Suspilne Qırım, Cankoyda yerli demiryol stantsiyasınıñ bozuluvı ve yarımada territoriyasında duşman obyektleri boyunca USQ noqtaiy uruşlarınıñ aqiqkiy neticeleri aqqında tafsilâtlıca tarif etken “Prava sprava”nıñ başdaşı ve arbiy eksperti Dmitriy Snigerövnen muzakere etti.

Onıñ sözlerine köre, işğal etilgen Cankoyda yarımadadan keçip onı qıtaiy Ukrainanen bağlağan bütün demiryol yolları bağalanalar. Buna köre, Cankoydan demiryol areketiniñ er bir ciddiy bozuluvı, rusiye logistikasını pek zorlaştıra. 

Qırımda demiryol dallarnıñ haritası. Telegram/ Qırım ruzgârı

Em de, anda işğal arbiylerinen öz aviabazasına çevirilgen arbiy aerodromı bar. Bugünki kününe qadar, anda AAQ 4’ci kommandalığınıñ 27’ci qarıştırılğan aviatsiya diviziyasınıñ 39’cı helikopter polkı ve RF ordusınıñ Cenübiy arbiy bölgesiniñ AQM yerleştirile, bundan da ğayrı, rusiyeliler Herson ve Zaporijjâ vilâyetlerinde USQ mevamları boyunca uruşlarnı yapqan öz Mi-8, Mi-35M, Mi-28, Ka-52 helikopterlerni yerleştirdiler. 

“Canköy - “belli olmağan” UUA’niñ faaliyetiniñ kelecek kösterüvi içün “cazibeli” yapqan demiryol ve oñaytlı yol bağlamalarınen işğalcılarnıñ naqliyat teşkilâtıdır. Canköy - işğal etilgen Qırım territoriyasında rusiye işğalcılarnıñ esas arbiy bazasıdır. Aerodrom, Herson ve Zaporijjâ vilâyetlerniñ territoriyasında USQ mevamları boyunca uruşlarnı yapqan rusiye helikopter gruppası ve uçaqlarnıñ yerleştirüvi içün qullanmaqtadır. şunı da qayd etmek kerek ki, Canköy rayonında CK mağazlarnıñ büyük miqdarı yerleştirile, amma olarınñ saqlanuvı içün duşman, öz işletüvine yaraşmağan binasını qullana, ayrıca - yerli ealisi içün ciddiy telükelerni yaratqan domuz fermalarnı”, - dep añlattı Snigeröv.

Arbiy eksperti şunı qayd ete ki, duşmannen qıyaslasaq, USQ, tek işğalcınıñ arbiy infrastrukturası boyunca uruşlarnı yapa. 

“Rusiye işğal quvetlerine köre, mesken maaleleri boyunca kimse urmay. Cankoydaki arbiy infrastrukturası boyunca uruşlarnıñ yapılması, Qara deñizniñ territoriyasında amerikalı uçucısız uçağınıñ keçendeki yoq etüvinen tesadüfen bir kününe rastkelgenini qayd etmek kerek. O vaqıt er kes, AQŞ tarafından olabilgen ciddiy cevabı aqqında tüşüne edi. Doğru cevabını kimse beklemegeni aydın, çünki cevap olsa da, vastasız olacaq. Şimdi olayatqanı, işğal etilgen Qırımnıñ territoriyasındaki arbiy obyektleri boyunca uruşlarnı yapabilgen uçucısız uçaq aletlerniñ Ukrainağa alıp berilmesidir. Qırımdaki rusiye arbiy infrastrukturası boyunca uruşları USQ’nıñ qanuniy maqsatları olğanına dair AQŞ resmiy vekillerniñ arizalarnı hatırlamağa teklif etem. Bunen beraber, qıtay ya da amerikalı uçucısız uçaq aletine dair malümatnı red etmeymiz, çünki uruşnı özüne alğan tarafınıñ vazifesi olğanını qayd etmege isteyim. İşğalcılar şimdi tarif etmege tırışqanları - aqiqiy neticelerine uymay. Duşman arbiy infrastrukturasınıñ territoriyasında ekileme detonatsiyasını peyda ettirgen noqtaiy uruşı yapılğanını emin olıp atabilemiz”, - dedi Snigeröv. 

Şimdi işğal “memuriyetinde” çalışqan yerli qırım gaulâyoteri İgor İvin, şeerdeki patlavları “uçucısız uçağı” ile olğanını bildirdi. 

Demiryol, arbiy obyektleri ve RF ordusınıñ aleterine berilgen zararına dair malümatını tasdıq etmegen, amma ukrain tarafı, şahsiy evine urğanını ve bu sbepten yanında bulunğan “mal tükânı yanğanını” qayd etti. 

UUA’niñ uruş aqibetleri. Telegram\ Tipiçnıy Canköy

“Qırımnıñ başı” Sergey Aksönov ise - tek işğal etilgen Cankoynıñ rayonında “rusiye AQM işlegenine” diqqatını çekken. Ukrain UUA’niñ uruşları aqqında aytmağan edi, amma “evni ve tükânnı bozğan” “qalımtıları” aqqında aytqan. 

Öz nevbette Aksönovnıñ mesleatçısı Oleg Krüçkov, sanki dersin yoq etilgen UUA’niñ qalımtılarnıñ fotoresimlerni yayınlap yerli sakininiñ yaralınmasını qayd etken. 

“Elbet de, şimdi rusiyeliler kene de oqutuvlar ve AQM semereli işi aqqkında aytacaqlar, amma uruşnıñ aqibetleri, aynı duşmannıñ arbiy infrastrukturası boyunca noqtaiy uruşlarınıñ yapılması ilk deviri olğan Qırımnıñ ilerideki deokupatsiyasınıñ planlaştıruvınıñ neticeli tabiatını tasdıqlaylar. Ayrıca, UUA’niñ qullanuv ile. Qırımnı evelden tek diplomatik yolunen serbest etmege planlaştırğan olsalar, şimdi tek arbiy yoludır. 

Em de, uruşlarnıñ yapılması, Zaporijjâ yönelişinde vaziyetiniñ faaliyeştirilüvinen birge kelgen, ya aynen - rusiye işğalcılarnıñ mudafaa mevamlarını belli etmege maqsadını köz ögünde tutqan ücüm etici areketlerniñ keçirilüvinde USQ bölükleriniñ muvafaqiyetli tabiatınen”, - tarif etti Snigeröv. 

Ekspert, “mal tükânınıñ yanğınına” işğal “memuriyetiniñ” başqa memur şahısı cevap bergenine diqqatını celp etken, o ise - vaziyetniñ fevqulâde alı aqqında ayta. 

“Bugunki kününden beri Cankoyda fevqulâde vaziyeti kirsetilgen. Mal tükânınıñ yanuvı sebebinden işğal akimiyeti fevqulâde vaziyetini kirseticeginde şübelenem. Şeyer, şimdi yerli ealiniñ adres teşkerüvlerni keçirgen işğal küvetçilernen sarımğa alınğan”, - añlattı Dmitriy Snigeröv. 

Daa Qırımda duşman arbiy obyektlerinde böyle patlavları işğalcılarnı muayyen areketlerine, ya aynen - Qırım yarımadasını serbest etmege devam etken ukrain arbiyleriniñ qabiliyetini köstereler dep yekün çekti. 

Gece ücüminden soñ qalımtıları. Telegram\ Tipiçnıy Canköy

Bizni Telegram'da oquñız