Suspilne Qırım vaziyet aqqında malümatlar aldı, ve ne içün 2021 senenin aprel ayına tintüvler sayısı çoqlaşa soraştırıp bildi. 

Aprelnin 20-ne işğal etilgen Qırımda Qarasuvbazar rayonnıñ Qıslav köyünde Taymazovlar evlerine tintüv keçirdiler.

Tintüv devamında Qırım Muhtar Cumhuriyetindeki  grajdan uquq qorucisı 

 Mustafa Seydaliyev nasıl işğalci organlar tintüvni keçere haberi yeq ayttı.

"Nasıl organlar çalışa haberimiz yeq, uquq qorucı organlar cevap bermege red eteler, vesiqalarını köstertmeyler, bizni ev içinde qabul etmeyler. Biz ketkende episini bileceksiz aytalar. Ev yanında tanışlar ve soy-soplar ne oldı bilmek içün keldiler", - haber etti.

Menbası: “Qırım birdemligi”

Soñ Qırım Birdemligi mühbirleri haber etkenine köre, yerde işğal Qırım FTH hadimleri çalışa ediler.

Ev içinde tek Seyran Taymazovnıñ ana-babası bar ediler. Seyran Taymazov soyları aytqanına köre 2016-ci senesinden Qırımda yaşamay. 

Malümatlarğa köre, “taqıqat tedbirler” devamında bir şey alınmadı.

Aprelnin 22-ne işğal etilgen Aqyarda ukrain istihbaratınen işbirligine şübeli Qırım sakinini toqtattılar.

Oñı Rusiye Qaradeñız flotu aqqında ğızlı malümatlar toplavına  qabaatlaylar. Qabaatluvqa köre, o "rus mudafaa qabioiyetine zarar etken" malümatlarını yıgıp, olarnı Ukraina Mudafaa hızmetiniñ istihbarat baş idaresine bere edi.  Qırım sakini qarşı devlet hainlik qabaatluv ile dava açildı.

Aqyar şeyeri Leninskiy rayonnıñ işğal “makemesi”adamnı eki ayğa tevqıf etti.

Qırım uquq qoruci taqımnıñ koordinatorı Ölga Skripnik Suspilne Qırımğa berilgen malümatlarına köre, adam 23 yaşında. Şimdi oña formal advokatını berdiler, lâkin Skripnik ayta, ne resmiy advokatlar adetınce FTH merakları ile çalışalar. Bu sebepten qırım sakinine mustaqıl advokatnı almaq kerek.

“Tejribege köre, böyle qabaatluvlar aslında yalannen yapılalar. Qanunsız usullarnen faydalanıp, taqıqat adamnı qabaatını boyunına almaq ve özüne qarşı şaatlıq etmek mecburlay”, - ayttı.

Aprelnin 22-ne işğal quvetçileri Qarasuvbazar rayonnıñ Toqluq köyünde Eldar Fetlâyev qırımtatar adamnıñ evine tintüv keçirdiler. İşğalciler oñı terakt azırlağanınİşğalciler oñı terakt azırlağanına ve patlav maddeler saqlavına şübelediler.

Eldar Fetlâyevniñ ömür arqadaşnıñ aytqanına köre, işğalci quvetçiler tintüvni büyük oğlusı bulunması ile keçerdiler.  Anda Eldar quvetçilernen berilgen vesiqa paketinnen tanış oldı.

Advokat Edem Semedlâyev ayttı, ne tintüvler sebebi işğal “Ekstremizm qarşı areket etken merkezine” birisi teraktlar ve patlavlar azırlana anonim beyanatı oldı.

"Bu sebepten Eldar Fetlâyevniñ evine kelip, patlav maddeleri bar mı ve böyle adiseler aqqında haberi bar mı teşkerüv keçerdiler. Qırımtatarlarnıñ evlerine ne silâlar, ne de patlav maddelerini taptılar, çünki qırımtatarlarnıñ  terorizmnen iç bir bağları yeq", - ayttı advokat.

Aqmescit rayonnıñ Hoşkeldi mikrorayonına aprelnin 23-ne işğalciler qırımtatar adamnıñ Ruslan Ramazanovnıñ evine tintüvnen keldiler.

Tintüv sabada, saat 05:55 başlandı ve bir saat devamında keçerilgen edi. Evden tehnikanı - kompyuterni ve telefonunı aldılar. Qoranta azalarına tintüv aqqında qararını oqudılar ve protokolnı qaldırdılar.

43-yaşındaki Ruslan Ramazanovnıñ anası Sabriye hanım şamata sebebinden uyanğanını ayttı. Başından, bu qomşulardan tüşündi, soñ, evden çıqıp oğlusını ve kelineni FTH hadimlerinnen evde yürgenlerini kördi. Qadın şimdiki vaqıtace şokta buluna. 

Malümatlarğa köre, Ruslan Ramazanov yerli camige qatnay ve bünde beş kere namaz qıla. Eviniñ içinde tintüv devamında dert dane bala, ömür arqadaşı ve anası bar ediler.

Abdureşit Cepparov aytqanına köre, işğalciler “anonim haberi” sebebinden, 22-ci aprelde Qarasuvbazar rayonında kibi, keldiler.