Uvut aynıñ 16 Yesipenkonı umumiy rejimli cezahanesinde altı yılğa azatlıqtan marum etüvine ve 110 biñ ruble miqdarında cöreme ödemesine mahküm ettiler.

Jurnalist, Aqmescitten Aluştağa şevçenko tedbirinden qaytqanda tutıp alınğan edi. Rusiye mahsus hızmetleri ilân etkenleri kibi, “ukrain casusını” tutıp aldılar. Yesipenko, özüne qarşı itiraflarnı işkenceler ve beden tecavuzı qorqutıvlarından soñ imzalağanını haber etip oldı. 

Yesipenkonıñ sözlerine köre, davanıñ bağlayıcı “delili” şusı ki, granatanı onıñ maşnasına FTH hadimleri alıp qoydılar.

Yesipenko üzerinde “makemesi”, 2021 senesi oraq ayında başlanğan. Prokuror neticesiniñ soñki variantında Yesipenkonı granatanıñ qanunsız işlep çıqaruvında ve avtomobilde taşuvında qabaatladılar. 

Ukrain ombudsmeni Lüdmila Denisova, ilân etilgen qabaatlavlarını uydurılğan ve siyasiy sebeplerden açılğan, cinaiy davasını ise - sahtelengen dep adlap, Aqmescitteki makemesiniñ böyle qararını mahküm etti. 

“Vladislav Yesipenkonıñ ükmü, mustaqil jurnalistlerniñ qorqutuv, vaqtınca işğal etilgen Qırımda fikir etüv serbestliginiñ bozuluv ve işğalcı ülkesinen ukrain vatandaşlarnıñ basqılar ve taqip etüv siyasetiniñ misali ola”, - denile beyanatta. 

O, halqara cemiyetiniñ diqqatını tecavuzcı ülkesinen siyasiy seveplerden ukrain vatandaşlarnıñ aqlarınıñ muntazamiy bozuluvlarına celp etti. 

Menba: Katerina Yesipenko

Jurnalist ve uquq qoruyıcı Mariya Tomak ilân etleni kibi, Qırım Muhtar Cumhuriyetinde Ukraina prezidentiniñ temsilciligi de Vladislav Yesipenkonıñ qanunsız ükmüne dair şahsiy arizanı azırlay. 

“Biz, Qırım Muhtar Cumhuriyetinde Ukraina prezidentiniñ temsilciligimiz ve “Qırım platformasınıñ” ofisi olaraq bu aqta şahsiy arizamıznı azırlaymız. Vladislav Yesipenkonıñ tutuvından soñ oña dair içkenceler qullanılğam edi, olar ise - Qırımdaki işğal akimiyetiniñ adetine köre, baqılmağan ediler, buna köre, şimdi olıp keçkeni aqqında laf etmek pek müim.

O, siyasiy meselesi olğanını er kes añlay, amma grajdan faaliyetiniñ şahsiy tecribime köre, faş etilüvi - çalışqan soylarından biri olğanını aytabilem. Bir anlik effekti olaraq degil, uzun müddetli istiqbalde çalışqan soyu olaraq. Siyasiy sebeplerden açılğan davalarnıñ çoqusı - sprint degil, marafonıdır. Bu davalarda diqqatnı ne qadar çoq tutmağa olabilgeni müim, çünki bu şahıslarnıñ azat etilmesi içün fırsatlar peyda ettirfem ani ola”, - tarif etti İçtimaiy Qırım içün uquq qoruyıcı Mariya Tomak. 

Jurnalist şunı qoştı ki, Ukrainanen milliy seviyesinde amelge keçirilgeni eñ müim şeyleri ola. Ukraina Yuqarı şurasınen “Ukrainağa qarşı silâlı tecavuznıñ neticesinde şahsiy serbestlikten marum etüv aqiqatı tesbit etilgen şahıslarnıñ uquqiy ve içtimaiy imayesi aqqında” qabul etilgen qanunı aqqında hatırlattı. 

“Devlet, öz vatandaşlarnı kerçekten de beslegeni aqqında ondan aqiqiy signalları ola”, - qayd etti Mariya Tomak. 

Tışqı işler nazirligi, Yesipenkoğa çıqarılğan ükümi sebebinden narazılıq bildirdi. 

““Makeme” qararı, red etilmek, Vladislav Yesipenko ve RF’nen qanunsuz tarzda tevqif etilgen Ukraina vatandaşları ise - deral serbest etilmek kerekler”, - denile TİN arizasında. 

İdare, halqara cemiyetini Rusiye areketlerini mahküm etmege, onen Ukrainanıñ işğal etilgen territoriyalarında halqara aqnıñ qaideleriniñ toqtatmasını talap etmege ve “Qırım platformasınıñ” çerçivelerinde faal işdeşligini devam etmege çağırdı. 

Vladislav Yesipenkonıñ advokatı Dmitriy Dinze, em o, em de onıñ imayesi astında olğanı, 6 yılğa apis cezasını nasıl qabul etkenleri aqqında tarif etti. 

“Vladislav, añlağanım kibi, azatlıqtan marum etüvini sakin qabul ete. İmaye tarafı, bu ükümni menfiy tarzda qabul ete.

Üküm, operativ-tahqiqiy faaliyetiniñ keçirüvi vaqtında olğan çoq sayılı bozuluvlarında esaslanğan. Bütün tahqiqiy areketler bozuluvlarnen keçirile ediler. Bunı qayd ettik, amma makeme  bunı diqqatqa almağan. Rusiye boyunca böyle ükümlerge baqsaq, insanlarnı şartlı olaraq tevqif eteler. Ayrıca, insan evelden mahküm etilmegen olsa ve onıñ sayılı müsbet tasvirleri olsa”, - tarif etti advokat. 

Dmitriy Dinze qayd etkeni kibi, şimdi olar istinaf basamağını keçmek kerekler ve bundan soñ olar insan aqları avropa makemesine ketip olırlar. 

“İstinaf makemesiniñ yapabilecek tek şeyi - Yesipenkoğa Ukrainağa çıqıp ketmege yardım etecek olğan ükümniñ deñiştirüvidir”, - dedi o. 

Daa advokat, Vladislav Yesipenkonıñ alınen paylaşıp jurnalistniñ ruhiy sağlığı bütünle ğayıp etilgenini qayd etti. 

“Tahqiqatçı ve operativ hadimlerniñ tarafından basqısı bir qaç sefer oluma edi. O pek qorqa edi, çünki olar oña cezahanege kele ediler. Oña 11 yıl berecekler dep onı qorquta ediler. Operativ hadimleri onı büyük programması boyunca mahküm etsinler dep rica etkenlerini tüşünem”, - yekün çekti Dmitriy Dinze. 

Menba: Katerina Yesipenko

Jurnalist ve uquq qoruyıcı Anton Naumlük qayd etkeni kibi, Vladislav Yesipenkonıñ davasınıñ malümatlarnı, makemede kim şaatlıq etkeni ve oña qarşı nasıl deliller alıp ketirilgenlerini tafsilâtlıca bilgenini qayd etti. 

“Bu ceryandan soñ Yesipenkonıñ granatası kerçekten de olğanına dair makemeciniñ iç bir delili olmağanı aqqında emin olıp aytmaq mümkün. Delillerni kimse taqdim etmegen edi”, - qayd etti Naumlük. 

Uquq qoruyıcılar Rusiye akimiyetini işğalnen razı olmaması içün qırımlılarnıñ taqip etüvlerni toqtatmağa , halqara teşkilâtlarnı ve demokratik devletlerniñ ükümetlerni ise - işğal etilgen Qırımda faaller ve jurnalistlerniñ siyasiy taqip etüvlerine dair RF areketlerini mahküm etmege ve rusiye akimiyetine basqını quvetleştirmege, Ukraina prezidenti, Yuqarı Şurası, Ukraina tışqı işler nazirligi, QMC ve Aqyar şeeriniñ prokuraturasını - Vladislav Yesipenkonıñ taqip etüvi ve azatlıqtan qanunsız marum etüv aqiqatlarnıñ semereli tahqiq etüvini temin etmege çağırdılar.

“Uquq qoruyıcılar Vladislav Yesipenkonıñ taqip etüviniñ aqiqiy sebebi, Qırımda rusiye işğal akimiyetnen insan aqlarnıñ bozuluvlarını köstergen Qırım.Aqiqat leyhasınıñ Azatlıq Radiosınıñ frilanseri, ştattan tış olğan hadimi olaraq onıñ jurnalist faaliyeti ola. Biz, uquq qoruyıcı teşkilâtlarnıñ vekillerimiz, vaqtınca işğal etilgen Qırımda Vladislav Yesipenkonıñ grajdan mevamı ve jurnalist işi sebebinden onıñ tevqifini mahküm etemiz”, - denile arizada. 

Onı halqara PEN-klubnıñ ukrain aracısı, Qırım uquq qoruyıcı gruppası, ZMİNA insan aqlar merkezi, Grajdan serbestlikler merkezi, Ukraina jurnalistlerniñ milliy birleşmesi, insan aqları boyunca Ukrain Helsin birleşmesi ve başqa uquq qoruyıcı teşkilâtlar imzaladılar.

Bizni Telegram’da oquñız