Qırım faaline dair sahtelengen davaları, ukrain tarafdarlığını köstergen mevamı, işkenceler ve şimdi qırım faaliniñ olğan sağlıq ağırlıqları aqqında mabusınıñ qızı Natalya Prihodkonen (Şvetsova) Suspilne Qırımnıñ muzakeresinde. 

“Qara qış ayda anamnen Vladimir şeerine körüşüvge kelgenimiz vaqıtta bizni kirsetmegenler. O vaqıt FTH vekili, bizni kün içinde beklemege rica etken. Babamızğa qarşı yañı davası açılğanını aytqan. O zaman Vladimirdeki vokzalında btün kün içinde oturğan edik. Soñra FTH tahqiqatçısı, bizge tek aqşam izin bergen ve elbet de, onı qullanıp olamadıq, çünki o cuma künü ve iş künnüniñ soñu edi ve biz evge qaytmağa mecbur edik”, - tarif ete siyasiy mabusınıñ qızı. 

Keççe Prihodko, soy-soplarına özü telefon açıp onı kene de cinayette qabaatlap ukrain arbiyler de onen beraber terroristik areketinde iştirak etkenleri aqqında itiraf ettirgenlerini tarif etken. 

Nataliya Prihodko. Foto menbası: Suspilne Qırım

“Bundan soñ onıñ ükümini daa yyengil yapmağa vade eteler. Bunı yapmaycağı aqqında bildirdi. Babam, ukrain arbiylerine hainlik yapıp olarnen nasıldır bir umumiy terroristik areketlerinen bağlı olğanında itiraf etmek kerek edi. Amma o, bunı yapmağa istemey. Şimdi o, rusiye Vladimir şeerdeki 1’ci taqiqat tevqifhanesinde buluna, onı anda boysundırmağa tırışalar. O, pek açuvlı, çünki öz 64 yaşında uydurılğan davaları içün esirde bulunğanı sebebinden canı pek ağıra”, - añlattı qadın. 

Nataliya Prihodko degeni kibi, Ukraina akimiyeti, Kreml mabuslarnıñ ailelerine paralarnıñ ayrı miqdarını alıp bere, amma olarnıñ ailesi işğal etilgen territoriyasında bulunğanı sebebinden olarnı alıp olamay. 

“Ukrainadan paralarnı tek bir kere alğan edim. Şimdi Qırımnı terk etip olamaymız, buna köre, devlet tarafından siyasiy mabuslarınıñ ailelrine alıp berilgen paralarnı saymağa fırsatımız yoq. Advokatımız yoq, çünki aqçamız yetmey. Onıñ advokatqa ihtiyacı bar, amma oña onı şimdi taqdim etip olamaymız. Anamnen beraber üç işte çalışıp bu paralarnı toplamağa tırışamız, amma endi küçümiz yetmey. Ne yapacağımıznı bilmeyim. Babam, Qırımda ep Ukraina oğrunda küreşken edi, bu sebepten onı hor körip pek ağır işkencelerge oğrata ediler. O, tiz çokmeyip Ukrainağa qol tutmağa devam etken edi. Yekâne istegeni, onı serbest etkenlerini”, - tarif etti qırım faaliniñ qızı.  

Oleg Prihodko. Foto menbası: Qırım birdemligi

Şimdi Oleg Prihodkonıñ ciddiy sağlıq meseleleri bar, oña kerek olğan ilâclarnı ve ailenen yollanılğan ilâc yollanmalarnı alıp bermeyler. 

“Onıñ ayrı sürekli sağlıq meseleleri bar, olar ilâclarnıñ muntazamiy qullanuvını talap eteler. Şimdi o asıl da tedaviylemeni almay, o ise - sağlıq vaziyetini kerginleştire”, - qayd etti siyasiy mabusınıñ qızı. 

Qanunsız sürette mabus etilgen Oleg Prihodko, Qırımda Saqta yaşay edi, demirci ustası olıp çalışa edi. Erkek, Ukrainağa öz destegini açıq sürette bildirip Qırım yarımadasınıñ rusiye işğalini mahküm etken edi. 

Oleg Prihodkonı işğal uquq qoruyıcı organları ziyaret etmege başalp o, onıñ evinden ukrain bayrağını çıqarsın dep israr etken ediler, amma o red etken edi. 

Daa 2016 seneden başlap faalni FTH’ne sorğularğa “davet etken ediler”, anda ise - Prihodkonıñ sözlerine köre, vatanperverlik ve natsionalizmge dair aqılsız sorğular olıp keçken edi. 

2019 senesi orta küz aynıñ 9 işğal quvetçiler Oleg Prihodkonı tutıp FTH’ne alıp ketirdiler, anda onı bütün gece içinde tutqan ediler. Soñra Prihodkonı tevqif etip oña terroristik areketine azırlanmasına ve patlav malzemelerni qanunsız işlep çıqarılmasına dair qabaatlavlarnı alıp çıqarğanlar, tahqiqatnıñ malümatlarına köre, Prihodko, sanki dersin Lvivde Rusiye konsullığınıñ baş binasını patlatmağa planlaştırğan edi. 

2021 senesi saban aynıñ 3 rusiye arbiy makemesi, Oleg Prihodkonı qattı nizamlı koloniyasında beş yılğa azatlıqtan marum etüvine mahküm etken. 

2021 senesi oraq aynıñ soñunda Oleg Prihodkonı ayrıca havflı cinayetçiler içün Vladimirskiy tsentral türmesi kibi belli olğan Vladimir vilâyeti boyunca RF CEEFHİ 2-T DFM’ne alıp keçirdiler. 

Bizni Telegram'da oquñız