Bunıñ aqqında Birleşken quvetlerniñ ameliyat ştabında haber ettiler. 

“Ayrı bir tsinizmnen rusiye işğal arbiyleri Lugansktaki Stanitsa Luganska mesken yerine ateş açtılar”, - ilân ettiler BQA’da. 

Ağır top atışnıñ neticesinde mermiler bala bağçasınıñ binasına oğradılar. Üç insan zarar körip kontuziyanı alğanlar.

Ukraina prezidenti Vladimir Zelenskiy, bala bağçasınıñ atış etüvini tefsir etti. Bunı “büyük qızıştıruvı” dep adladı. 

“Rusiye quvetlerinen Stanitsa Luganskayadaki bala bağçasına ateş açuvı - büyük bir qızıştıruvıdır”, - ilân etti prezident. 

Zelenskiyniñ sözlerine köre, Ukrainada diplomatlar ve OSCE’niñ qalması müim. Olarnıñ közetici faaliyeti, “tutuvınıñ ilâve amili” ola. 

“Şimal” operativ-taktik zümreleşmesi, Facebook içtimaiy ağında işğalcılarnıñ ücümi sebebinden bala bağçasınıñ üç hadimi zarar kördi - eki qadın ve erkek kontuziyalaştırılğanlar. Balalar, çoq şükür, zarar körmediler. Daa mesken yerniñ qısmı, elektriksiz qalğan. 

Qayd etilgeni kibi, atış etüvinden soñ işğalcılar sahte malümatnı paylaşmağa başladılar. 

“Ve bunda duşmannıñ qızıştıruvları bitmey. LVAR KHV, ayrıca “Svodki opolçeniya” degen Telegram-kanalları işğalcılarnen viran etilgen bala bağçasınıñ fotoresimlerni ve videolarnı paylaşıp Ukraina silâlı quvetlerniñ tarafına sahte qabaatlavlarını qoştılar”, - denilgen beyanatta. 

Ukraina tışqı işler naziri Dmitriy Kuleba, halqara ortaqlarnı rusiye işğalcılarnen Stanitsa Luganskayanıñ atış etüvini mahküm etmege çağıra.  

Bunıñ aqqında Ukraina TİN başı Twitter’de bildirdi. 

“İşğal etilgen Donbassnıñ territoriyasından ağır silâsı ile  Stanitsa Luganska ukrain köyü atış etilgen. Grajdan astyapı zarar körgen. Ortaqlarımıznı Rusiye tarafından Minsk añlaşmalarnıñ bu ciddiy bozuluvını deral mahküm etmege çağıramız”, - qayd etti Kuleba. 

Böyleliknen, DLVAR’dan propagandacılar ağda ukrain arbiylerinen bala bağçasına ateş açuvı aqqında malümatnı paylaşalar ve oña cenkâverlernen Stanitsada atışqa oğrağan bala bağçasınıñ fotoresimini qoşalar. 

Evelden  haber etilgeni kibi, “LHC halq polisi”, Ukraina silâlı quvetlerni Lugansk vilâyetinde cenkâver sızığında vaziyetniñ ciddiy kerginleşüvinde qabaatladı. Sabadan cenkâverlerniñ vekili Yan Leşenko, videomuracaatını yazğan, onıñ işinde USQ, “davanıñ kerginleşüv ıntıluvlarnı yapqanlarını” ilân etti. 

Ayrıca, cenkâver, USQ 57 AMB’nı işğalcılarğa tabi olğan Sokolniki meslen yerniñ atış etüvinde qabaatladılar. 

Cenkâverlerniñ 79 AMB vekili, Veselenske meslen yerinden minaatıcılarından atışlarında, 24 AMB ayrı terkibini ise - Zolote-5 işğal mesken yerniñ atış etüvinde qabaatladı. 

Daa “DHC” qanunsız silâlı şekilleriniñ vekilleri “DHC” işğalcılarına tabi olğan mesken yerlerinden ağır minaatıcılarından atışlar aqqında bildirdiler.  

Ukrain arbiyleri vatandaşlarnı teşkerilmegen menbalardan malümatqa inanmamağa ve USQ cebede qanunberici ve ahlâqiy esaslarında esaslanğanını hatırlamağa çağıralar. 

Ukraina prezidenti Vladimir Zelenskiy, Ukrainağa rusiye ücüminiñ havfı aqqında beyanatlarnıñ zemininde Vladimir Putinnen bağlanuvı içün RF prezidentiniñ memuriyetine resmiy talabını bergeni aqqında jurnalistlerni bildirdi. Onıñ sözlerine köre, “Ukrainanı cevapsız qaldırmaylar”, lâkin bu cevap, eki prezidentiniñ körüşüvine alıp ketirmez. 

Öz nevbette Dmitriy Peskov, böyle talaplar RF prezidentiniñ memuriyetine kerçekten de kele ediler, lâkin körüşüvniñ maqsadı aqqında cevabını Kiyev bermegenini de qayd etti. 

Em de, Moskva, körüşüv olunabile dep bir qaç sefer ilân etken edi, amma onıñ içinde Donbass ve Qıırmnen bağlı olmağan Ukraina ve RF ekitaraflama munasebetlerniñ meseleleri müzakere etilelecek. 

Mudafaa nazirligindeki istihbaratınıñ Baş idaresiniñ maruzasına köre, Rusiyeniñ aqiqiy çeküvini qayd etmediler.

Bunıñ aqqında mudafaa naziri Aleksey Reznikov, RBK-Ukraina intervyüsinde bildirdi. 

“Büyük olmağan bölükler köz boyama içün çekileler, amma o, total ya da arbiylerniñ ciddiy çeküvi oluna dep öyle bir şey yoq. Ve mında o, arbiylerniñ çeküv aqiqatı yoq AQŞ tünevinki bildirüvlerinen bir kele”, - ilân etti Mudafaa nazirligi. 

“Aqiqiy davası” grajdan teşebbüsiniñ reisdeşi Dmitriy Snigeröv, İçtimaiy Qırımğa Ukraina sıñırından rusiye arbiyleriniñ çeküvi - ğarbiy ortaqlarını sakinleştirmege adiy bir usulıdır. 

“O, RF tarafından olabilgen ücüm kününi bildirgen  bağlayıcı ortaqlarımız -  Büyük Britaniya ve AQŞ’nıñ subyektliginiñ tüşürüv oyunıdır. Rusiyeniñ niyeti ise - bu malümat, aqiqatqa uymağanı ve malümat-ruhiy cenkniñ elementini taşığanını köstermesi içün edi”, - tarif etti ekspert. 

Daa şunı qoştı ki, uvut aynıñ 16 Ukrainada Birleşüv künü ola, adamlarnıñ bayram keyfiyeti bar, uvut aynıñ 17 ise işğal etilgen territoriyalarında kerginleşüvi oluna. 

“Haberlerde yayınlandırılğan ola bilgen er stsenariyi red etilgen. Atışlar RF’nıñ Donbasstaki halqnıñ “genotsıdı” zemininde olunğanlarını diqqatqa almaq kerek. O, ayrı bir millet sanki olğanı aqqında malümat sebebini yaratıp ve USQ’ni grajdan ealine qarşı cinayetlerde qabaatlamağa fırsatını bereler”, - qayd etti Snigeröv. 

Arbiy ekspert qayd etkeni kibi, Ğarp, Rusiye Federatsıyasınıñ territoriyalarından ücümi aqqında aytqan edi, kerginleşüv ise - Ukrainanıñ şarqında oluna. 

“Şimdi halqara cemiyeti, Zelenskiyni “Ştanmayer formulasınıñ” olabilgen qullanıvına dair qarar almağa faal sürette mecbur ete. Kerginleşüv, Şolts, Makron ve munasebetlerni diplomatik yolunen  çezmege tırışqan başqalarnıñ ziyaretleri zemininde oluna, amma Moskva, diplomatik munasebetleri tek Putinniñ qaideleri qabul etilgende eda etilecekleri aqqında Ğarp ülkelerine qatiy signalını bere”, - dedi Dmitriy Snigeröv. 

Şimdi malümat ve telâş kerginligi olunğanına diqqat çekti. Ekspert qayd etkeni kibi, iç bir ücüm olmaycaq, çünki amerikalı ve britaniyalı KHV bildirüvlerinden iç biri tasdıq etilmegen. 

Aynı zamanda Britaniyalı istihbaratı, RF’nıñ Ukraina sıñırlarına ilâve zırhlı tehmikası, vertolötlar ve köçüci hastahanesiniñ çeküvi aqqında bildire. AQŞ sıñırğa rusiye askerlerniñ daa yedi biñ danesiniñ çeküvi aqqında bildireler. 

Ukraina sıñ ırlarından arbiylerniñ çeküvi aqqında Rusiyeniñ bildirüvlerine baqmadan, RF, vilâyette arbiy quvetini arttırmağa başlay.

Bunı cumaaqşamı künü, uvut aynıñ 17,  AQŞ Beyaz evinde ve Büyük Britaniyanıñ arbiy istihbaratında bildirdiler. 

“Rusiye, Ukraina sıñırlarından öz arbiylerini çekkeni aqqında iç bir isbatını körmedik”, - alıntıla britaniya arbiy istihbaratınıñ başı Cim Gokenhalnı Reuters agentligi. 

Onıñ malümatlatına köre, aksine, Ukraina tarafına ilâve zırhlı tehnika ve vertolötlar areket eteler, köçüci hastahanesi de kötülgen edi. 

“Ukrainağa ücüm yapmaq içün Rusiyeniñ arbiy şiddetleri bar”, - qayd etti o. 

Bizni Telegram’da oquñız