Suspilne Qırım, Qırım Muhtar Cumhuriyetteki musulmanlarnıñ ruhiy idaresiniñ (QMC MRİ) müftiyi Ayder Rustemovnen muzakere etken, o ise - Ukrainağa RF büyük muqiyaslı ücümi ceetinde musulman cemiyetiniñ mevamı ve şimdi işğal şaraitlerde yaşamağa mecbur olğan yüzlerce ukrainge er kün yardım etken “Ulkeni aşatamız” qırım aşhanesinen leyhası aqqında tafsilâtlıca tarif etken. 

Menba: Facebook/ Ayder Rustemov

2014 senesinden soñ Qırım aqqında

2014 senesinden soñ Qırım, işğal etilgen territoriyasına çevirilgen, anda alâ daa gibrid cenki keçirilmektedir. 2022 senesi uvut aynıñ 24 soñ bütün ülke, RF aqiqiy ücümini is etken. Aqiqaten, gibrid cenki daa qorqunçlıdır, çünki o, halqnıñ öz territoriyasından sürgün etüvidir. Rusiye, qırımtatar tamır halqını tuvğan Qırımdan  yoq etmek içün büyük küç-quvetini bere. Uydurılğan qabaatlavlarına köre, 13, 15 ta 17 yıl miqdarında müddetlerniñ ilân etilmesini yahşı köremiz. Türmelerde lâqayt şaraitler ve kerek olğan vaqıtta tibbiy yardımını temin etmeyip insanlarnı yavaşça öldürgenlerini. Ayrıca, aqiqaten, türmede öldürilgen Cemil Gafarov. Daa yürek klapannıñ deñiştirüvinde ihtiyac korbgen Amet Suleymanov, amma işğalcılar onı azatlıqtan marum eteler. Rusiye “qanuniyetine” köre bile ev tevqifinde olmaq kerek edi, çünki erkekniñ, ameliyatnıñ keçirilmesinde ihtiyacı bar. Daimiy tintüvler ve yarımadada qırımtatarlarnıñ terrorı - episi bu toqtatılmay ve ileride de devam etilecek. 

RF’nen cenkte qırımtatar halqnıñ vekilleri aqqında

Bugün Qırımtatarlar da Ukrainanı mudafaa eteler. Qırım arbiyleriniñ muayen sayısını aytmaq zor, çünki tek qırımtatarlardan ibaret olğan ayrı batalyonı yoq. Olarnıñ episi farqlı batalyonlarda cenkleşe. Amma olarnıñ sayısı, kerçekten de, büyük olğanını aytabilem. Bu cenkte can bergenlerniñ de sayısı çoq. “Qırım” ayrı bölügimiz bar, anda tek qırımtatarlarıdır. Noman Çelebicihan adına sabıq batalyonı da bar, anda da qırımtatarlarıdır. Amma olar çoqusınen başqa batalyonlarğa atılğanlar. Çoqusınen bağ tutamız, amma cenkte öz iştirağı aqqında halq ögünde tarif etmege rica etkenimizde, Qırımda olarnıñ soy-sopları bar olğanına köre, bunı yapmağa istemeyler. Böyle meselesi işte bar. Amma o da ğayet añlayışlıdır. Rusiyege qarş cenkte iştirak etken qırımtatarlar ya da musulmanlarnıñ miqdarına dair muayen statistikamız yoq, amma ayrı tecribemiz bar, ya aynen - keçken yılda ötkerilgen Qurban bayramıdır. Qızartılğan etni yapıp arbiylerimizge cebe sıñırına alıp bermege qarar bergenimizde. Çünki olarnıñ elâl etine ihtiyacı bar, onı tapmaq ise pek qıyın.  Ve tek bu sayısına köre, netice yapabilemiz. Farqlı vilâyetler ve farqlı batalyonlarğa 5 biñ bankasını yolladıq. Tek bu tecribeme esaslanım, amma o, tek asğariy seviyesi olğanında eminim. 

Menba: Facebook/ Ülkeni aşatamız

Ukrainada cenkke qarşı musulman cemiyetiniñ mevamı aqqında

Musulman cemiyetine dair ise - mında bütün vaziyetiniñ obyektiv qabul etilmesinen, afsus ki, meselesi bar. Musulman dünyası, daa “Suvuq cenk”niñ şurular vaqıtlarından şuralar birligi ve Ğarp arasında raqipliginde aynı rusiye tarafından destegini alğan edi. Çoqusı, alâ daa aynı mevamında bulunmaqtadır. 

Em de, daa arap-israil davamız bar, anda ise soñki künler içinde vaziyetniñ kerginleşüvi oluna. Acımasını çağırğan Al-Aksa camisiniñ yanında oluna. Yüregimiz sançıy, çünki anda da insanlar azap çekeler ve olarnı kimse eşitmey. Afsus ki, bu ağrı, pek şiddetlidir, o, milletine baqmadan, er musulmannıñ din seviyesindedir. Ukrainada cenkniñ qabul etilmesinde onıñ da öz rolü bar. Musulmanlarnıñ çoqusı, ya ayrıca, Arap dünyasında, rusiye propagandasına inana, buna köre, ülkemizniñ territoriyamızda “Rusiye, NATO’ğa qarşı cenkleşe” mevamını alalar. Yazıq ki, bu propagandası, alâ daa çalışmaqtadır. Ukrainada musulman cemiyeti bar olğan aqiqatını dünyağa köstermek kerek olğanını ep aytam. Ülkemizde olarnıñ bulunuvını ve şiddetligini köstermek kerek. 

Musulman cemiyetiniñ vekili olğan Ramzan Kadırov aqqında

Er aqılı insan, Kadırov - adiy “tiktokeri” ve Putinniñ köpegi olğanını pek yahşı añlay. Kadırov, Çeçen cumhuriyetinde RF preztdentiniñ vekili olğanına köre, onıñ anda siyasiy quveti bar, buna köre, onı qabul etip onen laf eteler. 

“Ulkemizni aşatamız” leyhası aqqında

“Ulkeni aşatamız” - ülkemizniñ er vatandaşımızğa yardım etip Ukrainanıñ bütün vilâyetlerniñ serbest etüvine şahsiy grajdan yatırımını yapmağa berilgen fırsatıdar. 

Leyha, Qırımdaki Musulmanlarnıñ Ruhiy İdaresi, Qırımnıñ Milliy Amanlıq Fondı esasında ve Qırımtatar halqnıñ Meclisiniñ ve “Ukrainadaki musulmanlarnıñ birligi” GT destegi ile kerçekleştirile. 

Resmiy malümatlarına köre, Hersonda ealiniñ 20-30 biñ qalğan, amma gumanitar yardımınen meselesi olmağanını da qayd ettik. Yük maşnası kelip er şeyni gumanitar yardımınıñ noqtalarında taşlap aynı künü çıqıp ketken. Herson vilâyetiniñ sakinleri kelip bunı alabileler. Amma Antonivka, Çornobayivka, Stepanivka ve Herson civarında olğan başqa köylerde atışlardan zarar körmegen evi qalmağan. Bunı şahsen korbdik. Bu adamlar öz evlerini terk etip keteler, buna köre, mallarnıñ alıp berüv yerlerine kelmege çaresi olmağan edi. Amma bunıñ içün tuvğan şeerde işğalini yaşağan insanlarnı aşatmaq içün bizim ayrı mobil aşhanemiz bar.  

Er kün mobil aşhanesi, şeer sakinlerni sıcaq aşınen aşatıp işğalni yaşağan ve er kün duşman atışlarğa dayanmağa devam etken ukrainlerge destegini köstermek içün şeerdeki rayonlarnıñ birine çıqa. 

Herson sakinlerden minnetdalıq sözleriniñ büyük sayısını alamız, amma er künlik sıcaq aşları ülkemizdeki yüzlerce insannı qızdıralar. Er kesniñ öz ikâyesi ve acısı bar, amma şeerde qalğan insanlarnıñ sayesinde Herson, yaşamağa devam ete. 

Şimdi “Ukrainanı aşatamız. Ukrain Qırımnıñ lezeti” şiarı, Herson ve onıñ qasabalarında tanılğan ola, buna köre, bizni ep beklep peyda oluvımızğa quvanalar. 

Menba: Facebook/ Ulkeni aşatamız

Cebedeki şeerinde taqım ve Herson vilâyetteki ealisi içün mesülietligi pek arta. Tek öz içün degil, insanlar adına çalışamız. duşman tarafından daimiy atışlar şeerniñ serbset etüvinden soñ bile toqtatılmay ediler. Bu sebepten, mobil aşhanemizni çoq vaqıt içinde bir yerde qaldırıp olamaymız, çünki insanlarnıñ daimiy toplaşuvları diqqatını çekip olarnı telükege oğratabile. 

2023 senesi uvut ayında IHH Humanitarian Relief Foundation turkiye hayriyet teşkilâtı, Qırım Milliy Amanlıq fondına Ukrainanıñ serbest etilgen territoriyalardaki sakinlerniñ sıcaq aşnen temin etilmesi içün mobil aşhaneni alıp bergen. Mobil aşhanesi, generatorlar ve aşnıñ pişirilmesi içün kerek olğan er şeynen, ayrıca üç furun ve büyük buz dolabınen temin etilgen.

Bugünki kününe qadar bu aşhane, Hersonda faal sürette çalışıp insanlarnı muntazam tarzda aşata. Bir aşnıñ terkibine 1 esas aşı, salat, ötmek, 1 çay bardağı kire. Umumen esas aşnıñ 4 soyu bar. Aşhane, bir künge 1000 aşnı pişirecegi planlaştırıla. 

Qırımtatarlar ukrain Qırımnıñ RF işğaliniñ neticesinde ğayip etüvlerniñ acısını bilip oldılar, buna köre, imanlı insanlar ve öz Vatanımznıñ faal vatandaşlırımız kibi, çette qalıp ülkemizdeki serbest etilgen territoriyalarında insanlarnıñ azap çeküvlerini körip olamaymız. 

Bizni Telegram'da oquñız