Suspilne Qırım, işğal yarımadada qırım ukrainlerniñ yaşayışı ve onlarca rusiye nezaret noqtasından Qırımdan çıqıp netice olaraq USQ sırasına qoşulıp olğanı aqqında tarif etken qırım faali ve arbiy hızmetçisi Vasıl Samoylovnen muzakere etken. 

İşğal şaraitlerde yaşayış aqqında

Bütün 8 yıl içinde işğal etilgen Qırımda bulunğan edim ve oğraşqan işim - medeniy tirenüvi olğan edi. Onıñ maqsadı - insanlarğa ukran medeniyetiniñ propagandasını yapmaq. Ukrain mevamınıñ tarafdarı olıp ukrain muzıkasını diñlemek ve ukrain medeniyetini sevmek eyi olğanını köstere edik. Medeniy tirenüviniñ çiçeklenüvi, 2014-2015 senelerde işğalnıñ başlanuvında öz ukrain tarafdarlığını köstermege telükeli olğanı kibi basqılar o qadar küçlü olmağan devirinde başlanğan. 2019-2020 senelerde biraz qolayja olğan, amma büyük miqyaslı ücüminden soñ er şey deñişken. Şimdi Qırımda basqılarnıñ seviyesi, 2014 senesinde olğanından daa büyük. Şimdi ukrain tarafdarlığını tekarançıq bile köstergen er insan, tek işğal akimiyetten degil, daa kreml faallerden, ayrıca - içtimaiy ağlardan ukrain tarafdarları olğan insanlarnı tapıp olarnıñ adlarına kütleviy tarzda işğal akimiyet organlarına arizalarnı yazıp olarnı basqılarğa oğratqan “fth çaqçılarından” kelgen büyük havf astındadır. Buna baqmadan, Qırımda ukrain tarafdarlığını köstergen insanlarnıñ sayısı çoq. Birev, bu mevamını öz göñülinde saqlap yüre, başqaları ise - bütün telükesizligine baqmadan, olar qırım ukrainler olğanını köstermege devam eteler. Şimdi Qırımda ukrain grafiti ve risalelerniñ yapılmaından başlap daa ciddiy ve muayen areketlerine qadar keçken partizan areketi faal sürette çalışa. 

İşğal Qırımdan çıquvı aqqında

Ukrainanıñ qıtaiy qısmına köçüvini çoqtan planlaştırğan edim. Tuvğan evni terk etmege ne qadar zor olsa da, ukrain tarafdarı olğan er insanğa Qırımnı terk etayege olmay dep tüşüne edim, çünki bizimkilerniñ episi, Qırımnı terk etken olsa, o, rusiyelilerniñ ğalebesine ketirir. Keççe rusiye işğal şaraitlerde bulunaraq, şahsiy inkişafı içün iç bir istiqbali olmağanını añlap Kiyevge köçüvni planlaştırmağa başladım. Bazı vaziyetler içün onı bir qaç sefer başqa vaqıtqa keçire edim, amma soñki köçüvni soñra 2022 senesi saban aynıñ 1 planlaştırdım. Büyük miqyaslı cenkniñ başlanuvı sebebinden bunı yapıp olamadım. Putin, "LDHC" degenlerniñ mustaqiligini tanığan kününi yahşı hatırlayım ve o kün, Saq tuvğan şeerim yanında, Novofödorovka m.ye. aviatsiya bazası olğan yerinde o aqşam rusiye tehnikasınıñ büyük sayısı kelmege, uçaqlar uçmağa başlağan ve büyük miqyaslı ücümi olacağını añladım. O vaqıt çıqmağa yetiştirecegim, büyük miqyaslı ücümini ise Ukrainanıñ qıtaiy qısmında qarşılacağım dep özümni sakinleştirmege başladım. Uvut aynıñ 23 saat 16:00 Rusiye, bir taraflı intizamında Qırımnen memuriy sıñırını qapata, buna köre, kimseni çıqarmayıp kirsetmey. O vaqıt qorqunçlı oldı ve çıqmağa yetiştirmeycegim dep fikirlerim peyda olmağa başladı. Uvut aynıñ 24 yetiştirmegenimni añladım. O, menim içün pek zor deviri edi. O vaqıt bütün kün devamında Ukrainanıñ qıtaiy qısmında bulunğan insanlarnen bağda olıp  bütün olabilgen haberlerni teşkire edim. Aqşam belli olmağan telefon nomerasından maña telefon açqanlar. Cevap bermedim, amma keççe Instagram vastası ile Saq şeerinden olğan, amma çoq yıl devamında Kiyevde yaşağan uzaq dostım tekrar telefon açqan. O vaqıt o, Saq şeerine anasınıñ doğğan kününe kelip saban aynıñ 1 çıqmağa planlaştırğanı aqqında haber aldım. Aqiqaten, beraber reine olıp qaldıq. Pek zor vaqıt edi, ep bir bulunğanım vaziyetinden faydasını almağa tırışqan edim. Duşmannıñ bulunğan yerinde bulunğanımnı öz imtiyazı olaraq qullanmağa tırışqan edim, çünki Ukrainağa ne qadar faydalı olabilecegim aqqında tüşüngen edim. Soñra kene de öz çıqışımnı planlaştırmağa başladım: işğal etilgen Melitopoldan Zaporijjâğa qadar insanlarnı cebe sıñırından çıqarğan göñüllilerni tapıp yolnı ve keççe pek yahşı tesir etken efsanesini planlaştırmağa başladım. Serbestlik yolı, Çonğardaki “FTH” nezaret noqtasından keçken edi, meni anda eki saat devamında sorğuğa çekken ediler, soñra ise kene de Çonğrdan Örehovoğa (Zaporijjâ vilâyeti) qadar işğalcılarnıñ 37 noqtasından keçtim ve er soyunda tafsilâtlıca tüşünilip uydurılğan efsanem meni qurtarğan edi. 

Efsane aqqında

İç bir şeynen meraqlanmağan, bitaraflıq mevamını alğan ve episi bir olğan insan şeklini yaratmaq kerek edim. Zaporijjâğa, tuvğan tizeme ketken edim, onıñ ciddiy sağlıq meselesi ve ameliyattan soñ ağırlıqlar olğan edi. Onıñ qızı, Poloniyağa büyük miqyaslı ücüminden soñ ketken ve şimdi o bir özü eken. Buna köre, onı Zaporijjâdan alıp Qırımğa tedaviylemesine alıp ketirmek ketken edim. Er şey tafsilâtlıca uydurılğan edi: tizemniñ, onıñ qomşularnıñ nomerası ve yaşağan yeri. Episi bu, rusiye nezaret noqtalarında meni qurtara edi. Olar büyük cezasızlığını duyğan ediler ve şimdi nesi daa zor olğanını aytıp olamam: efmanege esaslanmaqmı, yoqsa olayatqanını közetmekmi. Çonğardan keçkenim yolı üzerinde qurşunğa tizilgen grajdan maşnalarnıñ büyük sayısı bar edi, bazıları yanğan, bazıları qırılmağan, amma qurşunlardan teşikler qalğan. O, işğalden çıqmağa tırışqan, amma rusiyeliler areket etken er şeyni qurşunğa tizgen vaqıtta yolda bulunmağa qısmeti çıqqan adiy insanlarnıñ maşnaları olğanını añlamağa zor edi. 

Vasıl Samoylov

Qırımdaki tanış olğanları aqqında

Muzakere etkenim insanlar Qırımda endi bulunmaylar, amma tanış olıp alâ daa bağ tutqanım insanlarnıñ sayısı pek çoq. Ukrain malümat saasında medialı şahısı olğanım soñ ayatta bir qaç sefer körüşkenim insanlarnıñ büyük sayısı, içtimaiy ağlarda maña yazmağa başlağan. Bazıları desteklegen sözlerni, bazıları pek müim malümatnı yollaylar.

USQ’ne kirmege qararı aqqında 

Orduğa ketkenimni uvut aynıñ 24, büyük miqyaslı cenk başlağanda öz özüme qarar berdim. O vaqıt saba saat beş buçuqta beyanatlar bir-biriniñ artından kelgenleri sebebinden uyanğanımda olarnıñ tarzına köre, gibrid ya da muhalif degil, büyük miqyaslı cenk başlanğanını añladım. Aynı o vaqıt özümni körgen yekâne yolım - ellerimde silâ ile Ukrainanı mudafaa etmege olğanını añladım.

Şimdi Rusiyege qarşı qaç qırımlı cenkleşkeni aqqında

Malümatlarıma köre, umumen Ukraina Silâlı Quvetlerinde ( ya o - USQ, Ukraina Milliy gvardiyası ve başqa terkipler) tahminen 10 biñ qırımlı bulunmaqtadır. 

Qırımnıñ deokupatsiyası ceryanı aqqında

Qırımnıñ deokupatsiyası içün bir şeyni yapmaq içün yarımadanen memuriy sıñırına çıqmaq kerek. Serbest etüv ceryanında eñ esas aqiqatı şusı ki, Keriç köpüri yoq etilmek kerek. Qırımğa rusiye duşman tehnikası, silâ ve canlı quvetiniñ teslim etüv zıncırı bar olğanda yarımadanıñ serbest etüvi boyunca er bir ameliyatı keçirilip olamaz. Qırımnıñ serbest etüviniñ esas faktorı - Keriç köpüriniñ bütünle yoq etilmesidir. Bundan soñ ilerideki deokupatsiyasını planlaştırmaq mümkün. 9 yıl içinde Rusiye, Qırımnı arbiy bazasına çevirgenine baqmadan, bu teslim etüv zıncırını yıqsaq, olar büyük tuzağına oğraycaqlar.

Qırım yarımadasınıñ serbest etüvinden soñ kelecekke planları aqqında

Bu sualge şimdi cevap berip olamayım, çünki yarın ne olacağı bilmegenimiz vaqıtta yaşaymız. Baştan cenkni yeñip, işğal etilgen bütün territoriyalarnı ve esirde bulunğan bütün siyasiy mabuslarımıznı serbest etmek kerek, soñra ise - ilerideki tınç ayatını planlaştırmaq mümkün olğanımıznı dep tüşünem.

Bizni Telegram'da oquñız