Suspilne Qırım, işğal etilgen Qırım territoriyasında USQ içün qanuniy arbiy nişanlar ve rusiye akimiyet uçaqlar Qırım yarımadasını ne içün sıq ziyaret etmege başlağanını tarif etken “Prava sprava” CT başı ve arbiy eksperti Dmitriy Snigerövnen muzakere etken. 

İşğal etilgen Qırımda muntazamiy “pamuğı” aqqında

- “Pamuq” tek Qırımda olmağanını aytayıq, çünki RF ordusınıñ arqalı uzlaşuvlar aqqında söz kete. İlk nevbette yermay qayta yapılğan zavodlar ve yanğan-silingen malzemelerniñ saqlanılğan yerleri boyunca uruşlarnıñ yapıluvı aqqında aytmaq kerek. 

Qarşı ücüminiñ kün evelsi yanğan-silingen malzemelerniñ teslim etüvinde ilâve logistik meselelerniñ yapıluv vaqtında işğalcı ülkesiniñ maddiy resursları azlaşa. Tanklarğa tokülecek şey olmasa, olardan faydası olmaz. USQ içün istisal olayatqan uzun müddetli ateş noqtalarına çevirileler. Buna köre, rusiye işğal arbiyleriniñ areket etüviniñ fırsatı tüşe. 

İşğal etilgen Qırımnıñ territoriyasında olıp keçken uruşlarnı tetqiq etsek, o, ilk nevbette yermay qayta yapılğan zavodlarıdır. Böyle kibi uruşlar ukrain territoriyalarnıñ serbest etüvi boyunca ameliyatınıñ planlaştıruvınıñ ilk devirini tasdıq eteler. 

Duşmannıñ ukrain raketalarnı “Grom-2” operativ-taktik kompleksinden mahv etkenleri aqqında dyrtünci qayd etilmesiniñ diqqatını çekmek kerek. “Grom-2”, 300 km mesafesinde urabilgenini qayd eteyim. O, “ATACMS”nıñ ukrain muqayesesidir. Ukrain tarafı, işğal etilgen Qırımnıñ territoriyasını tek UUA qullanılması ile degil, işğal ordusınıñ inşaatını felçke oğratmağa izin bergenlerini tahmin etebilemiz. 

Qayd eteyim ki, ukrain tarafı içün böyle uruşlarnıñ aqibeti şusı ki, RF Qaradeñiz bahriyesiniñ ADB büyük qısmı, daimiy bulunğan yerlerinden başqa yerge keçirilgen, ya o Aqyar şeeri olsa, Novorossiyskke çevirilgendir. İşğalcılar deñiz UUA ve ava UUA RF Qaradeñiz bahriyesiniñ ADB daimiy bulunuv yerlerine kirüv fırsatını pek beklenilgen şeyi kibi qabul eteler. Ukrain tarafınıñ arizaları bile RF QDB, USQ içün qanuniy nişanı olğanını qayd eteler. 

Rusiyeliler içün cenkâver gemilerniñ ğayip etüvleri - ilk nevbette, rusiye tarafınıñ şahsiy arbiy inşaatlarnı imaye etmege qabiliyetiniñ yoq oluvını tasdıq etken zararlarıdır. Aqyar limanınıñ altı mudafaa sıñırı bar oluvı bunı köstere, rusiyeliler özü bunı bir qaç sefer bildirgen ediler. RF Qaradeñiz ADB başqa yerge alıp keçirilmesi içün rusiye bücetiniñ ciddiy ğayip etüvleri bar. O, ukrain tarafınıñ daa bir müsbetidir, çünki arbiylerimiz, öyle de teşik olğan rusiye bücetini mahv etmege devam eteler. 

Qırımğa kelgen rusiye akimiyet uçaqları aqqında 

- Aqyarda ve işğal etilgen Qırım territoriyasında olayatqan vaqialar da RF’da ötkerilgen ciddiy ceryanlarnıñ nesnesi olğanını da tasdıqaybile. Zapt etilgen ukrain territoriyalarnıñ tutuvına dair işğal ordusınıñ fırsatlarına qıymet kesmege niyetini tutqan teftiş ziyaretleri aqqında söz kete. Qırım, logistik ceetinde biraz sezek olğanına köre, onı tutıp olamaycaqları aqqında rusiyelilerniñ haberi bar. Keçken afta Qırımğa kelgen akimiyet uçağı, RF Qaradeñiz ADB inşaatlarına ukrain tarafınıñ ücüm aqibetlerini añlamağa ve arbiy qarşı çıquvında USQ tirenüv vaqtında işğal ordularnıñ azırlığını teşkermege tırışuvlarıdır. 

İşğal etilgen Qırımda USQ içün qanuniy arbiy nişanları olğan obyektleri aqqında

- Grajdan obyektlerden ğayrı, aman-aman episi, USQ içün qanuniy arbiy nişanları olalar. Al etici inaatlarına dair ise - ayrıca, o, işğal etilgen Qırımnıñ energosistemasınen zapt etilgen Zaporijjâ AES birleştirmege niyetini tutqan Canköy stantsiyasıdır. Daa energetik strukturasınıñ obyektleri ve yanğan-silingen malzemelerniñ saqlanılğan yeri. Episi bu, USQ’niñ qanuniy nişanları olalar. Em arbiy, em de grajdan inşaatınının işletüvinen alâqalı olğan er şey. Rusiyeliler al etici inşaatınınıñ obyektlerini urğanda Ukrainanıñ iqtisadiyatı içün aqibetlerni yahşı añlaylar. İşğalcılarnıñ tarafına memnün etici areketler olmaz. Al etici inşaatlarnıñ obyektleri arbiylerimizniñ tarafından qanuniy nişanları olalar, çünki o, em grajdan em arbiy işğal memuriyetiniñ faaliyetini toqtatmağa fırsat berer. 

Sergey Aksönovğa “suiqastı” aqqında

- Aksönovğa (Qırımnıñ işğal başı Sergey Aksönov) sanki dersin “suiqast” aqqında malümatı, Kreml boyunca uruşlarnıñ yapıluvı aqqında haberlerinen aynı vaqıtta çıqqan. Rusiyeliler, Kiyev, arbiy ve grajdan işğal memuriyetteki vekillerniñ hususiy terror tarzına keçkeni aqqında malümatını faal sürette tarqatalar. RF, Ukrainanı terrorist ülkesi kibi köstermege istey, amma Kreml, mahsus semerelernen biraz fazla oynağan, çünki vaqıtnıñ birge kelüvi olmağanını añlamamaq içün qabaqbaş olmaq kerek. Episi bu, halqara meydanında Ukrainanıñ ittibarını tüşürip ülkemizniñ siyasiy, maliyeviy ve arbiy yardımınıñ seviyesiniñ yoq etilmesini maqsadında tutqan rusiye mahsus hızmetlerniñ malümat ameliyatalarnıñ elementleridir. 

Ukrain tarafı, Aksönov ve Konstantinovnı (qırım parlamentiniñ işğal spikeri Vladimir Konstantinov) kerçekten de yoq etmege istegen olsa edi, bunı daa 2014 senesi saban ayında olarnıñ tutıp aluvına dair Şevçenko rayondaki paytaht makemesiniñ qararı endi bar olğanda yapmaq mümkün olır edi. Olarnıñ mahv etilmesi içün fırsatı çoq. Amma olarnıñ beden mahv etilmesinden iç bir faydası yoq. Olar mustaqil şahıslar degiller, çünki esas meselelerni çezgen olar degiller.