Nam qazanğan dzüdo sport ustası Yakiv Hamo pandemiya ömrüne nasıl tesir etkenini aytıp berdi. 

"Pandemiya duyğularıma pek tesir etti, çünki karantin başlağanda biz yarım küç idman ete edik. Yolculıqlar ve sport yarışları azlaştı, Olimpiada oyunları başqa vaqıtqa keçirildi, er şey pek deñişti", - dedi o. 

Yakiv Hamo özüye de koronavirusqa oğradı. 

"Hasta olıp, eki afta karantinde oturdım, birinciden idman etmey edim, o pek çoq quvetimni aldı. Ondan ğayrı hastalıqtan soñ mende aqciger yanğısı oldı. Tüzelüv pek çoq vaqıt aldı", - dedi o. 

Ukraina dzüdo ştat milliy cıyma taqımnıñ baş idmancısı Vitaliy Dubrova 9 ay idmanlar olmağanını aytıp berdi. 

 "Elbette, COVID yarışlar ve idmanlarğa tesir etti. Başından doquz ay teneffüs edi, iç bir yarış keçirilmedi. Alışmağa qıyın edi, çünki saban-çiçek ayları karantin pek qattı edi, biz künde birer idman keçirgen edik, tek esas sportçularnı qoşıp, bir buçuq saat devamında idman ete edik, çünki insan er şeyge alışa", - dedi taqımnıñ idmancısı. 

Onıñ bildirgenine köre, taqım azaları da hastalanğan. 

"Şimdiki vaqıtta kerekli nizamğa qayttıq, amma çoq adamlarımız bu hastalıqtan keçti, eki afta devamında  qapatılıp, telefonnen bağlanıp şahsiy idmanlar  keçirgen edik", - dep bildirdi Dubrova. 

Qırım futbolı Birleşmesiniñ vitse-prezidenti Oleg Komunâr, taqım yañı şaratlerde yaşamağa mecbur olğanını ayttı. 

"Tavriya yarışlarnıñ yañı şartlarına alışmağa mecbur oldı. Olğan vaziyette  aveskârlarnı stadionğa kirsetmege mümkün degil edi, ondan ğayrı bu yarışlar keçirmesiniñ yañı qaideleri edi", - dedi Komunâr. 

Onıñ bilidrgenine köre, ekin ayında bütün taqım koronavirusnen hastalanğan. 

"Ekin ayında bütün taqım ve imdancilar terkibi hastalanıp karantinde oturğan edi. Yarışlarğace bir qaç kün evelsi episine mecburiy test keçerildi, muşkulleşüvlar yeq, episi yahşı olıp futbol oynamağa devam ettiler" 

Sport közeticisi Sergiy Glazirin yañı şaraitke tek sportçular degil, icmancılar, jurnalistler de alışmaq kerek oldı, dep bildirdi. 

"Covid sportçularğa da, idmancilarğa da pek tesir etti. Yañı iş aqiqatına alışmaq kerek edi. Misal olaraq, birinci lokdaun vaqtında sport zalları qapatılğan edi, eki yañı programma azırlanğan edi. Yazıq ki, sportçular yañı atmosferağa, boş minberlerge alışalar. Jurnalistler ve kütleviy haber vastalarınıñ hadimleri internetten haber almağa  mecbur oldılar", - dedi o.