Bunı faal, cemaat jurnalisti ve qırımtatar “Nefes” cemaat birliginiñ koordinatorı Elmaz Akim bildirdi. 

Onıñ sözlerine köre, qırımtatarca er yıllıq onlayn imlâsınıñ ötkerilüv ğayesi, milliy birliginiñ ukrain radiofiktantınıñ yazuvı vaqtında peyda oldı.

“Böyle tedbir içün teşkilâtçılarğa çoq minnetdarım. Bu diktantnı nevbetteki sefer yazğanda, böyle imlânı ana tilinde yazmağa ne qadar güzel olacağını tüşündim. Amma böyle rafio imlâsını kimse keçirmey edi. Buna köre, onı şahsen teşkil etip 2019 seneden itibaren er yıl keçiremiz. Bu yıl beşinci radio imlâsı olacaq”, - tarif etti faal. 

Canlı imlâsınıñ maqsadı - ayrı insannıñ bilgi seviyesini teşkirmesi degil, qırımtatar tiline destek olaraq umumiy milliy ve halqara birdemliginiñ yaratmasıdır. 

“Tedbir, 2019 senesi ilk qış aynıñ 18’den BMT Baş asambleyasınıñ 74/135 “Tamır halqlarınıñ aqları” qararı ile ilân etilgen Dünya tamır halqlar tilleriniñ halqara on yıllığınıñ maqsatlar ve vazifelerine uya. 

2022 senedeki evelki imlâsı, qırımtatar faaller, göñülliler, “Nefes” taqımınıñ azaları, Nariman Celâl, Asan Ahtem ve Aziz Ahtem siyasiy mabuslarına bağışlanğan edi”, - dedi Elmaz Akim. 

2021 senesi ilk küz ayında siyasiy sebeplerden sahtelengen davası boyunca tevqif etilgen Nariman Celâl, Asan Ahtem ve Aziz Ahtem siyasiy mabusları “Nefes” taqımınıñ göñüllileri ve azaları olğanlarını qayd etti. 

“Bugünki kününe qadar bu imlâ - qırımtatar tiline destek olaraq birdemlik tedbiri degil, siyasiy mabuslarımız aqqında  hatırlatmağa usulı da. Tek til destegi olaraq canlı imlâsını keçirecegimizge ümüt etem”, - qayd etti qırımtatar “Nefes” cemaat teşebbüsiniñ koordinatorı Akim. 

Teşkilâtçılar şunı qoşalar ki, imlâ yazuvında millet, bulunğan yeri ve qırımtatar tiliniñ bilgi seviyesine baqmadan  er istegen insan iştirak etebile. 

Em de, hatalar yapmağan ya da imlânı olarnıñ eñ az miqdarınen yazğanları arasında milliy qırımtatar üslübinde bahşışlar berilecekler.

“Diktant iştirakçılarnıñ coğrafiyası, yıl yıldan arta. Elbet de, iştirakçılarnıñ çoqusı Qırımdandır, amma Lviv, Kiyev, Ades, Herson, Türkiye, Kanada, AQŞ’dan da yazalar. Yıl yıldan iştirakçılarnıñ miqdarı artqanı pek quvandıra”, - dep qoştı Elmaz Akim. 

Qırımtatarca canlı imlâsı, uvut aynıñ 21 saat 17:30 (Kiyev vaqtı boyunca) “Nefes”niñ Facebook saifesinde ve qırımtatar ATR tekekanalınıñ YouTube kanalındaki canlı yayınlarında ötkerilecek. 

Er yıllı imlâsı içün metini, bu yıl işğal etilgen Qırımdaki taqiqat tevqifhanesinde jurnalist, siyasetçi, faal, qırımtatar halqnıñ Meclisiniñ baş muavini ve siyasiy mabusı Nariman Celâlnen yazılğan edi. 

Bizni Telegram’da oquñız