübinskiyni  ne meraqlanğanını tarif etti.

“Tabiattan ğayrı, onı qırımtatarlarnıñ medeniyeti ve islam dini meraqlandıra edi. Kotsübinskiyniñ qırımtatarları-mustaqil bir halq, ayrıca o, ömür arqadaşına yazılğan mektüplerinde körüne. Aluştadan, mında Moskvanıñ teserisiz ayrı bir Qırım çarlığı olğanını dep ayta edi. O, zemaneviy aqiqatına pek uya, Qırım territoriyasına uymağan rusiye dünyasını qabul ettirmege tırışqanını körgende”,- qayd etti Aleksandr