Uquq qoruyıcılarnıñ sevgi ikâyesi

Альона Савіна, Присяжнюк Владислава
·
18:06, 14 Kiçikay
Uquq qoruyıcılarnıñ sevgi ikâyesi
Foto menbası: Ольга Скрипник

İlk sefer 2011 senesi Moskvada seminar vaqtında körüştiler. O - Osetiyadan uquq qoruyıcısı, 2004 senesi ilk küz aynıñ 1 Beslan mektebinde terraktan zarar körgenlerniñ komitetiniñ koordinatorı edi. O, Yaltada yaşay edi, “Almenda” grajdan maarif merkezini idare etken edi. Vissarion, Olgağa tanışuvdan bir afta soñra uçaqnıñ uçuvından bir qaç daqqadan evel evlenüv teklifini etken.

“Romantik körüşüvler kibi bir şey olmağan edi, çünki biz başqa insanlarnıñ kompaniyasında edik. Sabadan ise - meni Aqmescitke ava şimanına ozğara edi ve menim içün o pek beklenmegen edi, çünki ava limanında sağlıqlaşqañımız vaqtında maña evlenüv teklifini etken. Men yançıq üniversitetimni bitirdim. Men içün kereginden ziyade edi ve öyle yaşında adam, pek külkünçli edi, o vaqıt men içün inanılmaz bir şey kibi körüne edi”, - tarif etti uquq qoruyıcı Olga Skripnik. 

Etraftaki adamlar Vissarionnen olarnıñ munasebetlerine nasıl cevap bergenlerini tebessümnen hatırlay. 

“O, pek stereotip edi, meni er kes müzakere etkeni belli edi. Anam da Yaltada çalışa edi ve Vissarionnen munasebetlerim aqqında aytmağan adam qalmadı. Anam, umumen, ayatımda er şeyine dayanğanı içün sağ olsun. Çünki özüne has olğan erkek ayatımda peyda oka, anam bir şey aytmağan edi, maña qol tuta edi, çünki ep aytqanı kibi - eñ esası, balalar bahtlı olsunlar ve onıñ içün o tek sözler olmağan edi, onıñ içinden yaşağanı ola”, - qayd etti Skripnik. 

2014 senesi yazda Kiyevdeki GAAQ’larnıñ birinde evlendi. Fotoresimlerniñ birinde toy anterinde kelin vışıvankada aqayınen beraber Kiyevde RF elçiligi yanında ukrain bayrağını açtılar.


Menba: Olga Skripnik

“Toyumız bam-başqa, 2014 senesi planlaştırılğan soyundan farqlana. Pek külkünçli edi, çünki Vissarion vışıvankada kire, nikâhnıñ resmiyleştirüvi içün vesiqalarnı alıp bermek kerek. Bizni resmiyleştirmek kerek olğan GAAQ hadimi, bu pasportnı ala, ya o rusiye pasportı ola, o vışıvankada ve yüzü rusiye soyuna oşamay. Ve o külkünçli edi, buna baqıp şaşıp qaldı, amma hoşuna ketti. İnsan seçüv yapqanını añlay. Resmiyleştirüv ande yüzü açıla edi, bizden daa çoq quvana edi sanki. Vissarion ukrain tilini yahşı añlamay edi, suallerni qoyğanlarda masıl cevap bermek kerek olğanını qarane etken edim. Ve öyle körüne edi ki, “Olga Skripnikni ömür arqadaşı olaraq almağa azırsıñızmı?” dep sorğanda men oña - “azırım”, o ise - “azırım”, çünki ne aytqanını añlamay edi”, - qayd etti qanun qoruyıcı. 

Şimdi ömür arqadaşlar üç yaşında olğan qızını östüre. Olga, analıq ve uquq qoruyıcınıñ işini nasıl birleştirmek mümkün olğanınen paylaşa.

“Balanıñ doğuvından soñ munasebetlerimiz nasıl olmağa başlağanı - bir birimizge nasıl munasebette olğanımıznıñ tabiiy devamıdır. Aqayım menden  daa çoq feminist ola dep şaqa etem. Kendimden maña daa çoq işana. İlerige areket etmege o qadar çoq fırsat bere ki, analıq aqqında laf etkenimiz vaqıtta özüne alabilecek olğan er şeyni alğan. Doğuruvdan soñ 2 ya da 3 afta soñ ilk tedbirde edim”, - tarif etti uquq qoruyıcı Olga Skripnik. 

“Onıñ büyük istidatı olğanı aqqında ep bile edim. Aile qadında vazifelerimden biri - öz istidatını kerçekleştirmek içün oña imkân yaratmaqtır. İnsanlarğa yardım etebilecegimiz pek hoşuma kele. Elbet de, daa çoq yardım etmege ister edik, amma yapabilecegimizni beceremiz”, - dey uquq qoruyıcı Vissarion Aseyev. 

Daa uquq qoruyıcı şunı qayd ete ki, yapqanları - tek Qırım aqqında degil, Ukrainada da olıp keçken vaqiaları da aqqındadır. 

“Bu cenk olmasıñ ve balalarımız cenk ne olğanını bilmesinler dep er kes yapmaq kerek olğanını yapabile. Buna köre, ilk nevbette yapmaq istegenim - balama tuvğan evimni köstermek”, - yekün çek Skripnik. 

Bizni Telegram’da oquñız