Bunı “Qırım birdemligi”  Facebook saifesinde haber etti.

Kiçik aynıñ 9, saba saat 4:00 Bağçasaray rayonda, Balaklavada, Aqmescitte ve Qarasuvbazarda işğalciler qırımtatar faallernıñ evlerine qanunsız tintüvlerini keçirdiler.  Bu qırımtatar adamlar qırımdaki siyasiy mabuslerine imdat bildirte ediler.

“Regional faallermiznıñ malümatlarından bildik ki, Qırımnıñ çeşit rayonlvrında işğal quvetçiler tintüvlerini keçirdiler. Toqtatılğan adamlarnıñ aqrabaları ayttılar ki,  taqıqat tedbirler saba erte, saat 4 başlandılar.  Saat 7 toqtatılğan adamlarını alıp kettiler”, - haberde aytıla.

Qırım uquq qorucı taqımnıñ talilçisı Öleksandr Sedov Suspіlne Qırımğa ayttı ki, Qırımnıñ işğal deviri devamında böyle toqtatuılar ve insan aqlarnıñ bozuvları daimiy keçirelecekler. 

“RF ükümeti areket etkence, qırımtatar halqı grajdan fikirnıñ kösterüvi sebebinden taqıp etilecek”, - ekspert ayttı.

Menba: Qırım birdemligi

 “Qırım birdemliknıñ” malümatlarına köre, Bağçasaray rayonda, Tankove köyünde Osmanov Ansar İsmailoviçnıñ evine tintüv keçirildi. Tintüvden soñ oñı Aqyar şeyerindeki “FTH”idaresine alıp kettiler.  Adam siyasiy mabuslerine bağışlanğan grajdan teşebbüslerine ve malümat kampaniyalarına iştiraq ete edi,  Qırımda ve Rostov-na-Donu şeyerinde keçirilgen mahkeme ceryanlarını ziyaret ete edi.

Uquq qorucilar qayd ettiler ki, 2019 senesi, ekim ayında Ansar Osmanovnı, Amet  Suleymanovnı (“uçunci Bağçasaraydaki taqımı”) ve Ali Kerimrvnı, Rostov-na-Donu şeyerinde ketkende,  Keriç köpürde bir qas kere toqtatqan ediler.  Rostov-na-Donu şeyerinde “Hizb-ut-Tahrir” (Yaltadaki taqım) davası ile oturuşlar keçe ediler.

Menba: Qırım birdemligi

Qanunsız toqtatılğan Ansar Osmanovnıñ ömür arqadaşı - Osmanova Meryem İldarivna haber etti ki,  gecesi evlernıñ yanında avtobus toqtadı. “FTH hadimleri” pencerelerine pek taqırdatıp, evlerine kirdiler.

"Saba saat dörtte faaller bizge haber ettiler ki,  Bağçasarayda, Aqyarda, Aqmecit ve Qarasuvbazarda tintüvler keçireleler.  Dört dane qırımtatar faali toqtatılğan edi. Şimdiki vaqıtında birisi Aqmescitte buluna, başqalarını endi Aqyarğa, mahkeme keçirmek içün alıp kettiler”, -  “Qırım birdemliknıñ”  grajdan jurnalisti Zidan Acikelâmov haber etti.  

Menba: Qırım birdemligi

Daa oñı mobil aqlamanıñ ğayıp olğanı şaşırttı. Bu sebepten faaller advokatlarnen bağlanmağa olmadılar. 

"Advokatlarnıñ telefon alaqası çalışmay edi, insanlar olarnen bağlanmağa olmadılar. Bu sebepten advokatlar taqıqat tedbirlerde iştiraq etmediler. Bu insan aqlar bozuvınnen sayıla", – faal qayd etti. 

Öleksandr Sedov fikirine köre, insan aqlar bozuvları - bu insanlarnıñ toqtatuvları ve Hizb ut-Tahrir teşkilâtında azalığına qabaatluvları. O qayd etti ki, bu şahsiy tokuñsızlıq aqnıñ, fikir, vicdan, diñ azatlıqnıñ bozuvlarıdır.

Menba: Qırım birdemligi

“Alaqanıñ sonduruvı advokatlarnıñ ve uquq qorucılarnıñ işlerini muşkulleştirmek maqsadınnen yapılğan edi. İşğal quvetçiler tinüvler devamında pek aşıqa ediler. Er vaqıt “Tez-tez, aşıqnız” dep ayta ediler. Demek, olar tintüvini bitirip, adamlarını evlerinden tezce alıp ketmege aşıqa ediler. Kerekli isbatlarını taşladılar, soñ özleri de taptılar”, – Sedov ayttı.

Daa işğalciler  Abdulvapov Amethan Necipoviçnı toqtattılar. O Aqmescit şeyerinle,  Bile-5, Kürkçi 20 adresi ile yaşay.

Qarasuvbazarda “tintüv” Mustafayev Marlen Ramisoviçnıñ evine keçirildi. Adam faal şekilde mahkemelerini ziyaret ete edi ve siyasiy mabuslernıñ qorantalarına yardım ete edi. O “Qırım birdemliknıñ” gonullisı ola. 2017 senesi, aralıq ayında Marlen Mustafayevnı 2017 senesi, ekim aynıñ 14 keçirilgen yalñız piket sebebinden, 10 bin ruble memuriy köreme  ödemege mecburladılar. 

Menba: Qırım birdemligi

“Bugun qırımtatarlarnıñ evlerine tintüvler keçirdiler. Eki danesi Aqmescit rayonda, bir danesi Qarasuvbazarda ve daa eki danesi Aqyar rayonda. Men qanunsız toqtatılğan Ansar Osmanovnı qorçalamağa qarar çıqardım. Bugün saat 16:00 Aqyar şeyernıñ “Leninskiy rayon mahkemesine” oñleyci tedbirnıñ seçüvi maqsadınnen mahkeme oturuşını keçirecekler. Qanunsız toqtatılğan adamlarını Rusiyede terroristik tanılğan Hizb ut-Tahrir teşkilâtına munasibetine qabaatlacaqlar”, – advokat Emіl Kürbedіnov haber etti.

O mobil alaqanıñ sonduruvı aqqında haber etti. Aytqanına köre,  qanunsız “tintüvlernıñ” devamında çoqsı advokatlarnıñ ve uquq qorucilarnıñ mobil bağları yoq edi Ondan ğayrı,  grajdan birlik koordinatornıñ Dilâver Memetovnıñ ve grajdan jurnalistnıñ Zidan Acikelâmovnıñ telefonları irişimsiz qalğan ediler.

"Mende ve bir qaç zenaatdaşlarımnıñ  mobil ağı aslında sondurulgen edi, alaqası çalışmay edi. Böyle adiseler evelsi de qayd etilgen ediler. Men bellesem, bu tesaduv degil. Böyle şartlarda qabaatlanğan insanğa bir şeyni taşlamağa qolats", –  advokat Emіl Kürbedіnov ayttı. 

O qoştı ki, tintüv devamında Osmanovğa yasaq etilgen kitaplarını braqtılar. 

Aqyar şeyerinde, Balaklava köyünde  Seytosmanov Ernest Kazimoviçnıñ evine tintüv keçirdiler.  Ernest  Enver Seytosmanov siyasiy mabusnıñ doğmuş oğlan qardaşı ola.  Enver Seytosmanov işğalcilernen qattı rejim koloniyasına 17 yıllıq apis cezasına mahkemelengen edi. Oñı  "Hіzb ut-Tahrіr" islam firqağa munasibetine qabaatlağan ediler. Ernest Seytosmanovnıñ evine bu endi dörtinci qanunsız tintüv oldı.

Menba: Qırım birdemligi

Adam qırımtatarlar astında keçirilgen mahkeme oturuşlarını Qırımda ve Rlstov-na-Donu şeyerinde ziyaret ete edi,  siyasiy mabuslernıñ qorantalarına içtimaiy-maişçiy suallerini çizmege yardım ete edi ve grajdan teşebbüslerine iştiraq ete edi. 

“Bugun,  saba saat 7 maña haber ettiler ki, Balaklava rayonnıñ Tilove köyünde Ernest Seytosmanovnıñ evine tintüv keçirile.  Men Ernestnen çoqtan tanışım, bu qırımtatar halqnıñ eñ faal vekillerden biri. O er vaqıt mahkeme oturuşlarını ziyaret ete edi.  Eki dane yaqın insanı qanunsız apislengen ediler. Ruslan Zitulayev - birinci “ Hіzb-ut-Tahrіr davanıñ” iştiraqçisı ve Ernestnıñ doğmuş oğlan qardaşı Enver Seytosmanov. Olarğa çoq yıllıq apis cezalarını çıqardılar.  Ükümler endi ilân etilgenler, adamlar cezalarını koloniyalarda çekeler”, - mahkeme oturuşqa yol tutqanda “Qırım birdemliknıñ” koordinatorı Dіlâver Memetov malümat berdi. 

O qoştı ki, Ernestke basım ete ediler qorquza ediler. Faal haber ettti ki, Ernest bir qaç ay evelsi “FTH hadimlerinnen”toqtatılğan edi. O zamanda adamnı qıynağan ve azaplağan ediler. 

 Qırım Muhtar Cumhuriyetnıñ ve Aqyar şeyernıñ prokuraturası kiçik aynıñ 9 işğal etilgen yarımadada işğalci devletnıñ quvetçilerinnen qırımtatarlarnıñ evlerine keçirilgen qanunsız tintüvler sebebinden cinayet davasını açtı.

“Bugün, kiçik aynıñ 9 cumhuriyetnıñ prokuraturası işğalci devletnıñ quvetçilerinnen Qırımnıñ çeşit rayonlarına  keçirilgen qanunsız tintüvler sebebinden cinayet davasını açtı. Cinayet qanunnamenıñ 163 maddenıñ 2 qısımına köre, dava mesken toqunmasızlıqnıñ bozuv kerçegi  ile açılğan”, - haberde aytıla.

Maddenıñ sanktsiyasına köre, beş yılğace apis cezası çıqarıla.