Advokat Semedlâyev keç kelgeni ve tedbirlerniñ başlanuvına keç qalğanı sebebinden onı kirsetmediler. Bundan da ğayrı, işğaşcılar onı ve başqa insanlarnı araba qapıdan gizliden baqmayıp 15 metr mesafege keçmege mecbur ettiler. 

“Araba qapına kelip özüni tanıştırdım, kimligimni köstergen vesiqanı kösterdim, lâkin Kozuşnıy şahısında EQM hadimleri tahqiqiy tedbirler endi keçeler ve sizni kirsetip olamamız dep ayttılar”, - tarif etti advokat Edem Semedlâyev. 

“Böyle mantığına köre, bütün tahqiqiy tedbirlerine yetiştirmek içün imayem astında olğanlarımnen gece-kündüz bulunmaq keregim”, - tefsir ete advokat.

Edem Dudakovnıñ evinde qanunsız tintüvi eki saat sürgen edi. İşğalcılar onı Kiyev işğal rayon makemesinen evelden alınğan qararına köre keçire ediler. 

“Saat 09:37 tahqiqiy areketi bitirilgen edi, Edem Dudakov ise - işdeşlerimniñ bulunğan İİN rayon bölüginiñ binası yanında polisniñ rayon bölügine yolladılar”, - dedi advokat Emine Avamileva. 

Baquv protokolına köre, “E” merkeziniñ hadimleri 19 şeyni musadere ettiler - Edem Dudakov ve onıñ ailesiniñ cep telefonları, planşet, bir qaç fleş afızasını. Advokat ilân etkeni kibi, polis hadimleriniñ talabına köre, olarnen istegen er şeyi berilgen edi. 

“Tintüv içün esası, 2017 senesi belli olmağan qullanıvınıñ yazısı astında Edem Dudakovnıñ ekstremist tefsiri oldı”, - tarif etti Emine Avamileva.

Advokat Edem Semedlâyevniñ sözlerine köre, faali Edem Dudakovnı Bağçasaray şeerdeki işğal polis bölügine alıp ketirdiler. Anda o, memuriy tarzda tutıp alınğanları içün kamerasında buluna. 

“Onı milliyara duşmanlıqnıñ doğuruvında qabaatlaylar eken. O, Memuriy qanun bozuluvı aqqında kodeksindeki 20.3.1 maddesinde esapqa alınğan. 2017 senesi milliyara duşmanlığını doğurtqan tefsirini yapqan eken. Ve bu tefsir, bugünki kününe qadar bar, buna köre, onı sürgen qanun bozuluvı dep sayalar”, - bildirdi advokat Edem Semedlâyev.

Edem Dudakovnıñ qanunsız tintüv ve tutıp aluvını qırımtatar halqnıñ Meclis başı Refat Çubarov da mahküm etti. 

“Qırımtatarlarnı ileride de qorqutmaq içün sebebidir. Olar, mahkemeler ögüne meydanlarğa çıqmasınlar ve Qırım işğalini qabul etsinler dep. Qabul etmege istemeseñiz”, - qayd etti qırımtatar halqnıñ lideri. 

Ukraina tışqı işler nazir muavini Emine Cepparnıñ sözlerine köre, Ukraina TİN, bu aqiqatı sebebinden halqara ortaqlarına, ayrıca “Qırım platformasınıñ” çerçivelerinde bağlayıcılarnıñ ağından Rusiyege dair basqısını quvetleştiemek maqsadınen Dudakovnıñ evinde tintüv tafsilâtları aqqında bildireler.  

Qırımda rusiye ükümetiniñ böyle kibi areketler “muntazam ve tendentsioz” olğanını dep qoştı. 

“Edem Dudakovnıñ evinde tintüvlerine baqıp körgenimiz, ilk yıl tekrarlamağan ve qatiy vazifelerni taşığan muntazam ve tendentsioz şeyleri olalar. İlk vazifesi - faal mevamlı olğan insanlarnıñ taqip etilmesi ola. Ekincisi ise - başqalarnı qorqu ile toqtatmaqtır. Üçünci vazifesi - er bir narazılığınıñ yoq etilmesidir”, - haber etti Ceppar. 

Şimdi belli olğanı kibi, Edem Dudakovnı memuriy protokolına köre 10 künge tevqif ettiler. 

Bizni Telegram’da oquñız