Qararnıñ qabul etüvi içün sessiya zalında resmiyleştirilgen halq deputatnıñ 369’dan 331 rey berdi. 

Vesiqanıñ metinine köre, Yuqarı Şurası, öz özüni ilân etken “Lugansk halq cumhuriyetiniñ” ve “Donetsk halq cumhuriyetiniñ” mustaqiligini tanımağa Rusiyeniñ er bir ıntıluvlarını qatiy tarzda mahküm ete. Böyleliknen, ukrain parlamenti, halqara cemiyetini bu şekillendirüvlerine ait olacaq RF olabilgen qararlarını tanımamağa çağıra. 

Endi bir saat soñra Rusiye devlet duması, prezident Vladimir Putinni öz özüni ilân etken DHC ve LHC’ni tanımağa rica etti. 

Devlet dumasınıñ 351 deputatı, Rusiye prezidenti Vladimir Putinge muracaatı aqqında “Donetsk Halq Cumhuriyetiniñ ve Lugansk Halq Cumhuriyetiniñ tanımağa kerekligi aqqında” qararını qabul etti. 

“Rusiye Federatsıyasıdaki Federal toplavlarnıñ devlet duması, Rusiye Federatsıyasınen Donetsk Halq Cumhuriyetiniñ ve Lugansk Halq Cumhuriyetiniñ mustaqil soyları kibi tanıması aqqında ve telükesizlik meselesinen beraber işdeşlik ve umumiy yardımınıñ bütün ceetleriniñ idare etilmesini temin etken halqara munasebetlerniñ uquqiy esasınıñ yaratuv maqsadınen Donetsk Halq Cumhuriyetiniñ ve Lugansk Halq Cumhuriyetiniñ idaresinen müzakerelerniñ eñ tez vaqıtta keçirilmesi aqqında meselesini baqmağa ricasınen sizge muracaat ete, sayğılı Vladimir Vladimiroviç”, - denile muracaatta. 

Rusiye devlet dumasınıñ deputatı Vâçeslav Makarov (“Yekâne Rusiye”) ilân etkeni kibi, DLVAR’da rusiye pasportşarnıñ 773 danesi alıp berilgen. 

“Donetsk ve Lugansk halq cumhuriyetlerinde endi ittifaqdaşlarımıznıñ 773 biñ soyu bar ve Rusiye olarnı imaye etmek kerek”, - dedi Makarov. 

Endi Duma deputatları öz özüni ilân etken “Donetsk ve Lugansk cumhuriyetlerniñ” tanımasını “esaslı ve ahlâq ceetinde doğru” dep sayalar.

“Keçken yıllar içinde  halq isteginiñ esasında cumhuriyetlerde demokratik organları ve qanuniy akimiyetiniñ bütün sıfatlarınen devletleri qurılğan ediler”, - denile Putinge muracaatında.

Olarnıñ tanıması, TG parlamenti tüşüngeni kibi, tışqı telükelerinden ealiniñ imaye etilmesini ve telükesizlik kefaletlerni talap etmege ve “cumhuriyet sakinlerine dair genotsid siyasetiniñ amelge keçirilmesi” ve “eki devletniñ halqara tanuv ceryanını başlamağa” izin berer. 

Böyle qararı ile Devlet duması, Rusiye Federatsıyası tarafından şantaj siyasetini ve siyasiy uzlaşuvlarına Kiyevge taşaplarını devam etti. 

“Devlet duması, Putinniñ Ukrainağa qarşı ilerideki areketleri içün oña patronlarnı alıp ketirdi”, - tefsir etti halq deputatı İvanna Klimpuş-Tsıntsadze.

Ukrain tarafı ilân etkeni kibi, Rusiye “LDHC” tanısa, o, Minsk añlaşmalarından onıñ çıqacağını añlatacaq. 

Bunı tışqı işler naziri Dmitriy Kuleba brifing vaqtında qayd etti. Bu mevamnı Ukraina öz ittifaqdaşlarına bir qaç sefer añlatqan edi. 

“Rusiye dumasınen “LDHC” olabilgen tanımasına dair. Ukrainanıñ deñişmez mevamını daa bir kere hatırlatmağa isteyim: tanıması aqqında qararnıñ qabul etüv alda Rusiye, olabilgen er aqibetlernen  Minsk añlaşmalarından aqiqiqy ve uquqiy tarzda çıqar. Bu mevam aqqında ortaqlarımıznı tenbiledik”, - dedi Kuleba. 

Ukrain TİN vekili Oleg Nikolenko ilân etkeni kibi, “L/DHC” tanuvınıñ iç bir uquqiy aqibetlerine ketirmez. 

“Rusiye, Lugansk ve Donetsk vilâyetleriniñ vaqtınca işğal etilgen territoriyalarında rusiye işğal memuriyetini ”mustaqillik subyektleri” olaraq kösterip ve Donbassta silâlı davasınıñ tarafdarı olaraq öz iştirağını gizlep olamaz”, - dedi o. 

Nikolenko daa şunı qoştı ki, RF devlet dumasınıñ qararına Rusiye prezidentiniñ qol tutuvı, halqara intizamı ve telükesizliginiñ teren mimarcılığı içün daa büyük viran etici aqibetlerine alıp ketirecek.

“Rusiyeniñ seçüvi bar: ya zayıflaştırıv ve diplomatik yolu ile ketmek, ya da  halqara cemiyetiniñ birleştirgen qatiy cevabını özünde is etmek”, - qayd etti Oleg Nikolenko. 

Devlet dumasınıñ rey berüviniñ arfesinde prezident ofisiniñ baş mesleatçısı Mihail Podolâk da ilân etkeni kibi, “L/DHC” tanıması aqqında er bir qararı Minsk añlaşmalarından Rusiyeniñ red etüv manasına kelecek. 

“Elbet de, Minsk añlaşmalarından Rusiyeniñ çıquvı ve işğal terkipleriniñ faydasına siyasiy-uquqiy adımları deral qıymet kesüvini ve demokratik cemiyetiniñ cevabını almalılar. Rusiye Devlet dumasınen belli etilgen Normand formattaki iştirakçısına kibi nemse tarafına ürmetsizligi de bunı köstere. Bu qararnı, kantsler Şolts Moskvada bulunğan vaqıtta aldılar. Moskvada Avropadaki vaziyetini tek qıyınlaştırğan kerginleşüvini  yapqanlarına tek pişman olmaq mümkün”, - dedi o. 

Onıñ fikrine köre, “DLVAR’da işğal terkiplerniñ tanımasına dair Rusiyede meseleniñ peyda oluvı, Mins añlaşmalarnıñ yoq etüvine adımı ola”. 

“Rusiye, Minsk añlaşmalarından aqiqaten ve uquqiy tarzda çıqmağa qarar bergen olsa, Donbassta cenkniñ toqtatuvı boyunca müzakere ceryanında ciddiy ilerileviniñ yoq etüvi içün aynı rusiye tarafı mesüliyetli olğanını daa bir kere tasdıqlay”, - ilân etti prezident ofisiniñ baş mesleatçısı Mihail Podolâk.

Bizni Telegram’da oquñız