Bunı “Qırım birdemiligi” haber etti.

“2003 senesi Yuqarı mahkemesinnen terrorizmge qarşılıq aqqında çıqarılğan qarar yanaklıqnen küreş usulı degil, bu islamofobiya kösterğıçidır. O uquq qoruci organlarğa terrirorzmnen bağlı olmağan insanlarını taqıp etmege imkân bere. Qırımtatarlar - hainler ve terroristler degil. Siyasiy mabuslerini azat etiñız!”, - Muratov mahkemede beyan etti.

Munaqaşalar devamında devlet qabaatluvci Sergіy Aydіnov Zekirya Muratovnı RF CQ 205 maddenıñ ekinci qısımına köre (“terroristik teşkilâtnıñ faaliyetine iştiraq”) qabaatlı tanımağa,  12 yıllıq apis cezasına mahkemelemege ve apisten soñ 1,5 yılğa areketini sınırlamağa rica etti. Qabaatluvcınıñ fikirine köre, birinci 3 yılını Muratov apishanede,  qalğan devirini qattı rejim koloniyada keçirmege mecbur. 

“Qırımtatarlarnıñ toqtatuvlarnıñ esas sebebi - vu ükümnıñ sımarlanğan olğanı. Rusiye Federatsiyası "Hіzb ut-Tahrіr" keysnen qullanıp, terroristlernen insanlarını qorquzıp, qırımtatarlarını taqıp etmege sebep taqan”, Suspilne Qırımğa Ukraina-Helsinki insan aqlar birliknıñ icracı müdiri Öleksandr Pavlіçenko beyan etti. 

O qayd etti ki, işğal ükümeti içün böyle teşkilâtnıñ olğanı pek müimdır, bu sebepten "Hіzb ut-Tahrіr" olmasa edi, bir şey yañı tüşünip çiqarmağa ola bile ediler.

“Bu FHT usullardan biri,  olar fedalarını qıdıralar ve kelicekte olarnen tınç ealeni qorquzalar.  Bu qorqunı tarqatmağa ve mabus yerine qolay oğramasını klstertmege maqsadınnen yapıla. İnsan cinayet faaliyetine bağlı olmasa de, o işğal ükümetinnen toqtatılğan insanlarnıñ cedveline  oğrasa - bir şey diqqatqa alınmaz”, - Öleksandr Pavlіçenko ayttı.

Advokat Lіlâ Gemecі zvernula uvagu na polojennâ Jenevskoї konventsії ta na te, şço Muratov є gromadâninom Ukraїni.

Qorucı Emine Avamileva qayd etti ki,  prokuror irişimsiz isbatlarğa bağlanğan edi. 

“Devlet qabaatlavci operativ hadimnıñ malümatlarına bağlandı. Bu malümatlar ceryaniy qayd etilmediler. Daa bazı orta derece bağlanğan edi, misal olaraq qomşuları körgen ediler, nasıl Zekirya Mustafayevnıñ evine musulmanlarğa oşağan, saqallı adamlar kelgen ediler ve olar bir şeyni sesli muzakere ete ediler. Lâkin şaat ne aqqında muzakere edi bilmey. Belki maşnalarını ya da başqa aletlerini muzakere ete ediler. Mahkemede  bunı qayd etmediler.  Öz şaatlığına Muratov aytqan edi ki, diniy subetlerine iştiraq etip, Aluştadaki diniy cemaatnıñ problemalarını muzakere ete edi. Fikir etemiz ki,  Zekirya Muratov bu yıl 65 toldurtacaq, esli-başlı adam içün bu cezalav deviri ebediy sayıla. Grajdan yaşayışnıñ muzakeresi sebibinden z böyle ceza? Qoruv qabaatluvnen razı degil ve munaqaşalar  azırlana”, - advokat Lilâ Gemeci beyan etti.

Ukraina-Helsinki insan aqlar birliknıñ icracı müdiri qayd etti ki, böyle şuraviy ameliyat 20-30 senelerden devam ete. Cemiyetnıñ merağını celp etken şahsiyet çağına, sağlıq alına, qabaatsızlıqnıñ isbatlarına baqmayıp, taqıp etilgen edi. 

Öleksandr Pavlіçenko daa añlattı ki, ne içün Rusiye Federatsiyası qırımtatar halqını yarımadan köçmege mecburlay.

“Qırımda böyle ritorika çoqtan bar edi. Şimdiki vaqıtında de Rusiye Federatsiyası 1944 senesi qırımtatar halqnıñ sürgünliknıñ sebebinnen olğan qalp qabaatluv tekrarlana. 

Misal olaraq, Ekinci dünya cenknıñ devamında,  qırımtatarlar işğal alman ükümetnıñ ordularınnen birleşip, şuraviy devletine hainlik yaptı dep aytalar. 

Rus ükümeti bu kerçeklernen faydalanıp, qırımtatarlarnıñ Rusiyege munasibetini köstertmege isteyler. Şimdiki vaqıtında Şuraviy Birliknın qıymetleri ğayrıdan tikleneler, olarnı qabul etmegenlerini - duşmanlarnen sayyalar. Demek, Rusiye bu qıymetini qırımtatar halqına keçire ve oñı hainlikte qabaatlay.  Tek işğal ükümet yarımadanı qaldırğanda bu kerçek denişmege ola bile. Elbette, deokkupatsiya suali tınç olmağa mecbur. Tek deookkupatsiya şuraviy dünyabaqışını ve bu tarihnıñ teşviqatını deniştirmege olacaq”, - Pavliçenko qoştı.

O tarifledi ki, şimdiki vaqıtında biz tek böyle davalar ile oğan ameliyatına esaslanmağa ola bilemiz. 

“Qararğa tesir etmege imkânı olğan quvetlernıñ mahkemeden tış qoşuluvı müim, çünki bu plan etilgen ceryan, onıñ stsenariyi ve qayd etilgen maqsadı bar, ondan ğayrı soñı de endi belli. Qırımtatar halqı bunı añlay ve işğal rejimge razı olmağanı taqdim ete. Episi Rusiye Federatsiyağa uquq tesiri olğan  mustaqıl halqara teşkilâtlarına bu ceryanğa davet etmege kerek”, – Ukraina-Helsinki insan aqlar birliknıñ icracı müdiri qayd etti. 

Belli malümatlar 

• Zekіrya Muratov 3-ci gruppa saqatlıqnen qırımtatar adamı. Onıñ bir qaç hastalıqları bar: 200/150 dereceli yüksek qan basımı, yürek qıtlığı, başqa yürek hastalıqları, sol ayağnıñ üyüşmesı ve başqaları. Muratov bir qaç operatsiyadan keçti: qasıq fıtığı, köbek fıtığı, zafra fısqa. Ondan ğayrı  hronik gipertonik hastalığı bar. 
• 2021 senesi yazda siyasiy mabus COVID-19 hastalığına tevqıfhanede hastalanğan edi. Yaramay alda oñı Rostov-na-Donudaki apisnıñ hastahanesine alıp kettiler. Aqcigerlernıñ 50%  yenilmesi qayd etildi.  Evelsi, ilk baar ayında onıñ gipertonik krizi edi. 
• Umumen, palatada o 48 kün devamında bulundı, yaramay alına ve advokatlarnıñ muracaatlarına baqmayıp, mahkeme Muratovnı qorucılıq astında tuta edi ve prokurornıñ daimiy beyanatları ile öñleycitedbirini devam ete edi.  
• Zekіrya Muratov 2020 senesi oraq aynıñ 7 işğal etilgen Qırımda keçirilgen kütleviy tintüvler devamında toqtatılğan edi. Oñı RF CQ 205.5  maddesine köre qabaatlaylar.
•  2003 senesi RF  “Hіzb ut-Tahrіr" siyasiy islam firqanıñ areketi yasaq etildi.  Ukrainada ve başqa devletlerde onıñ faliyeti qabul etile.Mudafaa ve iştiraqçilar ceryanını qalp etilgen dep adlandıralar. 

Bizni Telegram’da oquñız