V. İ. Vernadskiy adına Tavriya Milliy universitetiniñ rektor vazifesine namzeti Nikolay Köretskiy teşkiliy komitetiniñ ve universitet memuriyetiniñ qanunsız areketlerine makemede dava açqan. 

“İlk küz ayından saban ayına qadar bütün bu müddet içinde teşkiliy komitetiniñ başı namzetlerniñ episinen körüşip saylavlarnıñ teşkil etüv ve keçirüv imkânlarnı muzakere etmek içün iç bir fırsat tapmağan. Onıñ tarafından o körmemezlikke qaba bir uruvı edi. Biz, namzetler olaraq, bizge saylayıcılar cedvellerni bersiñler dep  ricasınen teşkiliy komitetiniñ başına bir qaç sefer muracaat etken edik”,-dedi Köretskiy.

Rektor vazifesine namzeti tüşüngeni kibi, teşkiliy komiteti, saylayıcılarnıñ cedvellerni keç tasdıqladı.

“Teşkiliy komiteti olarnı tasdıqlamaq kerek edi. Afsus ki, namzetlerniñ birisindeki maqalesinden haber alğanımız kibi, saylacılar cedveli tek bu yıl uvut aynıñ 23  tasdıqlanılğan ediler. 288 şahıstan ibaret olğan cedvelni uvut aynıñ 24 yayınladılar. Olar ocalar mı, studentler mi, universitet hadimleri mi belli degil”,-qayd etti Nikolay Köretskiy. 

Saylavlarnıñ toqtatuvına ve teşkiliy komitet başı İgor Radomskiyni vazifelerden çıqaruvına irişicegini ilân etti.

TMU Teşkiliy komitetiniñ başı İgor Radomskiy ilân etkeni kibi, bir şeyni bozmağan edi, Köretskiy özü ise oturışlarğa kelmegen edi.

“Namzetlerniñ muracaat etip kelip laf etmege aqqı bar edi.  Bunı yapmağa kimsege red etedim, teşkiliy komitetinen keçirilgen oturışlarnıñ episi ortaqlaşma olalar, yani men tek başıma qarar bermeyim. Qara qış ayında, Köretskiy beyniñ arizalarından birini baqıp onı davet etkenimiz oturışnı keçire edik, o ise-kelmedi. Kelecekte keçirgenimiz oturışlarına  rektor vazifesine namzeti olğan Kazarin kele edi ve öz nazar noqtasını bildirmege onıñ fırsatı bar edi”,-dep aytqan Radomskiy. 

Saylavlar, saylayıcılar cedveliniñ yayınlandıruvından soñ tayin etilgenini dep qoşa. 

“Uvut aynıñ 23 universitet saytında tayin etilgen saylayıcılar cedveli yayınlandırılğan edi. Rektor saylavları aqqında qararına binayen, olarnı, saylavlarnıñ başlanuvından 7 künden evel tasdıqlaylar. Tasil nazirliginiñ emri ile saylavlar ilk qış aynıñ 16-dan saban aynıñ 3-ne qadar qaldırılğan ediler. Buna köre, uvut aynıñ 23 saylayıcılar cedveliniñ tasdıqlamasına dair bütün talaplarına rivayet ettik”,-dep qoştı Radomskiy. 

TMU rektor vazifesine namzetler, Ukraina memuriy makemesinde dava açtılar. Olarnıñ talap etmesinden- rektor vazifesine namzeti Vladimir Kazarinniñ resmiyleştirüv cedvelinden çıqarılmasıdır. 

“Bizim fikrimizge köre, rektor vazifesine, bugünki kününe qadar rusiye pasportlarnıñ saipleri olıp ve bunı red etmegen Rusiye vatandaşları resmiyleştirip olamazlar. Makemede açılğan davalar makemenen qabul etilgenler”,-qayd ete V. İ. Vernadskiy adına TMU rektor vazifesine namzeti Nikolay Köretskiy. 

V. İ. Vernadskiy adına TMU rektor vazifelerni icra etken Vladimir Kazarin Nikolay Köretskiyni Yanukoviçnen işdeşlikte ve antimaydannıñ teşkil etüvinde qabaatlay. 

“Koretskiy, Yanukoviçnen Tasil nazir muavini olaraq tayin etilecek olğan adamıdır. Bizim bütün yañı Ukrainanı ve bizni körecek közü olmağan adamıdır. Meselâ, anda yançıq peyda olğan akimiyetinen qalmağanımız sebebinden. Rivnedeki antimaydanını teşkil etken adamı odır”,-ilân etti Kazarin. 

Vladimir Kazarin, QQMA-nıñ qabarcılıqta onıñ qabaatlavlarnı red ete. 

“Qabarcılar siciline esaslanıp, men olğanımnı bildirmege istey, ğaliba. Bundan evel Peçersk makemesinde davanı açqan edik. Bütün bu qabaatlarnı red etti, onıñ içün episi bu qanunsız olğanını aytmaq mümkün”,-dedi Kazarin.  

Bugünge qadar, Qabarcılıqqa qarşı milliy agentliginiñ sicilinde Vladimir Kazarin, qabarcılar siciliniñ cedvelinde buluna. 

V, İ. Vernadskiy adına TMU pedagogika ve içtimaiy iş psihologiyası kafedra dotsenti Sergey Belavin tüşüngeni kibi, saylavlar, tayin etilgen intizam çerçivelerinde keçmek kerekler. 

“Saylavlar, ayrı müddetine tayin etilgen olsalar tayin etilgen intizam çerçivelerinde keçmek kerek olğanını dep tüşünem, yani aynı bu müddet içinde keçmek kerekler. Em de, saylavlarnıñ başqa künge keçirüv sebeplerniñ delilleri ketirilmegenler”,-dep ayttı Belavin. 

Saban aynıñ 4, saylavlarnı bu yılnıñ mayıs aynıñ 6-na qaldırmağa ricasınen  nazirlikke universitetniñ teşkiliy komiteti muracaat etti. Nazirlik, uyğun emirni çıqarğan. 

Adliyeci Aleksey Babin tüşüngeni kibi, saylavlarnıñ başqa künge qaldıruvı qanuniy ya da qanunsız olğanını cevap bermek içün vesiqanı körmek kerek. 

“Qanuniy nazar noqtasına köre, mayıs ayına soñki olaraq tayin etilgen künü tanılacaq. bu saylavlarnıñ başqa künge qaldıruvı qanuniy ya da qanunsız oluvına dair doğru cevap bermek içün, olar ne içün başqa künge tayin etilgenini sebeplerine dair Tasil ve ilim nazirliginiñ emri nasıl vesiqalarına esaslanıp alınğanını körmek kerek”,-dedi adliyeci.

 UA:Qırım, Ukraina tasil ve ilim nazirligine rektor saylavlarnıñ başqa künge qaldıruvı sebebinden TMU teşkiliy komitetiniñ ve emek kollektiviniñ muracaatlarnı alıp bermege ricasınen hitap ettiler.