Bunıñ aqqında o Ukrain Radiosınıñ yayısında tarif etti. 

Faalnıñ fikirine köre, Öleksey Danilov tarafından yoneliş tutqan diñleyiciler - Qırımda bulunmağan Ukraina vatandaşlarıdır, çünki olar içün onıñ teklifleri pek inandırıcıdır. Amma Jumadilov şunı qayd etti ki, yarımadada qalıp “9 yıl devamında beklep Ukrain devletine sadıqlığını saqlağan” qırımlılarına da muracaat etmek kerek. 

“Devlet, öz qaytuvından soñ Qırımda semereli ve qabiliyetli olmaq kerekligini añlay”, - dedi siyasiy erbap. 

Arsen Jumadilov, bugün Ukraina, Qırımğa qaytqanda devletniñ ne yapması kerek olğanını añlağan manasında müim adımlarnı yapqanını qayd etken. 

“Bu pek güzel haber. Yani devlet, Qırımğa qaytqan soñ anda zayif olmağa onıñ aqqı olmağanını añlay. Devlet, qabiliyetli ve semereli olmaq, yarımadada devlet qararlarnı kerçekleştirmek içün Qırımda onıñ institutsiyaları aqıllı olmaq kerekligini añlay”, - dedi Jumadilov. 

Amma onıñ fikirine köre, bu yeterli degil, çünki yarımadada cemiyetniñ ayatı - tek devletniñ yapqanı aqqında degil, insanlarnıñ yapqanı, cemiyet ve onıñ institutsiyaları nenen yaşağanları aqqındadır. 

“Qırımnıñ kerçekten de çiçeklenmesini, anda yaşmağa ve öz arzularını kerçekleştirmege istegen iş adamlarınıñ kelecegini istegen olsaq, anda tek semereli devlet areket etken yeri degil, cemiyette olğan muabbetlik, inkişafnı peyda ettirgen avasınıñ yeri olmalı. O ise - onıñ üzerinde çalışmasını talap ettirgen daa qıyın saalarıdır”, - añlattı Arsen Jumadilov. 

Qırımtatar erbabı, ukrain devleti, qırım insanlarına dair muqayt ve diqqatlı olmaq kerekligine itibarını da celp etken. 

““Qırımnıñ deokupatsiyasınıñ 12 adımı”nı diqqatnen talil etsek, olar serbest etilgen yarımadasında idaresini tayin etip telükeli elementlerniñ tarafından özüni er bir telükesinden qorçalamaq içün devlet ne yapacağı aqqındalar. Devletniñ areket planı içün o, eyi bir planıdır”, - dep tüşüne ekspert. 

Amma erkek ilân etkeni kibi, böyle planını işğal etilgen Qırımnıñ sakinleri birazdan qabul etmezler belki, buna köre, Qırım yarımadadaki sakinlerinen uzlaşıp Ukraina akimiyeti olarnıñ meraqlarında çalışmağa planlaştırğanını añlatması pek müim. 

“Danilov efendinen yoneliş tutulğan diñleyiciler Qırımda bulunmağan Ukraina vatandaşaları olğanını añlayım. Olar içün bu fikirler pek inandırıcı kibi etileler, red etmesi içün bir şey yoq, bir qaç istisnadan ğayrı. Amma Qırımdaki insanlarnıñ közlerinen bunı oqusaq - men ise olarnen bağ tutmağa tırışam, olarnıñ aytqanları: “Deokupatsiyasından soñ mında qıtaiy Ukrainadan keleceklerden aqlarnıñ daa az miqdarınıñ saibi olğanlarını kibi bizni qabul etecekler dep doğrumı añlayım?”. Öyle olmaycağını añlatam, meselelerniñ episi, idare etilecek, daa elverişli qararlar berilecegini añlatam. Amma yuqarı memurlarınen yayınlandırılğan episini olar oqıp talil eteler, buna köre, mıqayt ve diqqatlı olmalımız”, - dedi Arsen Jumadilov. 

Qırım siyasetçisi, Qırımnıñ tedaviylevi, onıñ deokupatsiyasından daa qıyın olabilecegine de diqqatını celp etken. 

“Qırım, yançıq serbest etilgence, andaki ealisi, tek “detoksikatsiyasını” degil, biznen aynılaşuv degen derslerini keçer. Yani, 2014 senesinden beri Ukrainanıñ qıtaiy territoriyasında yaşağan, devlet ve cemiyet inkişafı manasında ayrı yolunı keçkenlerinen. Qırımdaki insanlarğa, olar biznen aynılaştırılğanlarını aytmamız lâzim. O, detsentralizatsiya, sağlıq qoruv, tasil saadaki ıslâyatı ne olğanını ve dicitalizatsiya nasıl çalışqanını aqqında haber alacaqlar. Şunı aytaq kerekmiz ki, cinayet yapmağan Qırımdaki vatandaşlarımıznıñ episi, biznen aynılaştırıla. O, tez yapılacaq, ve biz beraberlikte yañı güzel Ukrainanı ve Qırımnı quracağımız. 

Eger de biz tek cezalav ve er kes olır-olmaz şübelengen olğanı aqqında aytsaq, aksine cevabını alırmız. Qayd etmek isteyim ki, Qırım - adiy vilâyeti degil. Qırımnıñ deokupatsiyası, onıñ soñra tedaviylemesinden o qadar qıyın vazifesi degil”, - yekün çekti Arsen Jumadilov. 

Bizni Telegram'da oquñız