KRM faalleri 2023 senesi üç ay içinde zapt etilgen ukrain territoriyalarında rusiyelilerniñ cinayetleri aqqında tarif ettiler
Qırımtatar Resurs Merkeziniñ vekilleri 2023 senesi üç ayı içinde (qara qış ayı, uvut ayı, saban ayı) rusiye quvetçileri 21 tintüv, 61 tutıp aluvı ve zarar körgenlerniñ çoqusı qırımtatarları olğan 64 sorğunı keçirgenlerini bildirdiler.
Bunıñ aqqında olar çiçek aynıñ 13 brifing vaqtında tarif etkenler.
Qırımtatar halqnıñ meclisiniñ uquqiy meseler ve tışqı işleri boyunca idaresiniñ başı Eskender Bariyev qayd etkeni kibi, 2023 senedeki ilk üç ayı içinde 61 tutıp aluvı qayd etilgen edi, olardan 49 - qırımtatarlarğa dair. Em de bu vaqıt içinde 21 tintüv qayd etilgen edi, olardan 19 - qırımtatarlarnıñ evinde. Daa qanunsız tevqiflerniñ 83 vaqiası, olardan 54 - qırımtatar halqnıñ vekillerine dair.
Daa qayd etkeni kibi, qayd etilgen deviri içinde sorğularnıñ 64 vaqiası qayd etilgen edi, olardan 53 - qırımtatarlarına dair.
“Adliye makemesine aqnıñ bozuluvı: 2023 senesiniñ ilk üç ayı içinde 94 soyu qayd etilgen, 67 - qırımtatar halqnıñ vekillerine dair”, - bildirdi Bariyev.
Daa beden ve ruhiy sağlığınıñ eñ yüksek seviyesine aqnıñ 10 bozuluvı qayd etilgen, olardan 7 qırımtatarlarnıñ arasında olunğan.
Eskender Bariyev qayd etkeni kibi, keçken yılnıñ aynı vaqıt devamında 10 tintüvi qayd etilgen edi, 2021’de ise - 22. O, işğalcılar er şeyni planına köre yapqanlarını tasdıqlay.
Qara qış ayında qanunsız tintüvler Asanov İbraim, Kroş Ekrem, Asanov Ayder, Seydametov Refat, Abdurazakov Osman, Zekiryayev Leman, Mambetov Halilniñ evlerinde olunğanlar.
Uvut ayında eki sefer İlver Ametov, Dmitriy Demçuk, Galina Balaban, Abdulaziz Cemilovnıñ ana-babasında.
Saban ayında: Edem Murtazayev, Memet Aşurov, Asan Abduramanov, Ahtem İsmailov, Lenur Urkumet, Lemmar Yunusov, Rolan Osmanov, Mustafa Mustafayev ve Şevket Ergaşevde.
Öz nevbette QRM uzlaşuv meneceri Tatyana Podvornâk ilân etkeni kibi, rusiye apishanelerde kerek olğan yardımınıñ bermemesi sebebinden eki siyaiy mabusı can bergen, ya aynen - Cemil Gafarov ve Konstantin Şiring.
QRM vekilleri, vaqıtnca işğal etilgen Zaporijjâ ve Herson vilâyetlerniñ territoriyalarında insan aqlarnıñ bozuluvlarnı ilâve tarzda qayd etmege başlağanlarını qayd ettiler, çünki 2023 senesiniñ ilk üç ayı içinde Rusiyenen keçkende işğal etilgen ukrain territoriyalarında tamır qırımtatar halqnıñ vekilleriniñ eñ azdan beş tevqifi qayd etilgen.
“İnsannı taqiqat tevqifhanesine endi yerleştirgenlerini ve qabaatlarnı ilân etkenlerini bilgenimizde qayd etemiz”, - bildirdiPodvornâk.
Daa tarif etkeni kibi, şimdi Herson ve Zaporijjâ vilâyetlerinde öldürüvlerniñ 134 vaqiası aqqında belli.
“2023 senesi duşman atışlarnıñ neticelerni de qayd etmege başladıq. 2023 senesiniñ ilk üç ayı içinde Herson vilâyetinde 5 biñ 380 atışı, 364 yaralanğanı ve 89 elâk olğanı qayd etilgen. Ve Zaporijjâ vilâyetinde - 5 biñ 512 atışı, 102 yaralanğanı, 27 elâk olğanı”, - añlattı QRM uzlaşuv meneceri.
Öz nevbette, QRM uquqçısı Vladimir Lâşenko, RF cinayetlerine halqara cemiyetniñ cevap berilmesiniñ müimligini qayd etken.
“Vaqtınca işğal etilgen territoriyalarında insan aqlarnıñ bozuluvları kütleviy ve sistemalı vaqiası olmağa devam eteler: işğalcılar grajdan ealisinen areket etüvine dair halqara aqnıñ qaidelerine qulaq asmaylar. Buna, menim fikirime köre, halqara cemiyetniñ kerek olğan cevabınıñ yoq oluvı fırsat yarata, ayrıca BMT’dan Rusiyeniñ çıqarılması, ya da onı Telükesizlik şurasında reberlik aqqından marum etüvi”, - qayd etti o.
