Bunıñ aqqında Qırımtatar Resurs Merkeziniñ vekilleri “İşğal etilgen Qırımda NATO aqqında sahte malümatlar” serlevalı matbuat konferentsiyası vaqtında tarif ettiler. 

Qırımtatar Resurs Merkeziniñ uzlaşuvı boyunca meneceri Tatyana Podvornâk ilân etkeni kibi, 2014 senesine qadar Rusiye, NATO’nen farqlı yönelişlerde semereli tarzda işdeşlikte bulunğan edi, amma yarımadanıñ işğalinden soñ Alyans, tecavuzcı ülkesinen er bir bağını toqtatmağa mecbur olğan. 

“2014 senesine qadar RF, NATO’nen farqlı yönelişlerde semereli tarzda işdeşlikte bulunğan edi. Amma Qırımnıñ işğalinden soñ Alyans, Rusiyenen er bir bağını toqtatqan, çünki teşkilât, Ukrainanıñ territorial bütünligine öz destegini köstere. Bu sebepten RF, NATO’nı açıq tarzda duşman adlap onı qorqutuvlar ve dostane olmağan areketlerde qabaatlamağa başlağan”, - dedi Podvornâk. 

Onıñ sözlerine köre, RF, işğal etilgen Qırımda NATO tarafından telükesi aqqında sahte malümatnı tarqata. Buna köre, Qırımtatar Resurs merkezi, endi 2’ci yıl devamında “NATO işğal etilgen Qırımnıñ KHV’da” leyhasını devam ete. Onıñ yazıları içtimaiy ağlarda 600 biñden ziyade şahısnı qaplap alalar, olardan büyük qısmı, Qırım sakinleridir. 

QRM idaresiniñ başı, qırımtatar halqnıñ meclisiniñ uquqiy meseleler ve tışqı işler idaresiniñ başı Eskender Bariyev, zapt etilgen territoriyalarında rusiye propagandasınen eñ rağbetli sahte malümatlarnıñ arasında: “NATO, Rusiyeni Ukrainanıñ ellerinen yoq etmege planlaştıra”, “Ukraina Silâlı Quvetleri tek NATO meraqlarında küreşeler” ve “Ukrainanıñ halqı, NATO siyasetiniñ qurbanı olğan” olğanlarını qayd etti. 

Menba: facebook.com/ctrcenter

“Qırım KHV’da sahte malümatnıñ büyük qısmı, NATO’ğa ait ola. RF, çoq yıl devamında Alyansnı faşizmnen qıyaslap yarımadadaki ealisini qorquta edi. 2014 senesinden başlap rusiye akimiyeti, NATO’nı açıq sürette duşman adlap onı qorqutuvlarda qabaatlamağa başlağan. O vaqıttan beri RF, NATO RF sıñırlarına çıqa eken putinniñ propagandasını faal tarzda paylaşa”, - añlattı Bariyev. 

Daa şunı qayd etti ki, evelden Rusiye, “MAA” degenini Ukrainada Alyansnıñ arbiy bazalarınıñ yerleştirüvine izin bermemek içün başlağanını aytqan edi. Bugün ise - rusiye mediaları, Telegram-kanalları ve ekspertler cenkniñ maqsadı - NATO’ğa Rusiyeni yoq etmege keder etmesidir dep inandıralar. Ukraina, olarnıñ propagandalı serlevalarında subyekt olaraq çıqa. QRM idaresiniñ başı qayd etkeni kibi, böyle sahte malümatı, “MAA”na “muqaddes halq cenkniñ” alâmetlerni berip rusiyelilerge cenkleşmek içün sebebini aytmaq içün tarqatıla. 

Bariyevniñ sözlerine köre, “ukrain halqı, NATO siyasetiniñ qurbanı olğanı” aqqında tasdığını aynı bu yıl kütleviy tarzda paylaşmağa başladılar, çünki işğalcılar öz cinayetlerinde Alyansnı qabaatlap ukrainlerniñ qısmını cenkni NATO başlatqanında inandırmağa tırışalar. 

Rusiyeliler Qırım ve bütün Ukrainadaki sakinlerni ukrainlerniñ qurbanları boşuna olmağanlarında qandırıp olacaqlarında eminler, buna köre, ğarbiy ülkelerni qarıştırmayıp RF’nen barışıq muzakerelerni talap etip ülkeniñ idaresine basmaq kerek. Aynı zamanda Qırımnıñ işğal akimiyeti, yarımadanıñ sakinleri bu sahte malümatlarğa inanıp bunda Rusiyenen zapt etilgen başqa ukrain territoriyalardaki öz soy-soplarnı, dostlarnı qandıracaqlarına alâ daa inanalar. 

Menba: facebook.com/ctrcenter

Öz nevbette, Qırımtatar Resurs Merkeziniñ meneceri Sergey Parhomenko şunı qoştı ki, rusiye sahte malümatını muntazam sürette paylaşıp tarqatqan KHV arasında “RİA Haberler”niñ qırım bölgesini, “Komsomol kerçegi”, “Qırım 24” qayd etmek kerek. Daa Telegramdaki kanallarnı da: “Qırımnıñ haberleri”, “Qırım haberleri”, “Aqyar. Qırım. Haberleri”, “Aqyar haberleri” ve başqalarnı.

“Vaqtınca işğal etilgen Qırımnıñ KHV’da ve bütün Rusiyedeki medialarında NATO mevzusı, esas soylardan biri ola. Evelden Rusiye, o, “Ukrainanı Alyans bazalarınen tolı olğan territoriyasına çevirilüvi boyunca NATO planlarınıñ kerçekleştirilmesine” izin bermemek içün “MAA”nı başlamağa mecbur olğanı aqqında sahte malümatnı tarqata edi. Endi rusiye mediaları, Telegram-kanalları, ekspertler NATO’nıñ maqsadı - “Ukrainanıñ ellerinen bütün Rusiyeniñ yoq etmesidir” olğanını bildireler, - tarif etti Parhomenko. 

Daa şunı qayd etti ki, 2022 senesi arman ayından beri Ukraina, dava subyekti olıp, amma öz merağı adına degil, “tışqı ükümdarlarnıñ” meraqları adına cenkleşkeni aqqında iddiaları peyda olmağa başlağanlar. Aynı zamanda 2023 senesi qışta rusiye KHV, RF ordusı Ukrainanen cenkleşkenini qabul ettiler, amma sanki dersin NATO, ukrainlerniñ başlarını aylandırıp şimdi olarnıñ ellerinen bütün Rusiyeni yoq etmege tırışa dep añlattılar.